President Trump nih Republican le Democrats hruaitu pawl cu telephone a chonh hna

President Trump nih congress palai pawl cu US mipi nih stimulus check a tlawm bik, $1200 in $2000 tiang hmuh khawhnak dingah a forhfial hna. President Trump nih Republican le Democrats hruaitu pawl cu telephone a chonh hna i a rannak in approve tuah dingah a nawl hna. Congress (Senate+House) $900 billion bill an chuahpi mi an pass khawh ahcun US mipi nih cozah bawmhnak cu Christmas hrawng a si lo hmanh ah kum thar ah ngah cio a si te lai.

Atu tiang Democrats le Republican hruaitu hna nih a tlangpi in an lungtlin mi cu $600 lawng a si caah President Trump nih a tlawm tuk a ti. Covid-19 zawtnak cu mipi nih tuahmi a si loin, China nih a tuahmi a si caah mipi nih cozah bawmhnak hi an co ding hrimhrim a si” tiah a chim. Senator, House representative pawl cu weekend zongah idin loin meting an tuah. Tuchun ah hin cozah budget zong an thlak a hau, an thak khawh lo ahcun tuzan zamtim 11:59: PM ah federal cozah zung vialte an khar chung lai.

President Trump Nih Martial Law Chuah Dingah Ruahnak Hal Hna. President Donald Trump nih ruahnak a petu hna cu a auh hna i martial law chuah khawh a si le si lo, martial law chuah ah zeidah a cang kho? martial law chuah in zeidah an tuah khawh timi le US phunghram ah martial law chuah khawh a si le si lo ceihmainak tuchun ah an ngei.

Martial Law chuah ding ruahnak hi General Michael Flynn nih a chuahpi mi a si. President nih martial law a chuah hnu ah ralkap nih a herhning in tuanvo an laak lai, White House ah Joe Biden lut lo dingah an kham lai. Swing state 5 ah vote firnak le hrokhrawlnak a ummi vialte kherhhlai dingah special counsel caah Sidney Powell tuanvo pek an timh. Tuanvo an pek taktak ahcun voting machine pawl le vote firnak le hrokhrawlnak vialte an kherhhlai dih lai i, report an pek lai.

Martial law an chuah taktak ahcun vote thlakning le vote relning a buai tuknak, Battle ground state 5 ah thimnak a thar in tuah a si kho men. Asinain US constitution nih a onh taktak le onh taktak lo fiang tein an chim kho rih lo. President Trump nih biachahnak taktak a tuahmi um rih lo.

General Michael Flynn nih President Donald Trump cu martial law chuah i, Joe Biden he an i phomhnak swing state timi battle ground state poah ah a thar in thimnak tuah dingah ruahnak a pek. Newsmax nih General Michael Flynn interview an tuahmi ah “President Trump nih rianrang tein martial law chuah sehlaw battle ground i vote thlaknak seh, voting machine vialte la dih hna seh, ralkap nih white house le Federal zung vialte cong dih hna sehlaw Joe Biden lut kho lo ding in tuah hna seh, mah hnu ah battle ground state poah ah a thar in thimnak tuah seh” tiah ruahnak a pekmi cu interview ah a chim.

Democrats nih Governor an tuannak le Major an tuannak hmun cheukhat ah hin vote firnak le hrokhrawlnak tampi a um tiah an zumh. Inn cio ah vote an kuat hna, aho nih thimfung a thlak timi hngalh khawh a si lo. Chek khawh zong a si fawn lo. Citizen a si lomi zong nih rak thlak khawh a si, micheu inn ahcun cabawm in vote voi hnih le voithum tiang an kuatmi hna zong a um. Mi thi cia min in vote kuatmi cabawm zong a um ti a si. Vote thlanak seh hrimhrim hi a hlan tein Joe Biden caah software rak tuah hna sehlaw a dawh tiah an chim.

Acting Defense Secretary Chris Miller nih Biden cozah team le Trump cozah team rian ichannak schedule vialte tuchun ah ngol ding in order a chuah. Zeiruangah order a chuah timi bia fiang taktak a um rih lo, Russian nih US Energy Department le National Nuclear Security Administration zung cu cyber attack a tuah caah a si kho men an ti. Rian ngeitu cheukhat chimnak ah holiday lai a si caah a si kho men an ti. Tulio US Ralkap cu COVID-19 khamhnak sii phawhzamhnak tuanvo an la I an busy saling te a si. Joe Biden Transitional Team pawl cu an thinphang an lungre thei pah ti si.

President Donald Trump nih Attorney General William Barr a chuah hnu ah Joe Biden fapa Hunter Biden nih apa min hmang in Ukrain Burisma gas company sin in Phaisa a laakmi, tax a pek lomi le Election vote an firmi kong kherhhlai tu ding Counselor pakhat rian a pek lai tiah thawngpang a chuak. AG Barr cu Joe Biden fapa nih phung ning loin thil a tuahmi kherhhlainak a tuah duh Lo caah President Trump nih nizan ah Christmas hlan ah idin ding in a rian a phuah cang.

Republican hruaitu le Senate Majority Leader Mitch McConnell nih Joe Biden Congratulation a tuahmi kongah. Republican hruaitu cheukhat le President Donald Trump an lungtling lo. President Trump nih Mitch McConnell cu tuan tuk ah na lung dongh ding si lo, vote an firmi ruangah mipi an thin dam lo, an thinhung tiah a ti. President thimnak ah state cheukhat ahcun inn kip address in vote kuat cio a si caah citizen a si lomi zong nih lih le hrokhrawl in vote an thlak ve ti a si. President Donald Trump nih citizen thlakmi thimfung lawng rel a si ahcun fawit tuk in ka tei lai tiah a ti. phung ning loin thimfung thlakmi viakte rel chih ding a si lo, phungning tein thlakmi vote lawng rel ding a si a ti. Covid-19 Pandemic ruangah vote tampi cu cabawm in kuat a si ruangah fir a tam lai tiah ruah cio a si. Republican 90% nih vote firnak a um hrimhrim tiah an zumh.

Senate Republican hruaitu Mitch McConnell nih Stimulus check le Covid-19 bawmhnak deal kan tuah khawh hlan lo Christmas zong kan khar lai lo tiah tuchun ah a chim. Small business bawmhnak Paycheck Protection Program, caah $300 billions, state and local governments caah $240billion le unemployment benefits zarh khat $300 bawmhnak pek dingmi bill a tel lai ti a si. President Trump nih Stimulus Check deal nan tuah khawh ahcun min ka thut colh lai a ti. Stimulus Check Deal an tuah khawh ahcun Christmas laksawng a si te lai.

A Chimning In A Tuahmi President Donald Trump. President Trump nih Virus khamhnak si cu 2020 kum dih ah serchuah ding in May 15, 2020 ah a rak chim. A chim ka ah a si kho lo ding in media tampi le sii lei expert tampi nih an soisel. Asinanin a chimning tein an serchuah taktak. Asinain Democrats nih cun President Donald Trump chan i virus khamhnak sii serchuah cu a duh lo. Donald Trump credit pek loin Joe Biden tu credit pek an duh caah a si ko.
President Donald Trump hi minung a si ve caah a tlamtlin lonak tampi a um ve ko lai. Asinain a biakam le a biachim ning bantuk in a tuah zungzal mi President a si timi cu a tuahsernak nih a langhter.

Ralthawh Dingah Tuluk A Ready. Tuluk President Xi Jinping nih Tuluk ralkap pawl cu a herh caan poah ah raltuk kawh dingah ready tein um dingah tuchun ah an ralkap cu order apek cang hna. Tuluk cozah nih US he ituk sual ah tiin ralrin ah nuclear bom le hypersonic Missile rianrang in a chuah chin lengmang ti a si. The Bulletin of the Atomic Scientist nih an chimnak ah nuclear kuanfang an ngeihmi hi a hlannak a karh chin lengmang tiah report an chuah. Tuluk nih Nuclear Warheads a ngeihmi hi 250 in 350 renglo ah a karh cang an ti.

Tuluk ser DF-16 timi cu a speed hi hlan lio nak in a let 18 in a rang deuh. Din lo bak in khan 2000 a zuang kho. Cucaah US ramchung Guam tikulh hi a phak khawh ti a si. Tuluk cozah nih an ralkap budget cu billions tampi an karhter i, atu bantuk in ralkap thazang thawnter an timhmi hi US ralkap dir onh khawhnak caah an tuahmi a si an ti.
Tuluk le US cu covid-19, Taiwan le South China tilulh i cuhkalh ruangah US he an i rengh lio te a si.

Tuluk communist cozah nih an ngaknu dawhdawh tete kha nitlak lei ram an an kuat hna i Tuluk cozah caah Nitlak leiram thilthup le biathli an firter hna an ti. Atu hi UK cozah zong ralrinnak an ipe ti si, California Democrats House Representative Eric Swalwell zong Tuluk spy nute Fang Fang nih a lem i a ihpi hnu ah US cozah thilthup le biathli tampi fir dawh a si, Investigate an tuah liote a si.

President Donald Trump nih Attorney General William Barr cu Joe Biden fapa Hunter Biden nih a pa min hmang in phungning loin Ukrain Bresma gas company sin in phaisa a hmuhmi le Tax a pek lomi kongah tazacuainak le hlathlainak a tuah duh lo ruangah nizan ah a rian dinhter dingah biachahnak a tuah cang. News cheukhat an tialning ah Joe Biden nih a fapa Hunter Biden a hmuhmi.chung in 10% hrawng co dawh si an ti.

New York Democrats Governor Guomo cu a zung riantuantu Lindsay Boylan nih tlaihhrem a rak zalhnak le a tuaitamnak kong a twitter ah a phuan. Asinain Governor Guomo nih zeihmanh a chim duh lo caah a cungah lunghrinhnak a zual.
Mah bantuk thswngpang cu CNN, New Yourk Times le Washington Post tepawl nih cun an thuh piak i an chim duh lo ti si Guomou a naupa Christ Guomo cu CNN ah riantuanmi a si ve. Credit: Salai Lairamthang