President Donald Trump Nih US Mipi Caah Minsen A Thut Piak Cang Hna

President Donald Trump nih $900billion stimulus package bill cu tuzan ah minsen a thut I upadi ah a fehter cang. Min a thutnak a ruang bik cu US ah rian ngei lomi cozah bawmhnak, unemployment benefits a eimi 14 million an um. Tuzan i minthut lo ahcun thaizing thawk in phaisa ngah dingmi budget a um ti lo caah le cozah budget chap lo ahcun cozah zung vialte thaizing in khar did ding a si caah a si.

Minung pakhat nih $600 cio ngah dingmi stimulus check, cozah budget September tiang zong a tel chih. Small business bawmhnak PPP loan zong a tel chih. President Trump nih American mipi nih $2000 cio an ngah khawhnak dingah ka zuam rih lai, ka ngol hlei lai lo, nan hmuh chap ko lai” tiah a ti. A thei lomi caah share tuah chin te ulaw tha.

President Trump nih tuchun ah β€œUS mipi minung pakhat nih $2000 cio hmuh dingah an i tlak, chim tlak lomi $600 hmuh ding cu a si kho lomi a si’ tiah a chim than. Congress nih a herh lomi ah billion dollar dih in hman nan timhmi hi cu nan hleh bang a hau tiah a chim. Congress nih $900 billion coronavirus bawmhnak bill cu kan hnu zarh ah an cohlan cang nain President Donald Trump nih an bill pass mi tha tein a zohfel hnu ah a lungtlin LO caah minsen a thu duh lo caah an itartahak.

Republican nih $2000 tiangtiang pek hi an duh lem lo, zeicatiah US National leiba hi $27 trillion reng LO a si cang caah US citizen minung pakhat nih kan ngeihmi leiba hi $220000 renglo cio a si cang caah a si. Monday ah hin congress hruaitu hna meeting an tuah than lai i, Minung pakhat nih &1200 cio ngah ding in an lung an ihmu kho men tiah ruah a si.

President Donald Trump nih American mipi minung pakhat ah Stimulus check $600 telawng pek nan timhmi hna hi a tlawm tuk ka lungtling lo, minung pakhat ah $2000 tal cu nan pek hna ding a si, nan pek duh hna lo ahcun $900 billion relief bill nan chuahpi mi hi VETO power ka hman khawh tiah tu zanlei ah a tlerh hna. Congress nih zahan zan i an pass cangmi $900 billion bill cu atu tiang minsen a thu duh rih lo.

President Trump nih Congress (Senate+House) nih nan chuahpi mi bill $900 billion hi remh than ulaw, minung pakhat $600 nan pek mi hna hi minung pakhat ah $2000 tal pe hna uh, nuva nih $ 4000 tal co ding in bill chuahpi ulaw min ka thut colh lai tiah a ti hna. Bill nan chuahpi mi $900 billion chungah Coronavirus he a pehtlai lomi, a herh lomi, phaisa heu sawsawh mi nan telh chihmi hi nan remh dih a hau tiah a ti. “American ngunkhuai tax a pemi nih $600 lawng ngah i, phung loin a ummi, illegal family nih $ 1800 tiang co khawh ding cu a fair lo tukmi a si” tiah President Trump nih a ti.

Cucaah Congress nih $900 billion an chuahpi cu zohfelnak ngeih than dawh an si caah minung pakhat nih $600 nak tam deuh hmuh khawh a si kho.

Joe Biden le a nupi, Jill Biden tuchun ah Pfizer nih an serchuah mi, Covid-19 khamhnak sii vaccine cu tuchun ah an i chun i, LIVE in an thlah hna. President Donald Trump nih kum khat tlin hlan chuahmi sii cu ichunh ngam a si lai lo, a safe lai lo, kan him lai lo tiah Democrats hruaitu cheukhat pawl nih media ah President Donald Trump cu a phunphun in an rak soisel. President Trump nih kum khat tlin hlan ah vaccine cu a chuahter taktak hna.

UK, le Bahrain nih PFizer serhchuah mi si cu approve an tuah nain FDA nih approve an tuah duh zau lo caah President Trump nih FDA commissioner Dr Stephen Hahn cu approve na tuah lo ahcun na rian in na chuah hau lai” tiah warning a pek hmu ceo ah FDA nih approve an tuah. President Donald Trump chan chuahmi Covid 19 khamhnak sii chunh a duh lomi le a ttih bikmi Pi chur Nancy Pelosi nih hawi hlan bik ah a van i chun, a changtu ah Joe Biden le an nu nih an i chun ve. An lungthli tein cun an ningzak pah theo lai.

President Donald Trump nih Election hlan ah Coronavirus relief bill 1.4 trillion tiang pek dingah Republcian pawl he lungtlinnak an ngei i democrats pawl cu deal an tuah hna nain Nancy Pelosi nih a rak duh naisai lo. Asinain election a dih hnu tu ahcun $900 billion te cu fawi tuk in a pom fawn. News media pawl nih mah kong cu an hal i, Pelosi nih a chim duh naisai lo, a theihter duh lo, a leh hrimhrim a let duh hna lo. A fiangmi cu Democrats pawl nih Coronavirus cu President Trump le Republican party dohnak hriamnam caah an rak hman timi hi a dik bakmi a si tiah ka ruah. Credit: Lairamthang