President Donald Trump na duh lo kha minung a phung si ko

President Donald Trump na duh lo kha minung a phung si ko. Na duh lo zong ah na rem lo zong ah tamtuk in a kong chiatnak kha chim hlah, thlatu campiak. Thlacam kha Jesuh Khrih zumtu pakhat dir hmun in na rian a si i na tuah hrimhrim ding mi zong a si. Pasator te tam deuh zong nih Trump hi kan hei i rem ter lo i kan hei soisal chih ve, kan rian kan i hngal lo a si, mitam deuh nih nu kong ah kan hei soisal, pasator kan tuan hlan ah khan siloah zeitinhla nupi kan tthih ti zong kha kan hnu lei kan van i bih ta duak kan hau, nu kong ah pasator lila nih kan hei ti ngai cuh. Amah bantuk cu $$ a neimi rak si u law nan zual kho men.

Joe Biden cu president a si cang. Ka duh maw? Duh bak hlah.. Kamala Harris Vice a si. Ka duh maw? Duh bak hlah.. Sihmanhsehlaw va soisal le an sual va kawl len kha zumtu rian a si loh, Khrih zumtu pakhat dirhmun in cun an ca i thlacam kha kan rian ngan bik mi a si. Ka rian a si le caankaa in cam bak ding zong si fawn. A.W. Tozer nih a chimmi ah, “Minung cu Pathian nih a khiah cia ni le caan chung ah khual a tlawng mi kan si” a ti. Hi hna pahnih nih Pathian nih a timhmi a plan kha an hrawk kho hlei lo. Pathian timhmi le duhnak cu a ni le a caan a phak tik ah a tling thiamthiam ko lai.

Pathian a tih mi hruaitu le Pathian tih lo mi hruaitu te an dirhmun cu Judah le Israel hna hman in hmuh khawh theih khawh a si ko. Pathian a tihmi president kan herh bantuk te in minung nak in Pathian lungton ai timmi pastor tampi kan herh ve. Pathian kha a tih lawng siloin A Bia zong a duh, a tanh, a dirpi ngam mi pastor tampi kan herh.
Prophet Nathan bantuk a ral ttha i sual kha sual a si tiah ralttha te in siangpahrang zong kha na sual tiah a chim ngam mi le a phuang ngam mi pasor tam pi kan herh ko hih. Credit: Za He Lian