President Donald Trump Hmuhmi Vote:

President Donald Trump Hmuhmi Vote:
*****************************************
Kum 2016: 62,984,838 (62 Millions votes), Kum 2020: 73,896,211 (73 Million Votes). 2020 thimnak ahVote: 10,911,373 10 Million Votes renglo in a karh deuh caah President Donald Trump hi 2016 nak in mi tam deuh nih an rak duh deuh thiamthiam timi facts hmuh khawh a si. President Trump nih tuchun ah twitter ah a tialmi cu” Biden nih thimfung a fir lonak telhte a chuahpi khawh lawngah White House ah ka luhter te lai” tiah a chim.
President Trump nih Thanksgiving biacah a chimmi ah hmaizarh silole zarh nolh in coronavirus khamhnak sii vaccine cu mizaw thloptu hna le senior citizen pawl phawt hmasa a si lai” tiah video conference in tuchun ah a chim. Coronavirus khamhnak sii sertu Moderna and Pfizer company hna nih an serchuahmi vaccine cu zawtnak rungrul 95% a kham khotu a si. Zawtnak rungrul kherhhlai thiam expert Dr.Fauci nih cun kum voi April thla ahcun US citizen paoh cu phawt dih an si lai tiah a chim.Kum voi tu bantuk caan ahcun a hlan nuning kel in kan nung kho cang lai tiah zumh a si.
Kawlram media lak ah a raltha bikmi le minthang bik tiah ka ruahmi cu Myanmar Now media pawl hi an si. Kawlram ah media nganpi pi kan i ngeihmi, main stream media, BBC, RFA, DVB, VOA, Eleven, The Voice le Mizzima pawl hmanh nih an hlai khawh lomi le an tuah ngam lomi thil thup tampi a hlai khotu media cu Myanmar Now an si. Ralbawi hlun, Than Shwe, Khin Ngunt techung in, ralbawizik Min Aung Hliang te chungkhar tiang an sining le an riantuanning a hlai khotu a si. UDP party hotu U Kyaw Myint sining a hlai khotu le cozah riantuantu hna traning an peknak sianginn lutlai pawl an riantuanning a dik lomi tiang in a hlai khotu an si.
Myanmar Now a dirhtu Ko Swe Win cu Rakhing ram a rak tlawn lio ah ralkap+palek nih motor a mongh lio ah meithal in an rak kah bal i, nizan lawngah a sining a phuan. Kawlram hi democracy ngaingai kan si rih lo, ralkap kuttang ah kan um rih. Atu 75% mipi thimmi hi cu a phungmen sawsawh a si rih. U Ko Nyi nih 2008 phunghrampi remh dingah a phunphun in a zuam i Rangoon Airport ah chunlai li ah a nunnak an laak diam ko. 88 dothlennak a dih naisai rih lo. Mipi thimmi cozah nawlngeihnak tangah ralkap an um lawngah democracy hi a theipar hi kan ngah te dingmi a si. Credit: Salai Lairamthang