President Donald Trump Caah Thawngchia A Si Cang, Joe Biden Nih Rian I Chawnnak Tuah A Thok

๐๐ข๐๐ž๐ง ๐ง๐ข๐ก ๐๐ฎ๐š๐ง ๐š ๐‚๐จ ๐ฆ๐ข ๐Š๐ž๐ฒ ๐†๐จ๐ฏ๐ž๐ซ๐ง๐ฆ๐ž๐ง๐ญ ๐€๐ ๐ž๐ง๐œ๐ฒ ๐ง๐ข๐ก ๐‚๐จ๐ก๐ฅ๐š๐ง๐ง๐š๐ค ๐š๐ง ๐“๐ฎ๐š๐ก ๐ก๐ง๐ฎ ๐š๐ก ๐๐ก๐ฎ๐ง๐ ๐ง๐ข๐ง๐  ๐ญ๐ž ๐ข ๐‘๐ข๐š๐ง ๐ข ๐‚๐ก๐š๐ฐ๐ง๐ง๐š๐ค ๐“๐ฎ๐š๐ก ๐š๐ง ๐“๐ก๐จ๐ค
========================
Administrator Emily Murphy nih Monday chunhnu i ca a kuatmi hna ningah, phungning te i rian i chawnnak tuah thok dingin Trump cozah lei zong ready an si ko cang, tiin President-elect Joe Biden cu The General Services Administration nih thawng an thanh cang. Election teitu cu Biden a si, tiin thawng an thanhnak in zarh 2 hnu ah, hi capar hi Trump a sunghnak namhnehnak kong i karhlannak hmasabik a si.
โ€œPhungning te i rian i chawnnak nikhua tlaiter dingin White House nih buai hnawhnak a ka tuah lo. Thleidannak asiloah thih bu zong in biachahnak hi ka tuah fawn lo,โ€ Murphy nih a chim.ย  Law (upadi) le nihin tiang i hmuhkhawhmi thisining chirhchan in, zalawngtein biachahnak ka tuahmi a si, ti hi zangfahnak tein ka theihpiak hram u. Biachahnak ka tuahnak a ruang kongah siseh, a caan kai hmaithlaakmi kongah siseh, White House asiloah GSA ah a tuanmi hna telhchih in, Executive Branch official nih direct in siseh, indirect in siseh deiret an ka chanh hrimhrim lo, tiin a chim.
Biden nih buan a conak phungning tein a cohlannak langhternak ah capar cungah cun Murphy nih a min a thut. Cu ti min a thutnak a ruang cu, a tuah hnga a rian a tuah, tiin a fehter bia khi a si. Hi capar chuahmi ruangah hin official te i rian i chawnnak a hram a thokter khawh cang lai i, a hung lut ding mi Biden team pawl he an tuah hnga a si mi paoh tuahti dingin Trump cozah agency officials pawl a onhtu a si cang lai. Rian i chawnnak ca i tuakpiakmi cozah fund million tampi zong Biden team kut ah an vun ap cang lai.
President rian ca i timhlamhnak tuah awkah phungning te i rian i chawnnak hmanh cu Biden team nih cun an ngang lem lo. Monday in khan Cabinet ca i ai thimmi minung pawl Biden nih ai thanh cia dih cang. Asinain, a tak in fehternak a um rih lo ruangah, government data hi Biden te kut ah a phan kho rih lo i, federal agencies pawl he zong an i tong kho rih hna lo. Cun, rian i chawnnak caah tuakmi cozah tangka $6.3 million zong an hmang kho rih lo. Rian i chawnnak tuah cang dingin kan duhnak a ruang bik cu, Covid-19 data hi cop le cilh in i hman khawh i, vaccine phawtzamhnak kong i khuakhaannak tuah zokzok kan duh, tiah Biden official nih a chim.
White House staff ca i Biden nih rian a khanh dingmi hna le Cabinet ca i a thim dingmi hna an background checks tuahnak dingah a herhmi federal resources i hman khawhnak siseh, agencies lakah a hlei in hmunhma i ngeih khawhnak zong Biden Team nih an tinco te lai. โ€œPulrai dohnak kongah le kan economy chanhchuahnak kong hei ti bantuk, kan ram nih kan tonmi buaibainak vun tawlrelnak dingah phungning te i rian i chawnnak tuah thok hi a herh ngaingai mi karhlannak pakhat a si,โ€ tiin Biden rianapnak kong i executive director Yohannes Abraham nih a chim.
โ€œTutan biachahnak hi federal agencies pawl le tiin, phungning te i rian i chawnnak tuah ah a tlaangkawmtu cozah lei cawlcanghnak a si. A ra lai mi ni tlawmpal chungah khin, pulrai kong ceihti dingin rianchawnnak kong a tlaitu officials pawl le federal officails pawl khuakhaantinak an ngei chom lai i, kan national security nih ai hmaithlakmi tlamtlingtein tuanvo an vun laak lai i, kan government agencies pawl Trump cozah nih a kaa thim in thit viar a timhmi vialte fanghlangtein theihfiannak an ngei cang lai,โ€ tiin Abraham nih a chim.
Monday zinglei sang hrawng i Michigan nih phungningtein election results namhnehnak a tuah hnu le Trump tazacuaimi hnonpiak a si hnu ah, Monday lila ah a tu bantuk in capar in fehternak an tuah hi a si. Tlawmte lawng in an i thlaunak Georgia zong nih cun Friday ah khan result namhnehnak a tuah ve cang i, Pennsylvania zong hi namhnehnak a tuah dengmang ko cang.
Tutan capar chuahmi hi Election a phichuak a khupthal lehpiak dingin Rudy Guiliani nih a thithruaimi Trump tazacuainak thilrit pi cu donghnak a phan deng ko cang, ti tehte tharhlaambik a si. Trump a legal team nih vote fir a um, tiin an ti mi kongah tehte an chuahpi khawh lo caah, Results namhmehnak tuah rih lo dingin Trump campaign nih tazacuainak an tuahmi cu state tampi ah cun hnonpiak an si cang.
Monday hlan chung paoh kha cu, Biden nih buan a co a fiantuk ko bu ah, Murphy nih fehternak tuah a duh lo. Kan hnu hrawnghrang vialte kha cu, Politic kongah le hlathlainak kongah Trump nih ai thimmi Murphy hi Democrats sinin faakpiin deireetchanh a tong. Republicans pawl lila zong nih cun tluangtein rian i chawnnak tuah ko cang, tiin deireet an chanh ve cang, tiah theih a si.
โ€œA khuazei state hmanh hin election result thlengkhotu vote firnak asiloah vote kong i thil ai ningcanglo mi neh le nang a pel te hmanh a um sual lo. Cucaah, rian i chawnnak hi thok ding a si cang,โ€ tiin Monday ah khan Sen. Rob Portman, Ohio Republican, nih a chim. โ€œFehternak kong i rules (phung) pawl hi an fiangtuk ti lo, cucaah tharchuah an hau cang,โ€ tiah capar chungah Murphy nih a duhnak a langhter.
โ€œGSA nih hin tazacuainak le vote relthannak a phichuak hi nawl a ngeih lo, cun cu bantuk tazacuainak le vote relthannak a dik le dik lo kong zongah bia chattu a si fawn lo. Kan Constitution, federal laws le state laws pawl nih election namhnehtu kut ah le ai tlaakmi biaceihzung hna an biachahnak kut ah an apmi thil tampi a um. Federal hmunhma le thilri zohkhenh tuanvo an pekmi agency nih hin Constitution ah hram a bunhmi election cungah ai chuan awk a si lo, tiah ka ruah. The Act kongah remhsiamnak tuah dingin Congress pawl hi biataktein forhfial kan duh hna,โ€ tiin a tial.
Cu ti capar a chuahmi kong thanh a si tlawmpal ah khin a rian tuanmi cung i a lunglomhpinak le rianchawnnak thok dingin biachahnak a tuahmi a hna a tlakpinak kong Trump nih twitter in a langhter. โ€œKan ram caah fektein a nun ai ap caah le zumhawk a tlak caah GSA ah rian a tlaimi Emily Murphy cungah lomhnak vun langhter ka duh. Hnahnawhpek a tong, hrocer a tong, volhpamh a tong โ€“a pumpak cungah siseh, a chungkhar cungah siseh, GSA i a riantuantu pawl cungah siseh cu bantuk thil a tlun hi hmuh ka duh lo. Kan case cu thawngngaiin pehzulh a si ko rih. Biataktein ral kan do peng ko rih lai. Teinak kan co lai, tiah ka zumh! Sikohmanhsehlaw, kan ram nih duhbikmi zuul in, Emily le a team nih an tuah hnga ding rian an tuah hi ka duhpiak hna. Keimah ka team lei zong cu bangin tuahpi ve dingin ka chimh cang hna,โ€ tiin Trump nih a tial.
President a dironhtu hna nih cun cu ti i Twitter in ca a tialmi cu a lung a thumh (a sungh a khaan), tiin an ti piak, tiah Trump advisers 2 nih an chim. โ€œCuhlan tein an hal pengmi fundraising in a miakhmuh an duhmi solhnalh an duh caah a si,โ€ tiah adviser pakhat deuh nih a chim.
CNN nih email in capar an hmuh ningah, Biden hi Election buancotu ah fehter a si cang, tiin Monday zaan ah khan GSA nih federal departments thawng a thanh hna, ti a si. โ€œRemh a si cang bangin, Presidential Transition Act of 1963 he i rem in, Joseph R. Biden le Senator Kamala Harris cu President le Vice President an office a chawngtu an si cang, tiin nihin Nov. 23, 2020 ah GSA Admistrator nih fehternak a tuah cang,โ€ tiin federal departments sin kip ah federal coordinatior Mary Gibert nih email in ca a kuat hna.
GSA nih thawngthannak a tuahmi cu CNN sinin kan theih hmasa caah a cheukhat cozah riantuantu pawl cu an lautuk, tiah White House senior official pakhat nih a chim. Asinain, staffs pawl nih Biden team cu rian an bomh ko lai. Hihnu karhlannak kongah a herhmi thawngpang an hlathlai lio pi a si, tiin a chim.
Biden nih buan a conak in zarh 2 hnu tiang zongah fehternak tuah rih lo dingin nikhua tlaiter a si caah Murphy cu daitei a um i, Congressional Democrats le amah Biden liala zong nih Murphy cu zapitheih in deireet an chanh. Nikhua na tlaiter ruangah hin Covid ruangah minung tamtuk nunnak a liam phah cang lai hih, tiin Biden nih ralrinnak a pek.
Murphy nih a tu bantukin biachahnak a tuahmi kong he pehtlaiin Tuesday ah biachimnak ngei dingin Democrats lei nih an duhnak an lanhter. Hmaizarh i Congress sinah biachim dingin GSA nih Monday zingka i biachahnak an tuahmi cungah Democrats lei an lung a tling ruam lo. โ€œRianchawnnak thoknak nawl vun onh cang. Cu ti an onh lo ruang i a phichuak hi a tha lai lo dawkaw,โ€ tiin news letter bakin Tuesday ah khan Murphy cu Democratic committee chairmen nih ralrinpeknak ca an hei kuat. Credit: Chelsea Bawi

Leave a Reply

Your email address will not be published. Required fields are marked *