President Biden Nih Stimulus Check Minthut Cang

President Biden Nih Stimulus Check Minthut Cang
***********************************
Coronavirus ruangah harnak a tongmi bawmhnak caah Senate le House nih an pass cangmi Coronavirus relief Bill 1.9 trillions cu President Biden nih tu zanlei suimilam 1:30PM ah min a thut i, law ah a fehter cang. Thaizing Friday ah minthut ding in timh a si nain a hlankan in tu zanlei ah min a thut caah rianrang deuh in bawmhnak mipi sin ah a phan lai tinak a si.

Kum 2019 le 2020 caah tax file a tuah cangmi hna le direct deposit in bank account ah a thunmi hna nih tuan bik ah ngah si lai. Hmai zarh chungah nan bank account chungah a lut lai tiah zumh a si. Tax file tuah lio ah direct deposit in a tuah lomi pawl cu hnu deuh ah check asilole debit card in a phan te lai.

Relchap, Avoi Thumnak Stimulus Check Ngah Si Cang Lai. President Joe Biden nih Coronavirus ruangah harnak a tongmi hna chanhchuahnak caah bawmhnak, $1.9 trillion coronavirus relief package bill cu Senate nih an pass hnu ah tuchun ah house ah vote an thlak i, vote 220-211 in an fehter cang. Cucaah President Biden nih ningia ni Friday ah min a thut lai i, law a si hnu ah hmaizarh chungah cun zapi sin ah Stimulus check kuat cio a si cang lai tiah zumh a si.

President Joe Biden chuahpi mi, $1.9 trillion coronavirus relief package chungah hin minung pakhat nih US$ 1400 ngah dingmi stimulus chek a tel, rian ngei lomi hna caah zarh khat ah $300 September thla tiang ngah dingmi a tel, vaccination centers le Covid-19 testing caah $130 billion a tel, schools on thannnak ca le safety caah $15 billion, small business grants; caah $350 billion le State emergency funding, local le territorial governments, reinstating paid sick leave, child care tax credit caah $15 billion, states subsidize child care for low-income families caah $25 billion fund pek a si lai.

Tutan avoi thumnak stimulus check Senate nih an pass cangmi bill chungah minung pakhat nih kum khat ah US$ 75000 in a tanglei a hmuhmi nih US$1400 full in an ngah lai. Asinain kum khat ah US$ 75000 in $80000 karlak a hmumi nih cun full in an co lai lo. Nuva hmun khat i tax file a tuahmi hna nih kum khat an hmuhmi phaisa US$ 150000 in a tanglei a ngahmi nih US$ 2800 an co lai. Cu pin ah fale ngeihmi hna nih minung pakhat ah US$1400 cio ngah chap a si lai. Low income pawl caah child tax credit timi a um i, kum 6 tang hngakchia nih kum khat caah US$3600 an ngah lai. Voi khat pek ah pek si loin thla khat tete in pek dawh a si. Nan hawile a thei lomi caah rak share chin ulaw tha lai. Nan ngahmi chung in a tlawm bik, $200 cu CDM caah thawh i zuam cio te ulaw tha tuk hnga. Credit: Salai Lairamthang