President Biden Nih Biachahnak Pakhat a tuahmi cu A Mak Ngai!

Europe Ah American Ralkap Minung 7,000 Thlah An Si Lai!
=======
A tu lio ah buinak a chuak nak Ukraine le Russia buainak kong ah Europe ram lei ah U.S ralkap minung 7,000 thlah dingin  Lloyd Austin nih nawl achuah nak kong cu The New York Times nih atial langhter.

Russia nih Ukraine cozah kahdoh nak daih ter ding caah ruahchan nak pakhat in Pentagon nih a langhter hnu ah Vuanci Lloyd Austin nih U.S ralkap pawl cu Europe ram ah va thlah ding in a langhter ve. Biden zongah the White House meeting rak tuah lio ah khan Russia cu harnak pek dingin bia rak chim ve.

A tu lio ah Ukraine le le Russia buianak hi ni thumnak lei a si cang i kap hnih in thi mi le hliam tuar mi a tam ngai cang te. Russia le Ukraine an rak buai kaa ah khan U.S nih Europe ram lei ah a ral kap pawl cu raltuk nak van lawng he ralkap thazaang 800 a va thlah hna tiah thawng kan theih.

Zahan ah US Security Council cu Russia- Ukraine crisis kong ah emergency meeting an tuah! World superpowers pawl an i entai ning le hi hna pawl nih vawlei pumpi hi anmah duh ning cio in hruai an duh ning le “play politics” an tuah ning pawl hi theih ve pah hrim a hau. Tawifian nak in, Russia le China cu key khat in a dir tti lengmang mi an si.

Nain China nih Russia a tthawn tuk zong a duh lo bantukin Russia nih China a tthawn tuk zong a duh ve lo. USA le Russia teh? USA Democratic lei khi Putin he ai rem lo bak mi an si, ai ngiar peng mi an si. Republic lei khi Russia he foreign policy ah an kal tti kho deuh. USA le China teh? USA Democratic khi China he an irem deuh ve i Republic he cum an irem bak ve hoi loh, i.e. President Trump lio kha zoh ko uh. Zeipoah hi hrih le hram an nei viar.

Zahan ah US Security Council cu Russia- Ukraine crisis kong ah emergency meeting an tuah. Meeting ai tel mi lak ah Russia cawlcangh ning hi Syria lawnglawng nih a dirkamh. Zeiruang ah? Syria ral lio tuanbia nan theih ko khah. Ttanhmun khat in ai dir pi lengmang mi China hmanh nih tutan cu ram pakhat nih sovereignty asi nak le international zulhphung hi Russia nih a hmaizah awk asi tiah ati.

Russia nih Ukraine ram mipi cungah nihin ni, a thil tuah mi cu, vawleipi nuhrin covo kilvennak phu upadi cu a ningpi in a buar caah, UN ram chungtel poh nih a lamkipik in, cawlcangh hram an i thok cuahmah ve cangnak cu social media ah a khat cang ko.

Ramchung buaibainak sawhsawh men a silo caah, UN ram hawikom vialte an cawlcangh a hau ko cang. Cun an cawlcang fawn ko lai. Hngakchia kum tlinglo hna telh chih in,sualnak ngei lomi mipi hna 80 leng kai Russia bomhber nih a thah cang hna caah, tutan zarh chungah cun vawleipi hi muih hram ai thok ko cang lai, ti cu ai fiang ko cang hih.

Mah ti-ning te a siko ahcun, a ra lai mi thil, a cang te dingmi thil hna a kan chim lengmang pengtu kan Bible bia hi biatak a sinak cu a tling thluahmah ko cang tinak a si ne hih. Adik ko caah, nihin ni, kan dirhmun hi, Khamh fiannak hnangamnak nun ngei lo buin khuasak cu thling a zaa ko hi awh. Tihnung tuksapur a simi Bomb le meithei kuan chungin kan him khawhnak cu Pathian lawnglawng ah a si ko cang. Bawipa ni ai neih chin cangnak hmuh khawh a si ko cang ee.

Vawlei Ralpi 3rd Nak A Chuak Kho! Bible scholar tampi nihcun vawlei ralpi 3rd nak cu, kan Bible nih a kong a chimmi donghnak ralpi hi a si lai, tiah an zumh. Sihmanhsehlaw kan Bible nih vawlei ralpi pa zeizat dah a um lai, timi a chim lo. Cucaah Jesuh rat tthan lai ah a chuak dingmi donghnak ralpi hlan ahhin, ralpi dang zong chuah khawh len rih a si ko.

Nihin ah kan vawleipi therphang in a chia dihtu Russia Vs. Ukhraine ral nihhin vawlei ralpi a thawhter khawh ko. A thawhter hrimhrim lai, tinak siloin vawlei ralpi thawhter khotu ding ral a si. A ruang tawi tein a tanglei ah ka hun langhter lai:

1. Ukriane le Russia hi vawlei ram tthawng vialte tthen hnih ah a tthentu ram an si: vawlei ralkap fonh phu vialte lakah a tthawng bikmi cu North Atlantic Treaty Organization (NATO) hi a si. Ram tthawng lawngte ram 30 fonhnak phu a si. Cu hna lakah democray ram vialte lakah ram tthawng bik, United Kingdom, United States, Canada, le France, hna zong an i tel.

Cu phu nihcun atu tan ah fek tthup in Ukraine an dirkamh. Atu tiangah, fakpi in Russia cu lam phunkip nih (hriamnam tel rih lo) an den cuahmah cang hna.

Khatlei ah vawlei cung communist ram vialte lakah ram tthawng bik China, le North Korea hna nih fek tthup in Russia cu an dirkamh ve. Hi ram hnih lengah hin, Cuba le hlan lio ah Soviet Union chungtel ram a rak simi Armenia, Kazakhstan, Kyrgyzstan, Tajikistan le Belarus hna zong nih Russia an dirkamh lai i Middle east lei in anmah he lungput khat a kengmi Iran hna zong nih Russia cu an dirkamh ve lai.

Khah, tiva khatlei ral ah vawlei cung democracy ram vialte lakah ram tthawng bikbik lawng nih Ukraine cu an dirkamh i tiva khatlei ral ah communist/islamic ram tthawng bikbik nih Russia cu fek tthup an dirkamh ve. Cucaah hi ram hnih fak taktak in an i kah i diplomatic le sanction nih Russia lungthin a tthumter khawh lo ahcun, hriamnam in nun chimh a hau te lai.

Cu te cu vawlei ralpi thawhternak tawhfung te cu a va si ko hnga. Atu ah Russia nih Ukraine tuk ding in nawl a chuah cang i kap hnih lei ralkap nunnak tampi a liam cang. Russia nih a tei ko lai caah, Ukraine ram dihlak te lak ding in a tuk ko ahcun, NATO ram tampi him loin an um ding a si cang lai caah an cohlang kho lai lo. Mah thihnak cun mithih cu an i thim deuh te ko lai.

Zeitik poh ah a cang kho! 2. Cucu vawlei ralpi 1st le 2nd nak aa thokning he zong aa khatmi a si: Vawlei ralpi 1st nak cu Soviet Union nih EU chungtel Yugoslavia ram a rak tuk lio ah, US ralkap nih an hawi Yugoslavia a rak bawmhnak in aa thokmi a si. Cu ve bantuk in vawlei ralpi 2nd nak zong cu Hittler hruaimi Germany ralkap nih Poland an tuk i Great Britain le France nih Poland an dirkamh nak in a rak i thokmi a si ve.

Russia nih Ukraine ram hi NATO nih hriamnam ngan chiah i Russia ram cawlcang ngam loin tuah te nak ah hman an timh, tiah a ruah ve. NATO lei nih le Russia nih hlan lio Soviet Union ram chungah a rak ummi ram vialte kha thahrum in amah kut tangah chiah dih tthan aa timh caah Russia kut in kan i ven a hau, tiah an ruah ve fawn caah hi raltuknak meici hi vawlei pumpi a ttekdarh dih lai lo, timi chim khawh a si hrimhrim lo. Credit: Sangukceu Zinhlawng, Saya Hram Bik Lian.