Pi Tarnu he kan biaruah CNF, CDF Le CDM Kong!

Pi Tarnu he kan biaruah
========
Zingka ni chuahka ah nitlang a rak to. Ka pi nitlang maw na to tiah ka hei chawnh! Aw hi ka fa. Nitlang hi nichuahtlang mautlor can tiang a phanh hrawng hi cu ka to peng a ti. A keng em deuh a lum deuh in thaithawh a ei tawn rua!

Ka fa khoika indah na rat tiah a ka hal! Thantlang in nan khua ah ka rak idor ta ko hih ka hei ti. Aw si ngai! Kan khuami maw Na si, na chungle hote an si tiah a ka hal! Nan khua cu ka si lo, Thantlang kha Meithal le bom puak tuk le ka rak zaam ko hih ka hei ti! Ai ze si tak zei bang bia hme ka fa tiah a van ka zoh le muai deng a van ka timh! Honihdah an puah meithal le bom cu a tiah a ka hal?

Ralkap le CNF/CDF pawl nih an puah tiah ka leh! Thantlang an khangh an ti cu si maw tiah a ka hal! Aw inn 200 leng an khangh cang tiah ka hei chimh!

Ralkap hi cu an sual tuk ee tiah a van icaih! CNF cu zei hme an si tiah a ka hal! Chin National Front ti si ka van ti vial ah ei ka fa kaa fiang kho lai lo! A ti colh! Zeibantuk hme an si a ti! Ram le miphun caah Ralkap a domi hna an si tiah ka chimh! Mirang cun fian khawh dawh si ti hlah kaw a fiannak ding in ka hei chimh!

Ka pi, vei aw na fiannak ding cun mu Bawngbi le angki tialmi meithal a tung tawi nawn mi a tlaihnak um chihmi ai ken tawnmi hi an si ko hme cu ka van ti cu! Cu ticun hme chimh ding ka si cu a ti colh! Ai ze keimah palh rumro ka Hei ti!

CDF cu teh a van ka hal colh hoi! Cawm Ding Fanau (C:Cawm, D: Ding;F: Fanau) ka van ti cu a fiang colh! Kan Mino pawl hi Ralkap rat khawh lonak dingah a kan vengtu an si! Lothlo lo bak in Cawm Ding Fanau an si! Ram leng ummi le ram Chung ummi nih Cawm le zohkhenh an hau ka ti! Khoika indah a ka ven? tiah a ka hal colh! Ralkap an rat khawh lonak ding lam kip in an kan ven dih ka ti cu ai nuam ngai!

Ka fa kai lawm tuk! Tar cu theihhngalhmi zong ka ngei lo! Hei in hal ko rih laang. Tukahrawng cu kan khua cozah riantuan pawl khi CDM an ti le zei hme si? tiah a ka hal ! Cawm Ding Mi (C:Cawm; D: Ding; M: Mi) tinak si! Ralkap cozah nih uknak an lak hnu in thlahlawh (lahkhah) ei ti lo in Ralkap uknak kan duh lo tiah thlahlawh sing thum sing li an kal tak mi an si tiah ka hei chimh! Ai ze si maw! Cucu Cawm Ding Mi bak pei an si cu tiah a ti colh! Aw si!

Thlahlawh an ei ti lo le Khua mi nih lo tha deuh hna pek an hau! Tlangrian hna olh an hau! Dawt le zohkhenh herh bakmi an si hih ka hei ti! Aw si tuk hme teh! Kan nih khua bang cu an thei hoi lai lo cu tiah a van zai pah!
Kan biaruah a cat pah!

A keng emh deuh le ai her pah bu khin nai cikua kan fanau le mirang ca rumro in an holh le kaa fiang kho lo! Hei in hal rih ko ning! IDP timi zei hme si! I Dormi Pawl tinak si! Nan khua I ai Dormi kanmah pawl hi kan si! (I cu Ai si ko,D: Dormi, P: Pawl) tinak si! Tiah ka chimh cu a fiang tuk colh!

CNF, CDF, CDM le IDP sullam cu nai fiang kho maw ka ti cu ka fa kai fiang tuk cang a hei ti! Tu lio cu hi tal hi cu nan theih cio hau le mu tiah ka hei ti! A nungak lio mi langsar a si nak kong kan biarua ka pehthan te lai! Cung Irh pu he lo lam an izulh dawi lio I ngaidi an i khiah nak hrawng, mizoram ai hlawhfami pawl nih khaini phurh an icuhnak kong, Japan ral lio an zaamnak kong. Credit: Ca Cung Bik