Pi Ngun Caan Nih CNF/A Caah $1000 A Thawh!

Pi Ngun Caan Nih CNF/A Caah $1000 A Thawh!
===========
Western Australia ah Nu bik ah kan i zohmi Pi Ngun Caan (Halkha Khuahlun ) nih CNF/A, caah $1000 a thawh. Aunty Ngun hi Halkha, Thantlang lakah a hmasabik Australia a phanmi si.(1994) ah Australia phan cang.

A chimmi cu Chinmi nih CNF/A, hi pakhat nak ah kan chiah hna ding si, anmah an tthawn lawngah “MAH” Ralhraang hi Kan tei lai ti. A dik tuk.

Hi hnu zawngah ka zuam rih lai ti, lawmh um tuk hringhran.Bawipa nih “Aunty Ngun ” hi Kan Miphun caah hmang chin ko seh. Upatnak kan pek. Lawmh a um tuk ee Bawipa tunih thinlung taksa thlarau dam he lam hruai chin ko seh.

Hakha Nih Tukum Christmas Tuah An Timh Lonak Kong Ah Saya Hrang Zel Nih A Hmuh Ning A Tial Mi. A tawinak in, ka hna a tla lo. Christmas cu a lawm mi vawlei nakin har a tong mi vawlei ca ah a sunglawi deuh. A tlu mi le harfahnak nih a ṭem mi vawlei kha luat ter le nunnak duhdim pek awk ah Fapa Parthian nih a rat hnawhnak conglawmhnak ni a si.

Vawlei ralpi I & II lio ah aa ral mi ralkap pawl hmanh nih Christmas cu an hmang rak ṭi. An ralbawi nih an kah ter hna hmanh ah an nawl an rak zul hna lo. Cu bantuk a sunglawi mi tuanbia cu sermon bawmtu le ngaih nuam hrawnghrang men an si lo.

Christmas hi PUAI a si bel lo. Khi ni ah khin biak inn chung theng ah ipumh awk a si ka ti lo. Inn leng le tual ah ipumhnak tuah khawh a si ko. PUAI tuah in kan tuah tawn ca ah puai ah kan rel beh rua.

HCMF nih lang hngan in Christmas conglawmh lo ding ah a cherhchan mi a ruang cu kan Unau khua Than Tlang tonmi sunghnak le ngaihchiatnak a si. Kan ngaih chiat pi tuk hna. Nain, Christmas pumhnak cancel in kan ngaihchiat pinak langh ter cu a hmaan lo. Lam dang dang in langhter khawh a si ko.

Chim chun awk ah, Christmas ni pumhnak ah Than Tlang bawmhnak ca ah special thawh lawm kholhnak tuah. Cu bantuk TUAHNAK in ngaih chiatnak langhter cu TUAH LONAK in langhter nakin a sunglawi deuh. Ka lung a tling lo nain HCMF nih bia khiah mi cu upat awk a si ko.

SUDAN GENERAL NIH MIPI COZAH PM SINAH NAWLNEIHNAK A PEK THA’N HNA.(Myanmar General nih teh a tuah kho lai maw!). Myanmar Ralkap pawl nih Anna an ting hnu’ah Africa i Sudan ramah General Abdel Fattah al-Burhan hruaimi Ralkap nih Mipi Cozah Prime Minister Abdalla Ham dok ,Ministers pawl le Party hruaitu hna cu October 25,2021 ah tlaih in Innthong a thlak dih hna.

Sudan le Myanmar hi an i lonak tampi a um.Sudan ramah Miphun tenau( Taingyinta) 56 leng an um ve i Hutou Miphun lian Muslim71%,Christian20% hrawng le Jewish 6% le adang dang pawl an um ve. Tu hlaanah khan ralbawi hlun Detectorship Omar al-Bashir nih Kum saupi a uk hna hnu’ah Kum 2019 ah khan Mipi le Ralkap tangti nih an tei i Democracy Cozah dothlenak an tuah khawh.

Sudan Ralkap le Mipi Cozah nih hnatlaknak an tuah i Constitution ningin 2023 ah Rampi thim nak tuah dingin Nawlneihnak (Power)an i sem. Sina’in PM Hamdok hruaimi Forces of Freedom and Change Party, Umma Party le Detectorship Omar al-Bashir dirhmi National Congress Party chungah miphun te-nau kongah buaibainak a chuak ca’ah Ralkap General Abdel al-Burhan nih 25 October ah Anna ating i hruaitu vialte a tlaih dih hna.

Cu hnu tlawmpal ah Africa Union, US le EU nih Sudan Ralkap cu biatak te’in an doh i Mipi zong nih duhloh Lamzawhnak an nei i, Sudan Ralkap le Palik nih meithal in an kah hna ca’ah Mipi 41 an thi cang. US, EU le World Bank nih Sipuaizi leiin an phih dih ca’ah Mipi cu eidin an har tuk ca’ah General Abdel al-Burhan nih cun Doctors le Journalists pawl hruaimi CCPS remdaihnak thawngin PM hlun Hamdok le Umma Party Chief Fadlalah Burma Nasir he ton biaceihnak cu November 21 zaan khawdei an nei hnu’ah 14 Points Agreement an siam khawh.

Hamdok cu Sudan PM ah achiah tha’n i Cozah Minister pawl le hruaitu vialte cu Thonginn in a chuah dih tha’n hna. Sina’in Sudan Mipi nih cun, cu remdaihnak cu an duh lo i, Ralkap cu zeitik -hmanhah ram Politics ah i hrawlh tilo dingin biatiamnak an ser hrim hrim ahau ti’ah Sandah piah nak tuchunni tiang an nei rih.

Myanmar rampi zongah tuchunni tiang kan buaibainak hi Ralkap SAC Cozah Sr.General MinAungHliang nih remdaihnak tuah hi ahau hrim hrimmi asi. President U WinMyint sinah Anna a pek tha’n kho lai maw. Pe lo’in 2023 ah Thimnak ka tuah hnu’ah ati zongah Raltuk nak(Forces) hmangin thathnemhnak zeihmanh a chuahpi lai loh. Cuca’ah remnak le daihnak hi a kawl hrim hrim ahau cang. UN, US, EU, China, Japan le ASEAN nih 5 Points Consensus rem -daihnak an chuahpi mi hi a rannakin tlamtling ter a hau cang.

Ralkap Cozah dohtu NUG/PDF le Ralkap lei zong nih pakhat le pakhat karlakah i thahnawn nak hrial ve ve in Cabuai cungah remnak le daihnak an tuah hrim hrim a hau lai. Mipi ca’ah cun khat lei khat lei hi Mithahnawn (Terrorism) bantuk ve ve ah an cang sual lai ti hi thinphang awk ngai ngai asi cang. Myanmar ah i dohnak le i thahnawnnak nih zeihmanh thathnemhnak a chuahpi lo i Ram le Mipi an dawt tak takmi an si’ah cun an ruahnak hi thumh ve ve in kan Mipi cungah harnak le aihramnak pe ti lo’in 2022- 23 ah cun Myanmar ah remnak le daihnak a um khawhnak dingin Mipi kan dihlak te’in mah le Pathian sin cio ah thlacamnak nei hna usih. Credit: MC Biklian