Pennsylvania ah Trump nih teinak ahmuh canglai

Pennsylvania ah Trump nih teinak ahmuh canglai. Phungning lo vote an hmuhmi dihlah hi, 682777 hi vialhi a si cang.
Thildik tu chimkhawh akn i zuam cang lai.  US Thimnak atu tiang a dirhmun a fiang rih lo. Georgia ah a voithumnak mee an rel than lai. Kut in rel than ding in state governor nih a chim. Georgia nih hin senate ah Democrat maw, republican dah an tam deuh lai ti an khing a thlai lai.
Pennsylvania ah Zarhteni tiang an relmi ah Biden nih Trump cu a tei i cucu Nikhatni ah thanh an timh cang. Trump lei in an thlahmi hna nih cun cucu an lung a tling lo caah Democrat lei nih bia fakfak in an ti hna. Pennsylvania i taza an i cuainak ah cun Obama nih rian a pekmi biaceihtu Judge Matthew Brann nih Trump lei i an chuahpimi vialte cu a thlakpiak dih hna. Trump lei an sung tinak a si.
Sihmanhsehlaw Trump lei sihne hna nih cun cucu caantha (opportunity) ah an ruah. Kha ti in state biaceihnak zung nih tuan te ah sungh a pekmi tu kha an i lawm lehlam. A voithumnak kan nawl (appeal) rih hna lai i cu nih cun US ram i a sangbik Supreme Court ah tuan ah a kan phanhter colh kho men,” tiah Trump sihne Giuliani le Trump campaign Senior Legal Advisor Jenna Ellis nih an ti.
“State biaceihnak zungah kan caan ngeihchun dihter lo in US Supreme Court tu ah tuan ah kan phak khawh colhmi hi kan ca ah a tha deuh, hihi kan i tinhmi ning in thil a kalmi a si,” tiah an ti. Annih nih cun state biaceihnak zung ah cun an sung lai ti kha an i ruah ciami a si. Annih nih cun US i Biaceihnak Zung Sangbik (Supreme Court) ah langh zokzok an duh. Zeicahtiah Supreme Court ah cun Republican lei biaceihtu an tam deuh caah a si. Supreme Court hi an ca ah teinak lam a si tiah an hmuh. Rev. Biak Lian Vel

Leave a Reply

Your email address will not be published. Required fields are marked *