Sagaing peng ah PDF nih lainawng damiah pyusawhtee pakhat an tlaih. Sagaing peng, Sintat khuami lainawng le ramh hmang pyusawhtee Nan Aung cu March 8, Kantalu Toll Gate pawng ah PDF nih a nung in an tlaih tiah theih a si.
Tlaih a tong mi Pyusawhtee Nan Aung nih cun Palek hlun Hlwan Moe Naing timi pa he sual phun tampi an tuahnak kong a phuan. Motor lam ah mi ramh le hramhram tangka halnak voi tampi an tuah tiah theih a si.
Cun Sintat khuate NLD Chairman hlun zong Palek hlun Hlwan Moe Naing le Pyusawhtee pawl nih an thah ti in bia an hal lio ah a phuan, tiah theih a si.
“Thawng an kan thanh i kan va tlaih. Sintat khua NLD Chairman hlun zong kan thah tiah aa phuang. Mi an ramh mi cu a tam tuk. Pengkomh PDF battalion ah kan kuat lai i a sual man dantat a si lai. Kanmah lei nih cun kan tlaih mi hna poh kan that hna lo,” tiah Taw Twin Tup Pee Local PDF in ṭuanvo ngeitu nih Khit Thit Media ah a chim.
SAC kuttang ralkap pawl nih kan sin ah rak zaam nan duh ahcun kan pehtlai u law nan him nakding ah kan in runven hna lai ti zong ṭuanvo ngeitu nih a chim. The Hakha Post