Pathian Ai Palh Bal Lo, Teinak Cu Bawipa Ta A Si

Teinak cu Bawipa ta asi. Vancung in a van lang mi ah cun Biatak a ttanh mi hna nih hin teinak ttha te in an hmuh ko. Kan zumh lo ah cun vancung kan kai tik ah va zoh khawh asi. Mah belte atu i ttanh mi ai palh mi hi cu vaan an phan kho hnga dek maw, an i chir lo ah cun. Tulio vulei cu aholh kho poh teinak hmuh chan asi. Lawyer an thiam poh le sual tuah zaa a long. Phungchim an thiam deuh poh le sual nak zei rel lo deuh asi bantuk hin tu lio US Election pi zong hi asi ve. Mi nung an fim tuk cang ruang ah thil dik taktak hi langh ter khawh asi ti lo. A ngai te ti ah cun Prophesy pawl nih an chim lengmang mi hi a palh hrim hrim lo. Teinak hi adik ning te in langh ter kho hna seh law Biatak nih hin a tei hrim hrim mi asi ko.

Pathian ai palh bal lo. A poinak cu tuchan muihnak chan tthawnnak Media le Big Tech pawl le BLM le Antifa le Conspiracy project ngan pi pi, le Black movement tamtuk a um ruang ah thil dik thil hman hliah langh ter khawh asi ti lo i US election pi zong cu hi ti hin a muru taktak lang kho ti lo in a tuam tu lih result tu in apar beu kanh ding in aum ko cang. Prophesy pawl nih tuan pi in an rak chim chung cang. Biatak hi amah lawng in a dir. Biatak hi ttanh tu a ngei lo. Biatak a ttanh tu ding cu Biatak a hngal mi lawng lawng an si. Cu caah Biatak a hngal mi cu thla faak pi in cam uh, rawl ulh in cam u an rak ti lengmang. Thlacam nak lawng lawng in US siseh vulei pi hi chanh khawh ding asi cang ti an rak chim peng mi kha atu hi kan phan. A dik ko.

Atu lio ah Vulei cung khuaza ramza in zumtu taktak asi mi pohpoh cu fial hau lo sawm hau lo ti awk in thla an cam dih ko. Muslim ram hual lo, Buddhist ram hual lo, Hindu ram hual lo in a khoika hmun poh in US election ca ah khuuk bil le kut thlir in thla an cam i an cam cuahmah rih ko. Hi hi zumtu ai ti mi nih philh hlah usih. A ngai te ti ah cun atu lio vulei pi hi a lian ngan tuk mi Spiritual movement Thlarau lei revolution nganpi asi. Vulei fimthiamnak nih Biatak hi a tei tuk cang caah Biatak nih a van chalh tthan nak program pi asi. Universalism, Evolution theory, essentialism, Naturalism, Relativism, Liberalism, Libertinism, humanism … tibantuk tuchan ideology pawl nih vulei pi hi keh lei kam ah an i pial pi tuk cang i vulei pi hi setan kut ah tuan tuk ah tlaak tuan ding Pathian nih asian lo caah US election hmang in Pathian nih vulei pi a chaak avan rengh i chak a tlai tu ding ah aho mit hmai hmanh azoh lo mi Donald Trump a van hman mi asi.

Atu ah hin teinak taktak cu Biatak hi asi. Dinnak asi. Cucu Zumtu hnanih thlacamnak he kan dirkamh peng mi hi asi.
A poinak cu mah hi teinak hi Lih rian tuannak aphun phun nih tuchan fiamthiamnak a van hman tik ah ka fim ka thiam ai ti mi pohpoh cu ai hman khawh dih hna i cu ruang ah hi ti i vulei pi a ngan a fah nak hi asi. US ah hin ai chim khawh lo ruang ah a sual lo na in Life Sentence an pek mi an tampi, Ai chim khawh lo ruang ah thihnak tiang a phan mi zong an tam pi. Sual a puh tu hna bia an thiam tuk ruang le bia an chim khawh tuk ruang le ttanh tu le dir pi tu ttha ttha an ngeih ruang ah cu ti cun a sual lo mi hna nih an tuar mi hi a tam leng luang cang. Cu bantuk cu atu hi asi i Donald Trump, US President pi zong nih aton ve cang. USA timi THIS IS AMERICA timi US rampi hrim hrim nih aton ve cang. Hi vial te hi Bawipa ni a nai cang ti a langh tertu an si. Credit: Salai Bawiukthang Cinzah