Party Nakin Minung A Biapi Deuh Party Le Minung Nakin Miphun Le Biaknak, Phunghram Le Policy A Bia Deuh

Party Nakin Minung A Biapi Deuh Party Le Minung Nakin Miphun Le Biaknak, Phunghram Le Policy A Bia Deuh

Party Nakin Minung A Biapi Deuh. Party Le Minung Nakin Miphun Le Biaknak, Phunghram Le Policy A Bia Deuh chim Chin. Party a biapi. Minung zong an bia pi. Cu ti a si ahcun Party cu aho nih dah a hruai i aho nih dah policy a ser. Cun cu Party hruai tu le Policy ser tu cu zei miphun le biaknak dah a si. Cu ka zawn te ahcun a bia pi tak tak mi a si. Tahchunh nak ah

1. India ram cu vawlei cungah Democracy ram ngan bak a si. An Biak nak cu Hindu biaknak a si.India ram ah biaknak ah Hindu cu number 1 a si. Cun Muslim, Buddha, Khrihfa, etc. India ram ah khin Muslim pa nih India ram Uk/ hruai sehlaw zeitindah a si hnga or zeidah an lawh hnga.

2.USA ram cu Democracy ram ngan le ram tthawng cem a si bak. Khrihfa ram a si ti kan theih dih. Mipem ram a si tiah an ti. USA ram pi hi Buddha, Muslim nih Uk/hruai hna sehlaw zeitindah a si hnga. Zeidah an lawh hnga. A Luan cia mi Kum 13 dan ah kum 8 chung Brack Obama nih a Uk/ hruai mi hmanh ah USA ram chungah Khrihfa a si mi biaknak thinphang dai lo an si ti kha vawlei pi theih a si

3.Cun Pakistan ram cu Muslim ram a si ti kan theih. Cun Hindu zong an um. Buddha zong an um. Khrihfa zong an um. Pakistan ram khi Hindu pa nih Uk/ hruai sehlaw zeitindah a si hnga? Zeidah an lawh hnga. A tam tak tak khi a si. Vawlei pi ah number 3 a si mi China ti bantuk, cun Japan ti bantuk, Number 2 a si mi Russia ti bantuk ah khin Khrihfa a si mi pa fim pa nih Uk/ hruai sehlaw zeitindah an si hnga i zeidah an lawh hna. An um sawh sawh lai lo ti ko u. An miphun le an biaknak caah thih ngamh le njn ngamh In an cawl hrimhrim lai a fiang tuk. An ngeichia chawva um ek tiang an pek dih lai. An thazaang si seh, an tthawnnak si seh, an fim nak siseh, an thlarau dihlak tiang an thap ngam lai a fiang tuk.

Cu bantuk cun kan nih Chin miphun tah zei bantuk dirhmun ah dah atu hi kan dir i kan um i kan tthut ti kha a bia pi tak tak mi a si. Salm ca tial tu Pa nih a tial mi cu Chim mi poah um tiah a hna a thla lengmang mi cu ruah nak a ngei lo mi a si tiah a ti. Chim duh mi cu Kawl nu/ pa nih an chim mi poah maw a tha Pat, a chai pat, “yes” kan ti dih lai ti kha ruah a herh mi cu a si. A donghnak ah Kawl ram ah tlangcung mi, Khrihfa a si mi nih Kawl ram President tak tak ttuan seh law zeitin? Keimah cu hitinhin ka ruat, Buddha or phungki pawl rawl an ei ti lai lo. An i hngilh ti lai lo. Khua an khan colh lai a fiang tuk.

Tlangcung mi cu chim hlah u, western pawl nih influence tuah hmanh a duh lo mi thi lian tak tak mi Kawl miphun an si. Ram dang mi fimnak le thiam nak le rumnak an care bak lo ti kha i fiang bak a hau. Cu caah Kawl ram chungah a biapi tak tak mi cu Miphun le biaknak, phunghrampi le Policy hi a bia pi bik mi a si ti kha chim ka duh mi a si. Party e minung e, amah cu kan zumh lo e ti te hna khi a kan thei lo bia tu a si In ka theih. Chin miphun lungfim can a si. Lungrual can a si. I komh can a si. Kawl mi le Kawl Cozah noh hriamnam nak kn miphun lungrual le ttangtti, dir tti, hi a hlei cei in an tti deub mi a si. Chin miphun Bawipa nih mupi theory le vui theory le lion theory le vakok le Sia theory kan kal ah karh ter chon ko seh. Kaalawm Salai Joel Zaathan

admin

Leave a Reply

Your email address will not be published. Required fields are marked *

error: Content is protected !!