Palik 4 nih Kalay Mino rap an i lamh sual caah a nung tein an tlaih hna

Palik 4 nih Kalay Mino rap an i lamh sual caah a nung tein an tlaih hna
===================
Kalay mino pawl hi cu an mak lawlaw.Nihin March 31 zong ah a nung in palik 4 an tlaih than hna. Mino nih khuachung ah ralkap he raldohnak ca tiin an tuahmi hmun ah mipi bantuk in uniform hruk loin palik 4 an lut. Cucu mino nih an lunghrinh hna caah an check hna. An check hna tikah cun palik an rak si ai. Mah an tlaihmi hna palik zong cu Kalay khua chung ummi Yinthing an si. Rap an i lamh sual i mino rap nih a foih colh ko hna. Atu hi an hren ko hna tiah theih si.

Relchap, Ralkap nih zeidah an chim te hnga. US media ngan CNN Yangon an phan. Donald Trump pi hmanh a thlan chuak dih lak in bia a rak hal kho tu le Vawleicung raldohnak hmun kip ah kal in thawng a lami Ms Clarissa Ward Kawlram a phan.
Ms Clarissa Ward hi American hrambunh CNN media ah rian a tuanmi a si. Bia hal a thiam, vih le khoih a thiam bak an timi si.A hlan zongah Afaganistan Yemin le Ukrain raltuk nak zongah kal in thawng a la bal mi a si. Micheu nih Ms Clarissa cu vawlei cung raltuknak thawng la tu tiah an ti phah.

Tutan ralkap sin kal in a bia hal ding pawl hi Vawlei pi nih an cuanh ko. Amah nih a twitter a tialnak cun March 30 zan ah Yangon phanh ding a si.Micheu nih cun March 30 zan suimilam 8 ah Yangon a phan an ti. Sanahpiahmi zong mirang holh in biachim khawh hau lai. Ms Clarissa Ward nih South Korea Soul in Yangon ah MAI Airline vanlong number 8M 802 in a rat lainak cu a boarding pass he a twitter ah a langh ter. Credit: Tluang Ceu Thang