Paletwa Har nak tong mi bawmnak peh tu Pastor pa thah ding in bia khiah piak a si

Paletwa Baptist Association ah general secretary (GS) a ttuan lio mi Pastor Steven cu AA hriamtlai nih tlaih ding le thah ding bak in an bawh ko tiah theih asi.AA hriamtlai nih tlaih an timhnak a ruang zong hi zeidang pi si loin ralzam hartong pawl bomhnak na pek hna ti ruang ah tu bantuk in tlaih ding in an bawh ko hi a si tiah an chim.
An mah Biaknak lei hruainak in tuah ralzam hartong pawl bomhnak cu a luancia January thla chung ah kan an rak tuah. A mah Pastor Steven hruai nak le hohak nak in ralzam sin ah tu bantuk bomhnak an tuah hi asi. Cu ruang ahcun AA nih tlaih ding in an ngiat ko i an tlaih khawh ahcun thah ding in an timh mi a si tiah an mah he aa naih niam mi pakhat sin in kan theih.
Steven cu a tu hi a dirhmun a him lo ngai. AA hriamtlai nih an ngiat peng i tlaih khawhnak caan rem an zoh peng caah thinphang dai lo a si. Ramleng lei ah chikhat cu kal ta ding in timhtuahnak a ngei ti a si i Visa zong tluang tein a hmuh khawh i AA kut a hrial khawhnak ding ah thlacam bawm cio hna usih. Paletwa peng chung AA cawlcangh le Chin mipi fahnak a pek tuk mi hna ruah cu thinlung a fak ko.

 

Leave a Reply

Your email address will not be published. Required fields are marked *