Paletwa ah CNA he an i kap mi hi tuak ko. Min Aung Hlaing Ralhrang nih Lam (5) in phih in doh an kan timh!

Jerusalem Cu Tlang le Hauhruang Nih An Kulh Bang CNA CDF Nih Kulhmi Chinram Le Chin Miphun Kansi: PG(71)
===============
CNA, CDF le an hawikawm ralkap hna nih Tlang le Hauhruang btkin, kulh dih mi (Jerusalem Hauhruang bang), Chinram le Chin Miphun cu Sachia MAH nih an kan tei bal lailo. Vawlei khuazakip ummi, Chin Miphun kip nih Rawl Ulh thlacamnak he 13th October 2021 cu kan hmang fawn. Jerusalem Khualipi le Judah ram ah Pathian atlumh bang in Chinram le Chin Miphun sinah Pathian a tlumh ve cang.

Kan sinah kan umpi law, MAH Ral kan tukpi ko tiah, Emaus khua lei ah a lanh hnik mi, Bawipa Jesuh cu, Chinmi nih kan sawm cang. Joshua le Galeb (CNA le CDF) nih ral an doh lio i, Moses nih Nibo tlang in thla a cam (Chinmi nih 13th October 2021 ah Vanlei kut thlir in mithli he thla kan cam). Emaus lamah, Khualtlawn pahnih sinah, Nga le Chang kha a cheu i, thluachuah pek hnu ah, an ei btkin, raltuk hlan ah thlacam mi CNA, CDF ansi. Raltuk cuahmah lio zong ah, thlacam bawmhmi CNA, CDF.

Israel ram hi a tir in nihin tiang an ral nih ankulh dih hna. An cihmih an timh zungzal hna. Pathian thimh mi miphun an si caah Israel tu nih an tei zungzal hna. Chinmi cu Israel thar kansi. Pathian thimhmi miphun le Pathian nih umpi mi kansi. Kan Pathian ah “YWYH” “JEHOVAH” asimi thluachuah bikmi miphun kansi.

Israel cu ral nih an kulh dih btkin chinmi zong SAC nih kan kulh dih hna hmansehlaw, a LIANNGAN Bawipa thawng in an kan tei bal lailo. Pathian Vancung mi umpinak le hruainak in CNA, CDF nih ral an tuk lio i, Chinmi vialte nih Rawlulh in Pathian kan au ve. Victory is for Chin through Almighty GOD. GOD empoweres CNA, CDF has to fulfill His Great Mission for His People Chin.

Chinram SAC le MAH nih an kan kulh dih: Russia ah a cawk tirmi, Ralhrang Ralkap Tanks le Motors cu Chinram hmunkip ah an ra cang. Gangaw – KyauṬhuh in, Thlanglei Chinram ah phukhat; Kalay in Chaklei Chinram ah phukhat; Paletwa – Kaladan in phukhat tiah, phu thum in Chinram cu tuk awkah an rak kai cang. Paletwa ah CNA he an i kap mi hi tuak ko. Lam (5) in phih in doh an kan timh, MAH nih.

1nk: Tedim – Tonzang – Ṭio; 2nk: Falam – Rikhawhdar – Ṭio; 3nk: Hakha – Thantlang – Ṭio – Tipi; 4nk: Mindat – Kanpelet – Matupi – Bawinuva; 5nk: Paletwa – Kaladan, tbkin kulh dih an kan timh cang. Khanhawt le dum phun in an kan timh cang. India he hin a thli tein biaruahnak le biakamnak ngei dawh an si. India sinah Hriam Ṭha tampi an cawk mi hi tuak lo awk Ṭhalo asi. Hmunkip in kulh dih an kan zalh cang.

India le Rakhine ramri tiangin, kulh in phihkarh dih an kan timh cang. Chuaknak le zamnak umlo ding in tuahto an kan timh cang. India sin ah lamhla in control mi missle le a kahnak a cawk MAH nih. An kan tei lo ahcun Jet Fighter a hmang lai. An kan tei rohlo ahcun, India in a cawk mi missle in kah an kan timh cang. Ahnubik ah Camp Victoria le Chin Ralkapbu hrawk kha asi.

Psalm hla ah David nih “Tlanghna khi ka hei cuanh Bawmhnak caah”. “Cu tlang in bawmhnak cu, Van le Vawlei sertu Bawipa sin in ara” ati. CNA, CDF hi Bawipa bawmhnak arat nakding Chin Tlang cu asi. CNA, CDF Tlang lawnh in na cuanh sual tawn dara kati Unau! Tlangdang cuanh in, Bawipa sinah bawmhnak hal ti hlah. “MAH le SAC kutin kan luatter law, ral kan tei piak Bawipa” tiah thlacam tuah! Bawipa nih hitin an let lai.

“CNA, CDF hnuzulh uh law, an chimh ngai uh” “ Chinram le Chin Miphun Khumzual awk le Chanchuah awk ah CNA, CDF cu na hmai bak ah chiah in, kan thlah piak hna” tiah Bawipa nih an leh lai. Hell ram um, Mirumpa nih anung rihmi a sahlawh cawnpiak awk ah, Lazarus thlah ding in, Abraham a Request kha philh hlah. Pathian rianṭuan hna bia kha ngai hna seh ti aahua!

Cucaah Pengtlang thlarau le Ciruang Tlangbo in, aukhuang duh ti hlah, “Ral tei naduh ahcun; Chinram dam na duh ahcun; Chin Miphun ah na lungfah tak tak ahcun; Chinram Zalennak le Zalonnak puitling na duh ngai ngai ahcun; Chinmi pumkhat si aduh ve mi na si ahcun; Chinmi ṭhawn le limhang ngei naduh ahcun”; CNA, CDF ah kan zapi tein khuasa cang usih.

Kan thazang vialte le ṭhawnnak vialte (Fimthiamnak, Chawva, Lungthin, taksa, thlarau tiangin), CNA, CDF ah bung dih cang usih (Mah le Pahrang cio in). Lungrualnak a hnursuantu le lungthin aṭhencheuh tertu capar thlah le biathlah i sum cikcek cang usih. CNA, CDF cung ah SAYA ṭuan hi ngawl cikcek cang.

Alamkip in CNA, CDF thazang si usihlaw, ṭhawnter chin usih. Nangmah kan in herh ko Unau. Ral kan sung ahcun NANG cazin nabau ruangah asi lai. Ral teinak cu nangmah Pakhat le Nannih ruangah asi ve lai. Raltei maw ralsung dah? Naa thimh lai? Ral tei awk ah, Izip, Babilon le Siria a hluan mi UN, USA, UK, EU, tbk bochan duh ti hlah timi Pathian BIA. NUG zong bochan duh ti hlah. Pathian planning asi tilo. CNA, CDF & Nang le kei hi, bochan mi le Bawmhchantu si awk ah Pathian nih thimh mi kansi. Credit: Saya Rung Kaw