Palek Sergeant Khin Maung Win Kah Thah A Tong!

Yangon, Hlaing peng, Patauk Chaung palek sakhaan in Sergeant Khin Maung Win kahthah a tong
========
Yangon ramthen, Hlaing peng, Patauk Chaung Palek Sakhaan in Sergeant Khin Maung Win cu nihin zing suimilaam 8:00 ah thil cawk ding in a kal lio ah meithal in an kah i a thi tiah tualchung mi sin in kan theih.

Palek Sakhaan in Patauk Chaung No.5 Bazaar Myayadana lam ah thil a cawk lio ah mino pathum nih meithal in an kah i a hmun ah a thi tiah kan theih.

“Pawngkam i CCTV pawl an lak. Cun mithmutu cheukhat cu bia hal ding in sakhaan ah an kalpi hna. Atu tiang ah cun a kaptu mino an tlaih hna ti cu kan thei rih lo. CCTV an lak ca ah mino pawl hi an himnak ah zaam hna seh ti kan duh” tiah tualchung mi pakhat nih a chim.

CDF-Kanpetlet nih Sianginn ah umhmun a khuar mi ralhraang an kah hna; Ralhraang pahnih an thi i pakhat hma faakpi a pu. Chin Ramkulh, Kanpetlet khua taang hra sianginn ah umhmun a khuar mi Council ralhraang hna cu CDF-Kanpetlet nih nihin chun hnu suimilaam 1:00 in 2:00 tiang an kah hna.

Ralhraang pahnih an thi i pakhat hma faakpi a pu. CDF lei cu hmapu um lo tein an kir kho tiah CDF-Kanpetlet nih an thanh. Credit: Khit Thit Media, The Hakha Post

Sagaing ramthen chung PDF hmanh mi remove bomb ralrin ding timi nitlak chaklei ralhrang nih cathanh! Sagaing ramthen chung PDF hmanh mi remove bomb ralrin ding timi nitlak chaklei SAC ralhrang nih cathanh an chuah
Saging ramthen chung ah ral a do lio mi ralhrang nih remove bomh ralring ding in nitlak chaklei i a ummi ralkap pawl cu thawng an thanh hna.

Mah cachung ah a tel mi cu raldohnak lei le himbawmnak lei i rian a tuan mi pawl chawhlehnak le an riahbuk himnak tuak ding in PDF pawl nih bomb an doh lai tiah ruah mi hmun hma pawl ah bomb rak do ding te hna a tel.

PDF pawl nih an hman mi remove bomh pawl cu Jammer (an rikhiah mi hmun he i pehtlaihnak line pawl hrawh piak ding le i pehtlaihnak i an hman mi thil a lang hlat i a puak mi a veng kho mi thil) pawl cu tha te in hman ding mi zong an cachuah mi ah a tel.

Cun PDF pawl cu tatantayiah (ေဒသႏၲရ) kut in ser mi bomb pawl hmang in an doh hna ruang ah pawngkam le chawhlehnak ding ah a um hnga lo ding mi thil pawl kan hmuh ahcun bomh a si lai ti’n ralring tein nan cawlcang lai tiah ralhrang lei nih a chim.

I dohnak ding lam ah PDF pawl nih bomh an do khawh ti kha kan hlathlai khawh lo caah bomb an do mi a um le um lo hmai a kal mi ralhrang pawl ralring tein nan um lai tiah an chimh hna. A si khawh chung bo an hmanhnak cu hrial in kal lo awk tha lo a si lawng ah tha te in bomb thianh dih hnu lawng ah kal i PDF pawl an hman mi bomb phun pawl cu i fian ding in nan kuttang ralkap pawl cu nan chimh hna lai ti zong a tel.

Ralhrang pawl i an i tlaih mi cu November thla te khan vanlawng an hman tiah kan hmuh khawh, hi zong hi bomh an i ton ruang ah an zia an thlen tiah kan hmuh khawh pakhat a um mi cu kanmah mizapi veng tu ralkap pawl hi ralthat lei ahcun an mahnak in kan thawng deuh peng, asi nain thil thuam lei in zuam ahcun kan der rih, a thli lawng in anmah pawl cu bomb in kan doh hna hi a tam deuh rih, curuang ah meithal pawl hi pakhat cio ngeih khawh ding in mizapi kan in bochan hna tiah Mindat peng mizapi kilvengtu an bawi Bu Tan Lung nih PS ah a chim.

Mizapi ralkap pawl a thawng mi nih Sagaing ramthen chung ah ralhrang pawl cu nichiar bomb in an doh hna ruang ah an thi, hliamhma an ing. People’sSpring

Gangaw Ah Ralhrang Nih Mipi 6 Thah, Ralhrang An Ci Kan Hmih Lai Tiah PDF-Gangaw BiaKamnak Tuah. Gangaw peng chung ah ralhrang nih zarhkhat chung ah mipi 6 cu fak ngai in an thah hna i khamnak ah an hman hna tiah PDF-Gangaw nih December 1 ah an thanh.

Mizapi thah an si nak hi ralhrang 100 hrawng nih Gangaw chaklei in kee in an raa i Nov.23 in an thok. Mah ni thiam ah Sing Țu khua lonh ah hriamngan an kah thluahmah i Auhphu ah rian a tuan liomi sualnak ngei lo mipi pakhat kum 53 a si mi U Myoh Ting cu hriamngan khen nak in a nunnak a liam.

Mah leng ah Nov.26 ah ralhrang pawl Mohlin khua an phan i Sia le Caw a cawng mi sualnak ngei lo mipi 5 an tleih hna. Mah ni ah Moh Lin khua Sianginn ah an riak i Nov.27 zing lei ah tlaih a tong mi chung in kum 21 hrawng a si mi Ta Thun cu fak ngai in an thah.

A tang mi pa 4 zong i kham nak ah an hman hna, Mohlin khua tlam ah a dor mi sualnak ngei lo mipi zong an tlaih hna.
Mah leng ah Nov.28 ah ralhrang pawl nih Tawngtaloh nel le Zuamintawngkung ah sualnak ngei lo an tlaih mi chung in U Hlah Sawng kum (53), U Țin Mawng Win kum (49), Nawng Nawng kum (32) le Man Wai kum (28) hna cu fak ngai in an thah hna i Phu Phyo kum (22) a si mi zong ralhrang nih an tlaih.

Sualnak ngei lo duh paoh in thah an hmang i minung ruahnak keng lo in ralhrang nih hram hram in an thah mi hna mizapi caah Ralhrang pawl an ci hmih tiang in kan doh lai tiah PDF-Gangaw nih Bia kam nak an tuah. Credit: The Federal Times