Pakistan Khrihfa Nurse Nu A Tuahto Ning Cu Zaangfahtuk A Si

Nizan nai te ah Pakistan Krihfa Nu, nurse asimi cu a riantuannak ah Jesuh mIn a telpi Pathian hla Amah tein a sak an theih i Muslim nurse a tuanpi Hawi nih Allah Na dih tiah an biak. Pakistan cu Sharia law a hmang i Krihfa a do taktakmi Ram an si. Krihfa pawl hiti biak, innlo khangh piak le thong Kum saupi thlak an tonh. Asia BiBi timi nute. Peng kha kuahra thong an thlak. Krihfa asi ca le Muslim a doh ti ruangah thang ding in bia an ceih. Human right le women’s right international bu hna cN le Krihfa hna tan laknak thawng in Canada nih a Aylin an pek in thihnak in a luat. Atu Nurse Nu ca xong ah hin a lo lai lo. Thlacam piak hna usih. Pakistan Ram ah Bible phot le Krihfa sifak ingtuar sinah mission rian Na Tuan duh ahcun contact khawh ka si. Tampi in rak share piak cio hram hna ulaw.
Hi i hna nih an chim lo ahcun lung tekep hmanh an au hnga.

The persecution and suffering of Christian minority in Pakistan are still on going. The Christian nurse persecuted by her coworkers for singing the song she loves about Jesus. Prison like Asia BiBi for sure. Please pray for her and Pakistan that The Lord pour His Meciful Love in the country. Credit: Sayamah Sui Chin

Relchap 46nak America President Joe Biden Biacah; Nihin cu America ni, Democracy ni, tuanbia roling ni le ruahchannak ni, buaibainak a kian ni a si. America hi a thar in hneksak kan tong nain cu hneksaknak cu tei a si cang. Nihin kan tuah mi hi President aa cuh mi pakhat nih teinak a hmuh ni a si lo. Democracy teinak ca ah tuah mi ni a si. Kan rammi zapi aw le thinlung kan theih cang. Cucaah rammi nih an duh ning cun pehzulh in kan kalpi lai. Democracy cu a man a fak, hrial le zaamtak awk a tha lo ti kha tutan ah a thar in a fiang ngaingai. Rammi hawidawt hna, cu Democracy teinak cu nihin ah kan hmuh cang.

Kan hnu naite ah hi kan Hluttaw pi intungpi hi ramh le chuh an rak i zuam. Kannih cu Pathian nih a thluachuah he hmun khatte ah kilven mi ram dirhmun in kan dir kho rih. Then khawh kan si lo. Kum 200 leng rak hman cang mi bantuk in uknak cu dai tein kan i pekchanh khawh nakding ca ah hmun khatte ah kan rak rat hi a si. Kannih America midang he kan i khah lonak cu, lung thul lo in kan ral a thatnak le thil a tha leikap in hmuh thiamnak mit in hmailei kan cuanh ahcun hi thil vialte hi kan tuah khawh dih lai, cun kan tuah hrim hrim lai. Nihin, hi hmun ah a rak kai mi party pahnih nih keimah hlan ah America President a rak tuan cang mi hna cung ah kaa lawmtuk. Upatnak ka pek hna.
Nihin America Phunghram a fehnak le a thawnnak, kan thazaang kha a thar in ka hmuh. Zahan ah phone ka chawnh mi President hlun Carter tutan a rak kai kho lo nain a chan chung a thiltuah mi cung ah upatnak kan pek.

Miphun a daw mi hna nih an tinco mi a lainngan mi biakamnak cu atu ah khan ka tuah cang. Gorge Washington nih a hmasabik ah a rak tuah mi biakammnak a si. America tuanbia cu pumpak ca ah a biapi mi a si lo, micheukhat cung ah aa hngat mi zong a si lo, kan zapi ca ah le rammi zapi kan cung ah aa hngat mi a si. Hi ram cu a lianngan mi ram a si. America rammi cu rammi tha kan si. A liamcia chan khat hnu chan khat ah a rak chuak mi thlichia zong hraang hmanh seh, raal zong tho seh, daihnak caan zong ah siseh, raal a thawh caan zong ah dirhmun khat tein a rak dir mi kan si. Hi pin zong ah cuti cun lung khat tein kal than ding lampi a um than. Cucaah thazaang chuah in hmai ah kan kal than hna lai. Harsatnak, khuacaan tha lo le a muisam aa dang mi thil a cang kho mi tampi kan tong than lai. A rawk mi remh ding, sak ding le teinak tampi zong kan tong lai. Nihin kan ton mi harsatnak, zuamcawhnak nakin a lianngan deuh mi thil hna kha a tong cang mi hna kan hlan ah kan ram tuanbia ah hmuh khawh an si.

Nihin COVID-19 tlaangrai hi chan khat chung ah atu a voi khatnak kan ram chung ah a thli tein a rak lut mi a si. Kum khat chung ah a thi mi hna hi vawlei cung ralpi pahnihnak lio i a thi mi America rammi tluk in an tam. Pawcawmnak rian a nuai in an sung. Sipuazi tuahnak company a sing in an sung in an i din. Kan kal cang mi kum 400 chung ah kan rak i chaal len mi miphun tlukruannak ca ah din lo in hmai ah kal in kan tuan cuahmah. Kan zapi ca ah tlukruannak hmuh khawh nakding tinh mi hi hnon le kaltak awk a tha lo. Cu thil pehzulh in a nun khawh nakding cu vawleipi ca zong ah a herh. Cu au thawng cu nihin ah a thang ngaingai. Ramkheel ah lam a pial mi, vunraang nih khuhchilhnak lungput le ramchung ah mi ramhnak le fahnak chuahnak cung ah teinak kan hmuh ding mi hi chim duh mi an si.

Hi zuamcawhnak pawl tei khawh nakding, America a hmailei a thinlung a nun nakding le a himnak ding ah bia in chim sawh men a za lo. Democracy ah i funtomnak kan herh. 1863 January kum thar ni ah Abraham Lincoln cu Sal Luatnak Thanhnak kha min a rak thut. Cutin min a thut lio caan ah President nih zeidah a chim ti ahcun, “Ka tuanbia a nun peng a si achun hi upadi ca ah min ka thut ruang ah a si lai, hi upadi chung ah ka nunnak ka phumchih,” tiah a rak chim. Kei zong ka thinlung dihlak, hi chung ah ka phumchih ve. January thla nihin ni zong ah ka thinlung a dihlak hi chung ah a um ve. America hi ka funtom than lai. Rammi thinlung ka ngeetter than lai. Ram pumpi thinlung ka funter than lai. Hi thil kong ah America rammi zapi keimah he hmun khatte ah i komh ding in kan sawm hna.
Nihin kan ton mi raal, thinhunnak, lung fahnak, i huatnak, ralhraang dirhmun, upadi lonhnak, puul tlaangrai, rian ngeih lo ti bantuk hna kha doh nakding ah kan lung i rual hna usih! Lung i rualnak in a ngan mi le a lianngan mi thil hna kan tuah khawh lai.

A palh mi kha a dik mi in kan remh lai. Rammi nih rian tha an hmuh khawh lai. Ngakchia hna kha a him mi sianginn ah ca kan cawnter than hna lai. Tihnung hi puul rai hi kan tei lai. Rian tuan kha kan cawisan lai i minung nun santer ding ah kan tuah than lai. Rammi hna ngandamnak zohkhenhnak kha fel tein kan tawlrel lai. Miphun rualrannak kha kan sersiam lai. America cu vawlei cung ah thazaang ngan mi hna hruaitu kan siter than lai. Hi lio caan ah lungrualnak kong kan chim tik ah a si kho lo mi mang chim sawh mi ah ruah a fawite. Kan lung i thencheu ding in a kan tuahtu mizeimaw an um ti kha fiang tein ka theih. Asinain hi hna pawl hi thil thar an si lo ti ka theih. America tuanbia cu ‘mikip aa tlukruang tein kan chuak’ ti mi tlaihtleeng i tlaihnak le cun a dang kap khat leiah miphun thleidannak, chuahkehnak thelidannak, tihnak, khatlei pa kha nehsawh neekngeihnak ti mi fih a nung mi thil kha hmailei tuanbia ah a hmunh peng ding hi a si. Cu thil nih cun kan kan lung a rak kan thencheuter. Ramchung raal, ramchung sipuazi tlaaknak, vawlei cung ralpi pahnihnak, September 11 ramhnak pawl kan zoh tik ah kan rak i senso cang mi vialte, hnu kirnak a rak um bal nain a kan tei thai bal lo. Kan tei peng. Thil a cang mi kip ah lung rual tein hmai ah kan kal peng ko. Atu zong kan kal than ko lai.

Tuanbia, zumhnak le khuaruah khawhnak hna nih lam a kan hmuhsak ko. Cu nih cun lungrualnak lampi a kan hmuhsak ko. Hi lio ah pakhat le pakhat i zuamcawhnak thinlung si lo in inpa bantuk in i zoh ding a si. Pakhat le pakhat limhaang i upatpiak in i pehtlai hna usih. Kan thazaang fonh hna usih. I hro le i tlerhnak kha ngolcang hna usihlaw thinlinhnak kha daihter hna usih. Lungrualnak a um lo ahcun thintawinak le thinhunnak nih a kan tei than lai.
Thanchonak um lo in i huatnak in a khah ahcun rampi ti mi hi a um lai lo. I huatnak le buainak tu a thangcho lai. Atu lio cu caan tha le zuamcawhnak kan ton lio, roling tuanbia nicaan a si. Lungrualnak lawng nih hmai ah a kan kalter khawh lai. Hi hi America rampi nih atu lio ah kan ton ding mi dirhmun a si. Kan doh ahcun kan sung bal lai lo ti hi ka chim ngam. Kan zapi lung khat tein kan tuan ahcun America hi zeitik hmanh ah kan sung lai lo. Cucaah nihin, atu, hi hmun ah kan zapi in a thar in thawk hna usih! Pakhat nih a chim mi kha a thar in i ngaihpiak hna usih.

Pakhat nih a chim mi bia kha pakhat nih thei ve seh. Pakhat le pakhat kha i hmu thiam hna usih. I upat thiam hna usih. Ramkheel ti mi hi thinchiat mei kau kha a si lo. Cutin kan ti a si ahcun thil a rawk dih lai. Kan lung aa khah lo caan poh ah raal thawh a hau lo. A let in a zualtertu thil poh kha kan doh hna lai. Ka rammi hawile hna, cu bantuk thil pawl he cun i then cang hna usih. America ti mi cu hi nakin a ngan i a sunglawi mi a si awk a si. Cubantuk cun a sunglawi deuh tuk tiah ka ruah. Atu kan umnak Congress inn pi hi tuan ah ka chim cang bang khan ramchung raal lio ah fek tein rak dirh cia mi a si. Cu lio ah rampi hi hor ah a rak tla lo, i a rak i taap rih lo. Cuti cun nihin tiang kan dir ko.

Hi boruak hi Dr. Martin Luther King nih a rak i tinh mi a rak si. Cu hnu a liam cia mi kum 108 lio ah raltha mi nusal tha hna mee peknak nawl an hmuh khawh nakding ca ah a rak chuak mi hna kha minung thong tampi nih an rak doh mi hna kha an rak phihkharnak hmun a si. Nihin ah President Kamala Harris cu America tuanbia ah a thim in thim bak mi lutlai hruaitu ah mi hmasa nu a si. Thilri cu thlen khawh a si lo tiah rak ka chim hlah u. Atu kan dirhnak hmun hi Arlington ralkap thlaan a umnak Potomac tiva ral a si i Arlington ralkap thlaan cu raal tha tampi hna an i zungzal an i dinhnak hmun a si. Cu pin ah hi hmun cu raal thawh a duh i mibu cheukhat nih rammi kha an thinlung le an hmur ciip ding le hrawh ding, Democracy rian pawl kha dinhter ding le hi a sang mi hmunhma hin chuah le thawldawi ding in an rak i zuam. Asinain an rak hluhchuah lo. Zeitik hmanh ah a ngah lai lo. Nihin zong ah a ngah lai lo. Thaizing zong ah, cun zeitik hmanh ah a ngah lai lo.

Hi kan i zuamnak le kan cawlcanghnak a pom mi vialte kan upat hna. A kan cohlang lotu vialte nan sin zong ah hitin chim ka duh, “Kanmah he hmunkhatte ah kalti hna usih, ka chim mi hi ka zum ko u” ti ka duh. Nan duh lo a si le zeiti tha. Cucu Democracy a si ve. Cucu America ti a si. Dai tein hmuhning i khah lo khawh a si. Kan ram a fek mi kan phunghram chung ah a thawngbik mi kan thazaang a um. Ka chim mi hi tha tein ka ngaihpiak hmanh u. Kan lung a tlin lo caan poh ah kan i thencheu a herh lo. America rammi hna, bia ka’n kamh hna, America rammi vialte ca ah ka si lai.

Hi tin bia kan kamh than hna, keimah a ka tanhtu ca lawng ah si lo in a ka tanh lotu vialte zong tlukruang tein an ca ah rian ka tuan lai. A laim cia mi kan biakinn St. Augustine nih “minung cu kan i khat dih hna lo in dawtnak ah cun kan i khat dih hna” tiah a rak tial bal. Cu ve bantuk in America rammi kan ca ah dawtnak hmun zawn ah i khahnak kan ngei ve hna. Cu nih cun a kan khahter dih. Nihin ah caan than, himnak, zalonnak, limhaang, i upatnak, dinfelnak, cun thil dik kha kan theih ko tiah ka ruah. Kan hnu zarh le thla ah lung a fak ngai mi thil kan tong. Kha thil ah khan thil dik a rak um ko. I hlennak a rak um. Nawlngeihnak hmuh duhnak le hlennak rian a tuan mi an rak um.

Rammi dirhmun in America rammi, a bik in hruaitu hna nih kan Phunghram hi runven le rampi runven, cun thil dik kha runven le i hlenthawinak kha kham ding rian kan ngei dih. Ka rammi hawi hna, hmailei kha tih in thin domh in nan zoh ti kha ka hngalh. Pawcawm kawlhawlnak ca ah nan thin a phang. Ka pa bantuk in ihkhun ah a ih bu in ngandamnak ca ah a thin a phang mi, inn man kan pe kho lai maw ti ah a lungre a thei mi, chungkhar hmailei kong ruat in lungre a thei mi, zeibantuk lungretheihnak a si zong ah ka fiang dih ti kha fiang tein ka chim ngam. Pakhat le pakhat i dodiitnak in a phi a chuak kho lai lo. Kan lungput aa khat lo mi, biaknak aa khat lo mi poh i doh a herh lo. Hi buainak hi kan ngol a hau cang. Democratic le Republican karlak ah buainak, khuate le khuapi zuamcawhnak, Conservative le Liberal karlak ah a cang mi buainak kan dihter a hau cang. Cu buainak aw santer nakcha cun inka kan on ah cun hi harnak hi kan tei khawh lai.

Ngaihthiamnak zeimawzat kan langhter khawh ahcun, cun midang an tuarnak kan theihthiampiak khawh hna ahcun, ka nu chim bang ‘midang leikap ah chikkhat dirpiak khawh’ ahcun hi thil hna hi an chuak hnga lo. A caan ah bawmh kan herh caan a um bantuk in a caan ah bawmhnak kan pek khawh caan a um. Cucu nihin kan ton mi boruak hi a si. Hi lio caan cu pakhat le pakhat i bawmhchanh caan a si. Hitin kan tuah ahcun kan ram thazaang a thawng lai. A rum deuh lai. Hmailei harnak tei khawh nakding ca ah timhcia kan si lai. Cuti bu cun kan lung i khah lonak nawl kan ngei thiam. Hmailei ah pakhat le pakhat kan i herh te lai. Kan thazaang kan fonh a hau. Hi a mui mi Khuasik caan lonh khawhnak ca ah thazaang laak kan herh. Cu lo ahcun hi harbik le tih a nungbik mi hi puul rai chung ah i taap kan fawite.
Cucaah ramkheel kha hnu ah chia ta in hi puul rai hi ram pumpi inih kan doh a herh. Rammi hna bia kan kamh hna, Baibal chung ah hitin a chim, “Tahnak zaan caan tei in thaizing ah lawmhnak a chuak te lai” ti a um bang, hi hi kan zapi i komh in kan tei a herh. Zoh hmanh u, Tanglei Hluttaw le Cunglei Hluttaw ah keimah he hmun khat ah riantuan ding mi vialte hna kan fiag dih ko. Atu hika hmun hin vawlei pi nih an kan zoh ko. Cucaah kan ram ramri leng vawlei cung mi vialte ca ah cah ka duh mi cu: America hi hneksak a tong cang. Cu hneksaknak hna cu thawng ngai in kan tei khawh ko. Kan ram he hawikom a si mi hna a thar in kan fether than lai. Vawlei pi he a thar in pehtlaihnak kan tuah than lai. Nizannai i zuamcawhnak hna kha kan kaltak lai i nihin le thaizing kan ton khawh ding mi zuamcawhnak hna kha kan i hmaichon cang lai.

Thazaang kan ngeihnak zawn lawng ah zohchunh awk si lo in, kanmah le kanmah ca zong ah thazaang kan ngei ko. Remdaihnak, thanchonak le humhimnak hna ca ah a fek mi thazaang a ngei i zumhtlak riantuan hawi kan si lai.
Zoh hmanh u! Kan ram nih harnak tampi a rak pal i a rak tei bal cang. President pakhat dirhmun in a hmasa bik ka tuah mi rian ah tlaangrai in a thi mi hna vialte upat le philhlonak ca ah chikkhat dai tein thla camti ta hna usih. Kan hawi le, kan nulepa, kan nupi pasal, kan fale kan tuule hna le kan innpa hna, kan riantuan hawi hna, minung sing li hna nih thlaankhur an kan liamtaak. America rammi vialte nih upatnak pe hna usih. Vawlei cung ah America ram a dirhmun kan zoh ahcun hi thil hna hi felfai tein kan tawnghtham ding mi zuamcawhnak an si. A harbik ding mi rian chung in pakhat kha hi ram nih pehzulh in a kalpi lai. Cucaah kan zapi hneksak kan tong than lai.

Cucaah lung khat tein kan kal hna lai maw? Ral that chhuah caan a cu. Cucu kan hmailei ah tuan ding mi rian vialte ca ah a si. Cucu a fiang ko. Bia kaa kam. Biachahnak kan tuah lai. Hi chan chung ah pehzulh in a chuak mi harsatnak hi zeitin dah kan tei khawh lai ti mi kha mi nih an kan ngiat lai. Hi lio caan ah hliphlau tein an um lai maw ti mi zong an kan ngiat lai. Kanmah tah, hi hmuhton a har ngai mi caan hi kan tei kho lai maw? Kan fale ca ah a tha deuh mi le a thar deuh mi vawlei pi kha liang kan i chan kho hna lai maw? Kan tuah khawh hrimhrim lai tiah ka zumh. Nanmah zong nih nan tuah khawh ve hrim lai tiah ka zumh.

Hi thil biapi kan tuah tik ah, America tuanbia ah a lianngan mi cahmai kha kan tial khawh lai tiah ka zumh. Cucu America tuanbia thar pakhat a si lai. Cucu ka ca ah sullam a ngei ngai ding mi hla pakhat he aa lo mi a si. Cucu America Ramhla a si i a phun aa dang ngai. Cucu hitin a si: Chan le kum tampi rak tuan mi le thla rak camnak nih nihin kan ca ah thluachuah a chuahter. Kan rak pek mi le kan chiah ta ding mi rothil hna zeidah an si? Kan fale nih zeidah an hun chim te lai? America ca ah ka ti khawh tawk ka pek tiah ka hei ruah lai. Hei peh than hmanh usih. Kanmah le kan tuan mi rian le thla kan cam mi cio nih a lianngan mi kan ram ca ah tuanbia pawl an chimh te hna lai.
Tahchunhnak ah hi hna kan tuah khawh ahcun kan nicaan a dih cio tik ah kan fale hna le kan fale hna i an fale hna chan ah tlamtling tein an hun tuan khawh cio lai. Hliam hma a tuar mi ram hi an hun thlop khawh lai tiah ka ruah.

Pathian hmai ah Baibal i tlaih in biakam chiatserhnak nihin ka tuah i rian ka thawk bantuk in hiti hin bia ka’n kamh hna; nanmah he lungkhat tein ka dir peng lai. Rampi Phunghram kha ka kilven lai. America ram cu ka runven lai. Nan zapi ca ah kaa pe lai. Nan zapi ca ah kaa zuam lai. Nawlngeihnak ca ah si lo in ka tuah awk le ka tuah khawh tawk ca ah le keimah ka harsatnak le keimah hmuhtheihnak ca ah si lo in rammi thatnak ca ah rian ka tuan lai.
Tihnak ca ah si lo in, America ca ah ruahchannak ti mi tuanbia thar pakhat kha nanmah he hmun khatte ah kan tuanti hna lai. I thencheu lulh in si lo in, lungrualnak kha a hrampi ah ka chiah lai. Cucu ‘mui nih a khuh mi ceuter’ ti mi tuanbia ca ah a si lai. Duh a nung i, aa dawh mi le limhaang a ngei mi in kan thlop lai i a lianngan i aa dawh mi thluachuah a hmu mi tuanbia kan tial hna lai.

Nihin kan mitka le kan hmaika ah Democracy ruahchannak, dinfelnak a tlau thai lo. Hi nakhmanh in aa dawh mi le a ceu a tha mi America zalonnak kha him ding in kan runven lai i vawlei pi ca ah meifaar ceu bantuk in zohchunh tlak in hruaitu dirhmun ah kan dir than lai. Cucu kan ram sersiamtu hna kha leiba kan cham khawh mi hna kan tuanvo a si. Cucu chan thar fanau hna ca ah ro kan roh khawh mi hna a si lai. Cucaah ka thinlung ah kan ram ca ah, hi tinhsel mi he biachahnak, chan sau a nguh ding, thlah lo fek ten i tlaih in thazaang chuahnak, khat le khat i theihthiamnak in liang i chanhnak tuanvo la cio ding in kan caan a hung phan cang. America ram Pathian nih thluachuah pe ko seh. Kan ralkap pawl zong Pathian nih humzual ko hna she. Kaa lawm.