Online chung in nungak tlangval ngei tih arak nun ning hi mu rel ve hman uh

Kum zabu 21 i kan vawlei pi a thancho ning, minung kan caah a thami thil he a thalo thil he tiah i cawh dih in khua a sa mi dirhmun ah kan dir ti u sih law kan palh dih men lai lo. Mifim tampi nih tuchan kan vawlei cu khuate pakhat bantuk a si cang e tiah an ti, aruang cu information a that tuk tikah US i a tu bak ah thil a cang mi hi ram kip in tuni ah theih le hngalh khawh lawng si loin mit in hmuh khawh a si cang. Cu lawng hlah! US i a um mi le Laitlang khuate i a um mi nungak le tlangval zong i chawnh khawh a si cang.

Cu tikah khat le khat i chawnh lengmang nak nih lungthin ah duhdawt nak a sem khawh bantuk in umhar i mi a chawntu sawhsawh mi nih, khat lei lungthin ah biatak in hmunhma a rak lak dih khawh fawn. Hihi mitampi nih theih a si lo tikah online in duhdawtnak bia zaza an phai i saduh zong an thah len cio. Nain a tak ah a tong kho mi le a tong kho lo hi za zat an si ve. Cheukhat minung nih online in duhmi pali, nga hna an ngei, cu nu, cupa a duh tu nih le biatak in a rak i ruah i a nunnak dih um in a rak duh ve.

Cu tikah mahnu, mahpa nih pali nga in thit le umpi taktak nih le a si kho fawn lo, tikah kam khatlei a caan le a suingun chawva hna cu a lak bak an rak dih cang. Hihi nihin mino nih tha tein kan theih dingah a biapi ngaingai cang, nangmah lunglen, umhar ruangah mi dang fahnak pek cu a tha lo. Cu ve bantuk in kamkhat lei ah online in na dawh tuk, kan duh tuk tiah an ti tu le an chawn peng tu kha fawizang tuk in na cohlan, na zumh hna ahcun a hnu ah nangmah lungfahnak an pe tu a si kho, cucaah a tu kan chan a thangcho tuk mi ahhin mino nih duhdawt nak lei ah kan i ralrin ngai a herh tiah ka ruah.

Credit:JT Lian

Leave a Reply

Your email address will not be published. Required fields are marked *