Nungak Mui Dawh Ei Thinzar Maung

Nungak Mui Dawh Ei Thinzar Maung
================
Kawlram cu Civil Disobedience Movement long si tiloin lampi ah mipi an chuak i Sandah an piak cang. Hi sandah piahnak ah hmaisuang in hruaitu a si vemi nungak muidawh nute Ei Thinzar Maung hi uar a um tuk. Kum 26 mino te a si nain ramkhel khuaruahnak lei ah hmai a fong ngaimi a si. Hi nute hi kum 2015 ah khan sianghngakchia hruaitu a rak si ve i the National Education Law dohnak ah khan hmaisuang in hruaitu a rak si ve caah an rak tleih i thong an rak thlak balmi a si.

2020 thimnak ah khan Democratic Party For A New Society (DPNS) party in, Pabedan peng mee hmun in Pyithu Hluttaw ah aa cuh ve nain amah hawi pa lila NLD palai pa nih a rak tei. Election Campaign lio i a biachim mi tete ka ngai tawn i ka uar taktak. Tling seh ka duh piak ngaimi a rak si ve nain vanchiat ah a rak sung ve. Tutan zong ah ralttha taktak in hmaisuang ah a dir piak ko hna hih. Atang ahhin tutan sandah piahnak ah hmaisuang in a hruai hna nak le Karen Martyr Day lio mipi sin bia a chimnak te hi vun zoh cio tuah uh. Credit: Salai Biak Tum Lian

Relchap, Hakha Dawrngei vialte sin sawmnak; (Ralkap uknak duhlo langhternak caah Hmaizarh nikhat ni zanlei 2:00-5:00 kar dawr khar dih a si lai). Ralkap uknak kan duhlo langhter nak ah a lamkip in a cawlcangmi Nu le Pa hna nan fale nih upatnak kan in pek hna. Hmainawr rih ko hna usi. A ra lami cacawn nikhat ni (February 8, 2021) zong, zanlei 2:00-5:00 tiang Hakha khuapi chung ummi zei bantuk dawr paohpaoh zaangfah tein khar cio dih dingin kan in sawm hna. Hramhram in hriamnam he a kan uktu ralkap cozah kan duhlo zia langhternak caah zung riantuan nih an rian tuanlo in an um, umkheng a tummi nih an tum, biachim le catial in a doh mi nih an doh lioah kannih zong kan zapi lungrual tein dawrkhar in kan sining langhter ve hna usi tiah upatnak le bochannak he kan in sawm hna. (Hakha khuapi nih thawng kan theih khawh nakhnga nan fb ah rak post cio hram uh).