NUG hi tanhtuk ding asi maw?

NUG hi tanhtuk ding asi maw?
===========
NUG hruh tanh in tanhmi Chinmi hna nih nangmah le nangmah bia i hal ta u: 1. Hakha le Thantlang (TT cu mithi ruak vuitu hmanh um lo tiangin) kan tonmi thil kong ah NUG nih an ngeihchiatnak bia pakhat tal official in an chim maw?

2. Kalay peng ah dalan pakhat ruang ah Chin miphun inn tampi Ralhrang nih an khangh piak NUG nih offcial tein a holh mi a um maw?

3. CDF lein lutlai pakhat nih Chin ram 60% asimi khuate hna cu CDF kut tang ah a um dih cang ati a khua in chim ah cun 1000 leng kan si lai. Cu lio ah NUG MOD vuanci nih PDF kut tang ah a um mi khua 100 leng a um cang a ti. Abia ning in zoh ahcun Chin khuate pawl a kan telh tiah nan ti kho ma?

4. CDF bantuk in PDF min hman loin dothlennak caah rian a tuanmi pawl an tuarnak kong ah Vuanci pakhat nih kan mah PDF asi lomi pawl lawng a thimi an tam. Kan mah PDF cu a thimi an tlawm te tiah a ti. Cu tik ah NUG nih dothlennak caah a cawlcanghmi mipi kan dihlak hi a kan dirkamh dih tiah nan chim ngam maw?

5. Kachin ram ah PDF le KIA nih ralhrang 40 an thahnak kong cu NUG nih official in bia an chim nain CNA le CDF-Thantlang nih Lungler ah a ummi ralhrang sakhan an laknak kong le CDF-Mindat nih ralhrang sakhan pakhat an rak laknak kong ah teh NUG nih zei dah a chim?

Kan chim ah cun a tam tuk. Atu tiang ah dothlennak kong ah NUG cu kan bochanmi pakhat ah a tel ve caah kan chim tuk ah cun ralhrang pawl an i nuam tuk sual lai kan ti caah tampi kan chim lo. NUG le CRPH hna a tu tiang ah hruh tanh in a tanhmi a cung lei ah ka bia halmi ka let ta u law nan ka leh kho lo sual ah cun dothlennak kong ah NUG; CRPH le NLD pawl an cawlcangh ning kan uar lonak kong kan langhter tik ah thei huaha loin comment hna heh tiah tial sawh lo ah a tha.

Cu caah kei nih cun Chin ram ah a cawlcaangmi CDF, CNDF; PDF-Zoland, le CNF/CNA hna lawng hi a tu lio kan boruak ning ahcun kan cozah an si ko tiah ka pom hna. NUG nih kan pasal tha hna kong le kan tuarnak kong ah official tein a kan hrawm mi a um lo caah a tu tiang ah kan Chin Miphun aiawh in dothlennak a tuah tu le kan cozah cu CDF, CNDF, PDF-zoland, CNF/CNA hna hi an si tiah kan chim pengnak a si. Nain NUG le SAC an ka thimter ah cun NUG cu ka thim ve bak ko lai. Kalawm! Credit; Salai Dokhar