Nuclear hriamnam a ngeimi Russia he i phawmh cu an duh cio lo!

Nuclear hriamnam a ngeimi Russia he i phawmh cu an duh cio lo!
==========
Nuclear hriamnam a ngeimi Russia he i phawmh cu an duh cio lo, asinain i phawmh loin tuah khawhmi sanctions in fak taktak in an den cuahmah. An rial chih. Russia an sanctions ruang ahhin Europe chawlehnak zong fakpi in a hnawrsuan lai tiah an chim cio, asinain chawlehnak/ money nakin himnak/ security hi a biapi deuh caah sanction an ithim ko.

Vawleipi oil le gas supply tuhi Russia a si caah, Gas pump ah mizapi harnak a kan pek cio lai. Cucaah, US president nih US oil reserve hi tlawmpal a than/pump bal a hau te lai tiah an tuak. Cun, Canada ram oil companies pawl caah khat lei in good news a si kho a timi zong an um.

Russia nih Ukraine ram hi lak in a mah duhmi Cozah, Belarus bantuk Cozah in thlen aa timh tiah analysis pawl nihcun an chim cio. Cucaah, democracy ram a simi Ukraine ven/ defence cu democracy dirhkamh a si. Europe security ca zong ah a biapi tiah NATO nih hriamnam thatha cawkpiak in pek a timh hna.

Cucaah, Russia nihhin Ukraine hi fawite in lak khawh dawh a si ti lo. Russia Ralkap nunnak tampi a thap a hau lai. Sanction ruang ah RUSSIA ram chung mizapi nih sungh-zatlak an tuar chih lai ti a fiang. Ukraine defence Vuanci, Oleksii Reznikov nih Suimilam 72 chung Russia Ralkap kan ram an tuk i, Moscow cu a sung cuahmah caah, Tuhi kahdaihnak biaruah dingin an itimh cang tiah a chim.

BELARUS President nih kap-hnih biaruahnak ngei dingin a sawm hna nain, Ukraine president Zalensky nih “kan ram ah Missiles zuanter an ngol lawng ah kan ton hna lai” tiah a leh hna. Russia lei in tonnak ngei ding an duh tuk cang caah, Ukraine lei zong in, under condition” in biaruahnak ngei ding an lung a tling i, Russia aiawh pawl cu Belarus 🇧🇾 an phan cang tiah Russia lei in an chim.

UKRAINE president hlun nih hriamnam itlaih in an ram zalawnnak a dirhkamh. An ram PM vialte, nu he Pa he meithal an itlaih i an ram caah an nunnak an pek. Cucaah, teinak an hmuh hrim lai tiah ka hnabei an sei ngai. Chin Miphun zong, kan PMs le Kan VP tbk nih meithal itlaih in CDF pasal hna hruaitu ah kan dir piak hna sehlaw zeitluk indah tha a tho hnga mu tbk hna ruah lo, ka ruah len.

Vawleicung ralkap ah a thawngbik, 2 a simi Russia nih Texas state tia luklak asimi Ukraine a lak khawh lo ahcun, a chung a kua tuk cangmi, MAH ralhrang cu kan tei hrimhrim lai timi a fiang tuk. Vawlei Ralkap ah a thawngbik cu, Mizapi/ people hi a si an ti zungzal ttheu bantuk in, PEOPLE power hi a hman zia thiam ko ahcun, teinak cu Ukraine Mipi sinah a um khomi a simi bantuk in, Chin Miphun sin chinchin ahcun a um cia cang ti khawh a si.

Tulio news ka relmi ah a lung a tap ngaimi pakhat cu:- Ukraine ram hi NATO ah chungtel rak si diam cang hna sehlaw, atu bantuk in Russia/ Putin nih a tuk ngam hna lai lo tiah tampi hmurka in a chuak. 2008 lio ah NATO nih Ukraine Le Georgia hi NATO criteria an tlinh paoh ahcun, chungtel ah cohlang khawh an si lai tiah an thanh cang nain, anmah Ukraine lei in timhlamhnak/ peh zulhnak a rak um lo tluk a si an ti.

Cun, Ukraine ram ahhin corruption/ ei-ruk a tam tuk caah NATO chungtel zeimaw nih chungtel ah luhter colh an duh hna lo tiah Time nih a ttial rih. Ukraine ram ahhin ram dawtu le hruaitu tha tampi an um lai nain hruaitu tthalo/ corruption, ei-ruk an tam ve caah, an ram nih a herhmi khuakhan, lairelnak tampi an rak tlolh ve ti a lang ngai.

Chin Miphun zong kan ram zalawnnak caah ral kan tho. Nunnak le chawva kan thap. Pathian nih a rem a ti ko ahcun, teinak le luatnak kan hmuh zau lai. Mahte in ihruai in uknak thar kan dirh tikah, dinfelnak he kan dirh a hau te lai. Ralkap Uk chan lio zik-hnawh-eiruk/ corruption vialte hi, kan kaltak hrim a hau te lai tinak a si.

Ukraine ram ah corruption a tam tukmi zong hi Soviet Union in an rak ichuahpimi Ro tthalo a si kho. Cucaah, Ralkap uknak/ socialist lungput tthalo/ corruption lungput hi atu tein kan kaltak cia a herh ngai in a lang. Kum upa deuh lungput le ziaza ahcun, corruption hi a sehchih cang kho men nain, ruahnak a thiangmi Mino/ generation Z sinah chawnh lo ding hi a biapi ngaimi a si.

Vladimir Putin Nih Ukraine 🇺🇦 ram a tuk hi Russia empire dirh a duh caah a si tiah tampi nihcun an ruah. Ukraine ram hi a rak ngiar nak a sau cang. NATO karhter ruang ah tbk, Nuclear hriamnam in Russia hrawh an timh tbk, Russia security a him lo caah tbk a phun phun a chimmi kha phetcemnak sawh a si an ti.

Vladimir Putin nihhin Secret army a ngei tiah an von langhter ngai cang. 2014 lio ah Crimea a lak zong kha aho nih an theih manh lo. Chizawh, zu seh in a seh ko hna. Crimea a rak lak lio i a hmanmi pa hi “Igor Vsevolodovich Girkin” an si an ti i, mah pa hi Russia army hlun le federal security officer hlun a si.

Hipa thiam hi Dunbas region i, Ukraine ram dohtu tapung sertu/ thawktu ah Putin nih a hman i hriamnam ttha ttha a pek colh, Putin a pekmi hriamnam in Malaysia airline 17 tla lak a kaptu kha a si. Amah Putin nih 2014 in a thawkmi ral/ war lila ah Peacekeeping mission ka kal lai” titer in Ukraine 🇺🇦 ram cu a tuk.

Putin a putaar/ grandfather hi Joseph Stalin, Soviet Union President hlun, a rawl chum piaktu a rak si an ti. Soviet Union hi 1922 ah ram 15 fonh in an rak dirh i, a bik in Joseph Stalin nih a von hruai hnu kum tlawmpal ah hramhram uknak in a von hruai hna pinah, Military power le Weapon/ hriamnam build up nakin Vawleipi control a rak itimh caah ttih a rak nung tuk.

Cucaah, WWII a dih in, EUROPE security caah ttih a rak nung bakmi cu Joseph Stalin hi a rak si. Cucaah, ttih a nung bakmi Soviet Union in ivennak caah US hruainak in NATO alliance an rak dirh kha a si. Soviet Union cu 1991 ahkhan a dih i, Russia 🇷🇺 nih Soviet Union “Ro” a co.

Vladimir Putin nihhin Russia ram hi Kum 22 a Uk cang. Amah a Uk chung ahhin authoritarian in a thlen. Media a control. Amah dotu/Opposition paoh a fim-hlawm/thah colh hna. Soviet Union chan lio ah KGB/ Spy lutlai a si bal fawn tikah a ruahmi aho nih an hngal kho lo. A nupi zong nih zeidah a tuah i, zeidah a ruah timi a hngal kho lo ti a si. A rum ning hi $200 billions cu a ngei lai tiah an tuak.

Elon Musk le Jeff Bezos nak hmanh in a rum deuh kho ti a si. Nain a firmi lawngte a si pinah, a ngeihmi hi amah Min in chiah loin, Trustee phun in a thuh hna ti a si. Cucaah, tulio commentary tampi nih an chim ngaimi cu, Putin nih Joseph Stalin nih ideology in, Russia empire dirh in, Europe le US teinak hi biatak tein policy hram a thlak.

Cucaah, International spy a rak sinak thluak hmang in, secret army a ser i, Chawleh/zik hnawh in politics a tuah. A caan a phan cang tiah cunglei Mupi tlaih in a tlaih hna ti a si. Cun, vawlei ram Kip ah a kal ve i, amah hawikom ram, alliance a ser ve hna. Cucaah, tulio ah BIG question cu, West nih Putin hi an stop kho te lai maw? ti phun in a um cang, ti a si. Credit: Zasang Cinzah