NLD Taingyinta Special Committee Cu Remnak Ceih Dingin Kachin State Ah An Kal

NLD TAINGYINTA SPECIAL COMMITTEE CU REMNAK CEIH DINGIN KACHIN STATE AH AN KAL. TULIO KAWLRAM POLITICS KONG.
=====================
2020 Election cu NLD Party nih teinak an hmuh cang ti’ah UEC nih a phuang cang na’in USDP le Ralkap pawl nih buaibainak an tuah cuahmah liopi asi rih. 12 December,2020 ah khan NLD nih cun an i tiamkam cia bantukin, National Reconciliation (Taingyinta Pehtlaihnak Komiti)cu an dinh cang. Hi Committee hi Magwe Division CM Dr. Aung Moe Nyo nih a hruai i member ah Karen State CM Daw. Nan Khin Htwe Myint leh Ethnic Leader. En Hton Khar Naw Hsam an si.

Thaizing 1January,2021 ah hi NLD Committee nih Kachin State, Mitkyina ah KSPP le Lishu National Development Party, NDP(Kachin) pawl he biaceih tinak an nei hna lai. KSPP Chairman Dr. Manan TuKya nih cun, kan duhmi Federal Democracy le Panglong agreement ningin Full Federal System Uknak kan hal peng ko lai ati. KSPP Spokesman U. Gawmgong Aungkham nih cun, kan hawikawm tuanti Taingyinta MUP, KYDP, KNDP,CNLD leh Wah NP pawl he Federal Union kan halmi kan hmuh hlan lo kan nawr hna lai ti’ah a chim. Hi Kachin an kal dih hnu in Moon State ah an kal lai i Moom Unity Party he an i hmu tha’n lai ti’ah NLD Vice- Chairman Dr. Zaw Myint Muang nih a chim.

Hi kongah hin, Myanmar Politics lei mithiam pawl nih cun NLD nih a takin tuahsernak he a langhter hnu lawng lawngah Taingyinta pawl nih an zumh khawh te lai an ti. November 14 ah khan NLD nih Tlangcungmi Party-48 sinah rian tuanti dingin a sawm hna i, Taingyinta Party-12 nih kan in pawmpi timi caa an thanh tha’n cang Cu lakah Shan SNLD le Rakhiang ANP pawl nih an let hna loh. NLD nih hmuh an kan duh asi ah cun, Invitation sawmnak Official in rak kan pe seh ti’ah an ti.

Tulio cu Yangon Khuapi ah Zumhlonakဆန္ဒပြ nakin an buai lulh ko. Cu karlakah Phytuh Hluat daw Chairman Khun Myat Thun nih MP thim tharmi pawl Parliament Session cu February Zarhkhat nak 2021 ah tuah dingin nawl a pek cang ti’ah theih asi i, MP hlun pawl cu January thla zongah Parliament thut khawh dawh an si ti loh.Election Vote fir an buai tuk ca’ah MP hlun pawl zong 2020 ah an caan donghter dawh an si cang. NLD hi a Cozah kho asi ah cun, 2021 March thla ah khin Cozah thar siam ding asi cang.

Myanmar Ralkap le Rakhiang AA pawl cu a vawithum nak an i hmuh tha’n cang i, 31/12/20 tiang Ceasefire kahdaihnak kha 2021 February thla tiang Extension i kah rih lo dingin hnatlak nak an siam than cang ti’ah theih asi. AA le Ralkap hi tulio cu an tangti ngai. NLD le UEC nih bye- Election hi tuan hlan ah tuah an i tim lemloh ti’ah theih asi.

Senior General Min Aung Hliang zongnih C in C sinak cu Kum- 3 dang peh tha’n aa timh rih i, Daw. Suukyi zongnih Myanmar President si aa timh ve ti’ah thawngpang a leng ngai ngai. A tu January thla dawng lei le February,2021 ah hin Myanmar ram Politics cu biatak te’in buaibai nak chuak dawh asi. Credit: MC Biklian