NLD Party Le Kanpi Suh Ka Tanh Tuk Ruangah Remhkhawh Ti Lomi Ka/Kan Palhnak!

NLD Party Le Kanpi Suh Ka Tanh Tuk Ruangah Remhkhawh Ti Lomi Ka/Kan Palhnak!
==========
ICJ ah Kanpi Suh ava kal kha Ralhrang MAH le Misual bik Rallokap Ralbawizik ava khumzual ti kha ka/kan rak hngalh lo caah, “We Stand With Amay Suh” ka/rak aupi, vawleipi a hninh dih ko.

Jacob R. Thang nih asilo nan palh, “We Stand with Justice” nan ti lai an rak kan ti. Rohingya le Tlangcung mi cung an tuahto mi aa khat. Cihmih ahmuh asi caah Justice asi kho lo. UN, USA, UK, FRANCE, GERMANY, SCADINAVIANS le Vawleipi ram thawngtha vialte nih, Rohingya lei ah an tanh dih. A mifim hna zong Justice lei ah an tanh dih. Amay Suh le ICJ an cohlan lo tiah fakpi in tlang arak au. Tipil petu Zan nih Thetse rawn ah tlang a au mi cio khi asi ko.

Salai Lairamthang nih We Stand with Amay Suh ti uh arak kan ti ve. MAH le Ralbawi pawl Tazacuai nak asilo. Rampi taza an kan cuai caah Pi Suh a kal arak ti ve. Vawlei hang dinh ka ngamh, Chaitserh in bia kaa kam a tilo lawng asi. A hnu zulhtu kannih zong cuticun kan rak si ve. Kei le ka hawi le kan uar tuk. Salai ciammam kan rak ti ve.
Kei le ka chung le cu NLD kan si caah Salai bia kan rak ngai ko.

Jacob R. Thang le Chin Party kha kan rak huat tuk hna. Hnachuah ah kan rak ruah. Tutan lawng hi an Politic asan zia le Chinism an sinak kha hmuh khawh hram kan thawk cio khi asi. Adikmi Politic le Chinism ko ko ahcun Chin Party nih Kannih NLD cu an kan tei hrim hrim ko. Annih cu miphun ah an lungfak in Kannih cu Amay Suh ah kan lung a fak ve.

Rev le Dr tampi (LianDoDal i Rev le Dr tiang i telin) le Mifimthiam tampi nih an kan zulh caah adik tiah kan rak hmuh ko. Pension cia Mangki, Zipeng, Vuanthok, Myouk, Dravuan tiang in aukhuang arak si. Saya/ma te cu an zapi tein an i tel dih.

Apoi bik mi cu: zei hngalh rihlo Siangnakchia hna cu Sianginn khar bakin Zalamtlang, biak inn kip le Bualrawn kip ah We Stand with Amay Suh tiah kan rak au ter hna. Boarder ummi Siangngakchia zong an luat hlei lo. Rev. Dr. tampi thlacam nak he thawk asi caah adik tiah kan rak ruah dih ko. Hmanthlak cuang khi Mindat Boarder ummi Chin High School Students ansi.

Kan mino hna nih ICJ ah Kan Pi a kal kha MAH le Ralhrang Rallokap khumzual asi kha an lung fian seh law, kan rak fial khawh hna hnga lo. Rakhine mino bantukin Pi Suh le NLD cu Rakhine Cihmihtu/Cihmih timhtu an si ti kha i fian hna sehlaw ICJ cohlan in an rak au ve hnga lo.

Tutan Paucan Dothlennak tu ahcun Upa lungfim, Ram hruaitu luban hna nakin an lung fim deuh cang. An kan tei bak ko. Hriam tling ngeih loin le rawlei tidin awk tlamtlinlo, fenh ai hnipuan chambau buin, chambua nak relcawk lo he, an ngeihchun an nunnak pekin MAH le Ralhrang kawl ralkap cu an namh cuahmah ko. Culio ah CDFs thangchiattu, mualpho tu, soiseltu, Dohdalh nak thanhca le cachia tiangin a bungh hnawh mi kan tam tuk rih. Kei cu Laimi hi Krifa le Pathian fa kan si lai ka zumh tilo. Satan le Khawchia fa deuh kan si ko ka ti cang.

Tutan Chin Mino (CDFs) cu kan chan chung ah Ralhrang (Rallokap + Civil) um bak hlah seh! MAH le Rallokap an cihmih awk ah, kan tei hlan tiang kan doh hna lai. Nunnak pek in ti asi cang. A keimah le A Salai te pawl hlen khawh mi an si ti lo. Credit: Joseph R. Thang