Nizaan Thantlang Khuachung Kahdohnak ah Ralhrang Pakhat Thi!

Nizaan Thantlang Khuachung Kahdohnak ah SAC Ralhrang Pakhat Thi
=========
Nizaan November 24, Thantlang khuachung kahdohnak ah SAC ralhrang pakhat a thi i, a dang pathum hliamhma an pu, tiah thawngpang kan theih.

Atulio Thantlang ah a ummi SAC ralhrang bu no. 222 ah kum 3 chung ralkap a rak ttuan balmi ralkap tthing pakhat (min langhter a duh lomi) nih, “Nizaan Thantlang kahdohnak ah khan ralkap (တပ်သား) pakhat a thi. A dang hliamhma a pumi pathum an um,” tiah The Chin Journal ah a chim.

Thantlang inn 200 leng ciam lak in khangh kong ah ttuanvo a ngeitu bik ralkap bu hi Humalin hrambunh No. 222 ralkap bu an si i, Thantlang ah an rak tthialmi hna an si.

“October 29, Thantlang innkangh lio background ah hmang in hmaan aa thlatu ralkap pahnih zong hi No. 222 ralkap bu in Aung Kyaw Ngyin (ဒုတပ်ကြပ်/a thi cang) le San Tun Oo (တပ်သား) an si,” tiah a cunglei ralkap tthing nih a chim chap.

Nizaan Thantlang khuachung kahdohnak a chuah hnu ah TCBC biakinn telh in inn 49 an kaang. Thantlang khuachung kahdohnak kong he pehtlai in CNA le CDF lei in cun thawngpang an chuahmi a um lo.

Nizaan Thantlang Innkanghnak Hmanthlak le a Kaangmi Cazin. Zunghmun sang ah inn 48 le Seihpyozi sang ah inn khat an kaang, tiah Thantlang Placement Affairs Committe nih thawngpang a chuah.

Thantlang TCBC Biakinn Telh in Inn 50 Hrawng a Kaang. Nizaan November 24, zaanlei sml. 2:00 hrawng ah Thantlang khuachung ah inn an kaang tthan i nihin zinglei tiang ah Zunghmun sang i Thantlang Centenary Baptist Church (TCBC) biakinn telh in inn 50 hrawng a kaang tiah kan theih.

Zunghmun sang ah biakinn telh in inn 39, palik sakhaan thlanglei ah inn 10 le Seihpyozi sang ah inn 3 hrawng an kaang, tiah Thantlang mino upa pakhat nih Khonumthung ah a chim.

Atu ah cun mei a ciam cang i meikanghnak mei khuvai lawng an taang cang. September 9 thawk in nihin ni tiang ah Thantlang ah biakinn 3 telh in inn 250 leng a kaang cang. Credit: The Chin Journal

Thantlang ah Inn 17 thluk a kaang. November 24 – Thlantlang khuachung ah ralhrang nih inn an khangh than ruang a tlawm bik inn 17 tluk a kang cang tiah ruahdamh a si.

Thantlang khua No. 1 (Zung hmun sang) certual pawngkam inn ralhrang nih an khangh mi a tlawm bik in 10 tluk a kang lai tiah tiin kan ruah damh tiah khua pawng ummi nih an chim. Cun zan suimilam 8:30 tluk ah Zunghmun sang Palik sakhan pawngkam (Lahva lei kap) an khangh than i a tlawm bik inn 7 tluk a kang lai tiah ruah a si.

Thantlang ah Inn an khangh than, Hakha ah meithal puah thawng an theih. 2021 November 24 – Nihin zaanlei sml. 2 tluk ah Thantlang khuachung ah Ralhrang nih Inn an khangh than. Zaanlei sang ah a kangmi hi inn 2 a si cang, nain 5:30 fai tiang ah a mih rihlo caah inn tam deuh kangh dawh a si tiah a lang in cuanmi nih an chim.

Thantlang inn a kangh cuahmah lio, zaanlei sml. 5:25 in 7:20 tluk tiang ah Hakha ah bom voi 12 tluk a puak i, meithal kah thawng tampi theih a si. “Bom a thawng thangmi hi voi 12 tluk a si. Meithal hi cu voi tam tuk a puak, an i kah ning a fak men lai. Kan theihnak ah Khuathar lei ah a lo tiah khuachung mi nih an chim.”

Thantlang akaang than ti vantheih than cu anuam lobik mi thawngpang asi. Khoikaa zawnhrawng tiah cun Certual in Sakhan lei kai nak lam lei tikhi si kan inn hrawng asi.

Asi nain aw kan mah nak inn thatha tamtuk aciam cang Kan inn hi akangh lo zongah kan thinlung ah ahim hlei ti lo, zei sipoh ah Thantlang akangh dih zongah kan thinlung cu kaanghrim hlah seh law teinak kan hmuh nak tuah canghram seh. Inn le lo cu sakthan khawh asi ko Teinak lam ah karkhat hmaifon pengtu biapi ah chia hna usih. 5ting Thantlang Mipi dihlak.

Ralhrang cu an i kah poh ah inn-lo khangh kha an zia si i chuahtaak dih mi khua cu a dihlak zong in an khangh te lai timi lungthin ngeih cia tein um khawh i zuam buin teinak hmuh tik ah inn țha lawngte in mitthlam ah suai hna usi law.

Ralhrang nih Thantlang khua avoi 8nak inn an khangh than. Nihin November 24 zaanlei ah Ralhrang nih avoi 8nak Thantlang khua Sianginn Sang hrawng an khangh than i inn zeizat a kaang ti hngalh (theih) khawh a si rih lo.
Avoi 1nak September 9 ah inn 1; Avoi 2nak September 18 ah inn 19; Avoi 3nak October 29 ah inn 164; Avoi 4nak November 6 ah inn 8; Avoi 5nak November 9 ah inn 2; Avoi 6nak November 10 ah inn 7; Avoi 7nak November 11 ah inn 3
Avoi 8nak November 24 ah inn? tiin an khangh i a dihlak ah inn 204 an khangh cang, tiah kan theih.

Avoi 7nak inn an khangh mi hi Lungtial Sang um Lai Villa Kitchen, Pu Ngun Thang inn le Pu Khaipi inn an si, tiah kan theih. Hi a kaang mi chung ah COTR biakinn, Presbyterian biakinn, TBC Zung le TABC PCH inn 3 zong aa tel tiah kan theih.