Nilen Parmawi Online Ah A Minthang Chinchin Nak

Chinmi chungah Myanmar Idol leiah minthang bik cu Singer Nilen Parmawi hi a si. Nihin ni ahcun a hnar le a kaa loin a mit ah Mask bunh in a um peng tikah a minthang chinchin. A Mit khuhmi cu a orhlei le kehlei in a thleng lengmang tikah mipi cheukhat nih style phun khat ah an ruah piak cang. Myanmar Idol ah Chinmi tampi an zuam ko nain, 2018 ah Singer Nilen Parmawi cu Top 5 tiang a phak hnu ah a tla. 2019 kum ahcun Pathum an i zuam than i, Esther Dawt Chin Sung cu Winner a rak ngah hi a si.

Myanmar lelve ah Kawl pawl hmaiah facebook ah Nilen Parmawi cu a lang tam bik le minthang bik pakhat a si. Media tampi zong nih ton biaruahnak ngeih bikmi zong a si fawn. A ngaingai ahcun Winner a ngahtu Esther Dawt Chin Sung a um ko nain, tiin ruah sual a fawite mi a si. Nilen Parmawi cu hla a sak tikah a aw dawhter a thiam tuk. Mi karlak ah tlangtlak dan zong a thiam fawn. Cun, khatlei in Online Shopping a tuah mi in a cawtu an tam tuk hringhran ti a si. Chinmi chungin hi ti bantuk milar kan ngeihmi hi cu kan sunglawi hleice.

Myanmar Idol a tla hnu ah, Nilen Parmawi cu amah fans pawl nih Motor an cawkpiak rih. Tan Khun Kyaw, Benjamin Sum le Esther Dawt Chin Sung hna cu an mah fans pawl nih motor an cawkpiak dih ve hna. Asinain, Nilen Parmawi lawng hi a Sponsor nih an cawkpiak mi a si maw, tiin mipi lei nih biahalnak an tuah hnu ah Nilen Parmawi nih a chim hnu ah mipi nih Nilen Parmawi cu an uar chinchin i, a minthang chinchin nak a si. Atu hrawng cu Nilen Parmawi cu a mit pakhat khuh in online ah cawngia tete a tuah than tikah a minthang le a lar chinchin nak pakhat a si. Hmailei zongah Chin miphun cawisantu ah cang hram sehlaw, hi nakin lar chinchin hram seh.