Nihin zaanlei suimilam 3:30 ah Thantlang khua ah inn kang than

Nihin zaanlei suimilam 3:30 ah Thantlang khua ah inn kang than
===========
Nihin November ni 24 zaan lei suimilam 3:30n hrawng ah Thantlang khua inn an khangh than tiah kan theih. inn a khangh nak hmun hi Thantlang thlang lei deuh ah si dawh asi, alanghlat in a si caah kan fiang kho ve lo, inn zei zah dah akang ti mi kong zong fiangin kan thei kho rih lo, mei cu akang cuah mah ko.

Hi inn khang tu hi ralhrang nih an tuah mi si, khua chung ah ralhrang dah ti lo mizei hmanh an um ti lo tiah alangtlang in mit hmutu pakhat nih The Chin Post ah achim. Ralhrang nih uk nak an lak hnu Thantlang khua ah inn an khangh hi avoi 7 nak asi cang, inn 200 renglo aciam cang. Credit: The Chin Post

Thantlang Khuami Thilri An Fir Timi Hi Bia Dik A Si Maw? Bia Dik A Si Maw? Thantlang Khuami Thilri An Fir Timi Ca Kan Hmuh. Bia Dik A Si Ahcun Mah Ta A Si Lomi Laak Cu Fir A Si. Fir thangchia, hal thangṭha ti a si. Mi pakhat thil ka hal a siang lo; a sianlo ahcun a tongh hmanh ka tongh piak lo ding a si. Asinain a sian lo zongah ka duh leh cuteh tiah hraamhram in i laak chih zong cu, hal lo, chimh lo in i laaknakcha cun aa ning deuh.

Asinain kaa laak lai hih, timi chimh lo in i laak cu thlachiat ruah lo ahcun, Tiza hmanh cuai khawh a si dakaw. Tiza cuai khawhmi dirhmun i a dirmi cu MIFIR na si tinak a si ko.

Ralhrang 1 Nak; Tutan ah Thantlang khua cu inn le lo cu ralhrang hna kut in Inn tampi a ziam, an thilri ṭhaṭha vialte an laak dih ti kan theih. Zatlaak puicimh a tongmi cu chim lo an Lai hritlai Laimi vialte nih ngaih kan chiatpi tuk hna i kan tuarpi tuk hna va si kaw.

Ralhrang 2 Nak; Cu lioah nang nih vanṭhat tiphun in an thilri na rak i laak ve mi hi na kut thling tal a zaa lo maw? Rak i laak te u an in ti hna maw?. Ralhrang tuah sernak hi na caah vanṭhat ngai pei na si hi.
OBIADIAH 1:12. Hi zoh tuah.

“Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh-awk hna zong a si fawn lo. 13 Kami hna cu an rawhral ni ah khan (an chawva va lak awk le An temhinnak kha nang i rak i lawmhpi awkah an khua chungah na rak luh awk a si lo) timi hi na hmu maw?

Hi rawlralnak hi Ralhrang 1 nak kut i a ziamh dih le an rawh dih a si ahcun rawk dih ko seh ca, Hi tluk lungfaak in an mitthli nih a luan hnawhmi an thilri hi nangnih a tongh hmanh na tongh ngam ding a si lo dakaw.

Ralhrang 3 Nak; A tuah sernak cun Ralhrang cu a si lo nain a biachim in ralhrang bantuk a si. Zeicatiah Thantlang khuami thilri hi an firmi a si lo a ti. Aa thawh i Ralkap hmanh nih cun pei an i laak ko cu Lai hawi simi nih an i laak cu Ralkap nih an i laakmi-nak in a ṭha deuh a timi an um hoi. Hi bantuk in bia a chimtu hi Thlantlang Township khuasa mi a si ahcun Thlanthlang khuami thilri va laak awkah aa thawh ve ding a si tihi a biachim ningin hngalh khawh a si. Cucaah Ralhrang hi, hrang 1, hrang 2, hrang 3 tiin pei an rak um hi.

Biacah: Nikhat khat cu an ra kir te lai. Cucaah, Ei awk simi na ei ahcun na rulh ṭhan hna a hau lai, Ei awk a ṭha lomi thilri na laakmi a um ahcun, ṭhate in rak fim piak hna, Nikhat khat cu an rak kir te lai i cutikah na pek ṭhan te hna lai. Cuti i na tuah hnu lawnglawngah Bawipa hmaiah mitling na si lai na chungkhar-ah mawhnak zeihmanh a um lai lo.

An kir ti lo tilo a si le, an mitthli nih a luan hnawhmi, na thilri a silomi na sinah aum ahcun Bawipa mithmuh ah mifir le miṭha lo Cazin ah khumh kan si ko.

Tulio kan boruak; 1. Dawr ngei bal lo zong nih dawr an ngei cu chap ah thantlang dawr nak deng deuh in an zuar khawh (a zin um lo hrat cun a miak lawng te si kaw). 2. Thantlang i mi inn um TV lian lian kha tu ah cun a ngei tu si lo mi sin thantlang peng (vei tlang ) ah an phan dih cang.

3. Thantlang rawl chumh nak pawng uu pawl zong a ngei tu si lo mi nih an hman pin ah dengtak tak in an zuar rih (khuate ah dawrtuah bl lo mi nih pawng uu dawr hna an tuah huar ko). 4. Thantlang ii inn zong nei lo dawr zong nei lo mi kha ni chiar thantlang ah an lut le cycle khat in balang ket tha tha cu an i purh hna (Thantlang dawr hngak an um ti lo ralkap sin ah an i cawk rua).

5. Vawlei cawh in khur chung thil chiah mi le tang ka phum mi cu mah phum mi te bang khin a chuak cu an i awlh ngai (mah inn si lo mi inn kawmtang kip cawh dih). 6. Thantlang ii hni puan te te chiah ta mi zong nupi le fa le daw ngai bang mi ta pi kha kn nu caah kan fa caah ti hin a tha deuh thim in hei i phurh thup ko cu aw (an i fenh eih ah mi ta pi cu an i za in an i rem hnga hme maw).

7. Thantlang dawr khan a hlei in siang inn sang dawr khan poh cu thantlang peng vei tlang le vei tlang nih mah dawr tlat in va tlat a si (dawr tuah nak zin an rak i thawh ve rua). 8. Thantlang inn ngei mi le thil nei mi hmanh Thantlang ah kn lut leng mg lo nan thantlang i inn nei lo thil nei lo mi tu hi an lut leng mg cu awh (ralkap lak ah thih ngamh bk in an lut huam ko).

Tial ah cun tial ding tam ko nain a fir tu ning zak lo in a hmu tu ning zak ti khi si le ka tial pah hin a fir tu ka mittlam kn suai hna hin ka ning zak. Lai mi chung in hi bantuk mi nung le chungkhar kan um hi khuaruah har kan si ko. lung re thei le har zat tuar in ral zam dir hmun kan dir lio ah tlawmpal te tel khi zang fah nak thin lung nan nei kho ve bak lo maw?

Sa hnger ni naa arfa tap naa kan si ko hih, Mi cheu ca cun sifah nak a chuak. Mi cheu cacun irum pi nak a si ko hih. Credit: Farthahlawn.

Note; A si taktak lomi hna a ruahnak men in a tial mi a si ahcun Thantlang peng dihlak thangchiat le mual phoh bantuk a si caah amah hi fak taktak in hrem a hau hnga. Thantlang cu CDF le CNA nih an kulh dih cang fawn, Khuacung ah le ralhrang an khat hoi i luh ngam si lo an ti hoi. Ruah awk tam ko.

CDF-Thantlang Hruaitu Minung Pahnih Nithum Chung Rawl Ulh In Thla An Cam. Upat awk an tlak na ti le Mipi caah thazaang a si na ti siah cun Page like le follow, Share kan bawm ve. A tu thla thokka, November 2 ah khan khua pakhat ah CDF hrauitu minung pahnih cu an va kal i nithum chung rawl ulh in thla an cam tiah kan theih.

Min langhter a duh lo mi khuami pakhat nih a chimnak ah cun Thantlang CDF hruaitu kan khua ah an rak tlung. Kan khua zong ah CDF Training a tuahmi kan tam pah cazong ah an rak tlun hi a si pah lai. A rak tlung mi hi minung pahnih lawng ka theih hna, a dang zong i tal hna sehlaw ka thei lo tiah a ti.

A nolh than rih mi cu, an mah herh ruang, trianing pek duh ruang ah le zeidah an lawh hnga tiah an rak kan vehfet rua tiah kan ruah. Nain, CDF hruaitu pahnih nih a tu bantuk in rawl ulh in thlacamnak an ngeih tik ah kan khuaruah an kan harter ngaingai. Upat awktlak hrim an si, upat hna lo awk hrim zong an tha lo tiah a ti. Hi rawl ulh thlacamnak hi khuapi in kan tuahmi cu a si lo. Nain, a hmuam mi poh cu kan ulh tawn ko a ti. A tutan rawl ulh thlacamnak hi nithum chung caan kan pek tiah a chim.

Zei herh hmanh ah kan rak tlung lo, nan khua ah rawl ulh in thlacamnak an ngei tawn tiah kan theih caah kan nih zong nan sin ah Pathian he biaruahnak ngeih le thangthat kan duh ve caah kan rak tlun mi a si ko tiah an kan ti a ti.

Ram le Miphun caah CDF kan unau hna ramtang ah khua a sa ko mi hna nih a tu bantuk in Pathian sin ah rawlulh in thlacamnak an ngeih hin mipi kan i lawm dih cio lai tiah ruanchannak he hi ca hi rak tialmi a si. A fiang hlang tein langhter zong kan duh ko. Nain, langhter awk a thatlo caah a si.

Cun, Jesuh cawn piaknak ah thla nan cam tik ah midang nih ka thei hna seh tiin nan cam lenmi hi a phungning a si lo, Satan duhci a si a ti caah kan langhter dih lonak zong a si. Rawl loin an umnak ah an thazaang a dihmi le mithli he ram le miphun caah an thla camnak cu Pathian nih theih piak hna sehlaw mipi ca tiang zong in hlawhtlinnak kan pek piak hram ko seh.