Tangka tampi thawh mi nih Thantlang a la kho lai maw!
==========
Tulio ah GTRO nih Thantlang laknak ah tangka tho u tiah fak pi in an au. Tangka cu zei zawn poh ah a herh tuk caah thawh bak ding a si. A mah bel te tangka nih ral a tei taktak lai maw ti hi ruah a herh ngai ve. Thantlang CDF dirhmun kan zoh tik ah ral a tei kho ding an si naisai lo. Millions in tang ka pek zong ah an mah te cun an la kho naisai lai lo. Cụcu theih nuam lo a si Nain a dik mi a si.
Nihin ni ah CDF pawl an ral doh ning hi fund kawl nak ah a doh mi an lawh caan a tam cang. Ral doh nak caah fund kawl i itimh ding tu a si mi khi, fund hmuh nak Hmuitinh tu in ral a do mi an lo. Ral tei nak dingah a herh mi training le an kai duh lo. Auto tlang kong zong khi ruah chih awk a tam ngai.
Ralkap full training a kai mi, ralkap tling a si mi nih mah kutput meithal chiahtak i zam a um bal loh. Ral Tei kan duh taktak ko ahcun kan chambau nak hi kan cohlan a herh, kan iremh a herh. Nun nak thấp in kal vekvek cang hnu cu a herh ning in i timh lawlaw ve lo ahcun. Sur a chep bal bak lo mi nih sur i ken i tiva kal he ai khat ko lai, Thantlang CDF an iremh ve i tha te in ral an tuk ding tung lo ahcun GTRO nih an tawlrel mi phaisa vialte cu cuhlan bantuk a si thiam ko lai.
Kum hnih an kal cang i zeidah kan si ti mi a fiang ngai cang ko. Drone cu an thiam nain drone lawng in ral Tei khawh a si naisai hoi lo. Drone zong cu an hmang kho tuk ti fawn lo. Fak deuh in khua kan ruah a hau. Hnu kir awk nih a si kho loh. Tangka thawh nak zawn zong hi ruah a herh ngai cang. Ral a tei kho te ding mi ralkap sin deuh ah kal ter a tha deuh cang tiah ka ruah.
“Crisis of Leadership” kan tong; A tulio te hi Chin mi nih lungrual kan herh lio cem a si ti cu hna theihnak in theih cio a si. A mi kip nih aupi a si i a bik in hruaitu kan ti mi hna nih an aupi khun. A sinain a tulio te hi kan i lungrual lo bik lio tu a si diam. Zoh tuah hna usih.
1. Chin mi cu kan biaknak ah aifun bik mi kan si. Pastor tampi nih dohthlennak an dir pi i khrihfabu phaisa zong hman ding an ti. Nain pastor tampi nih a duh lo. Bu phaisa cu ral dohnak ah hman lo ding an ti. Hrinthan mi cio cio zong ah kan ikhat lo. Dawtnak in a ti mi an um, dawtnak he hriamnam he a ti mi an um.
2. Tulio ah bochan ngaimi biaknak bu pakhat CBCUSA ti mi an um. BD nih a herh a ti caah CDF supporting committee an ser. Cu committee nih cun BD tel lo in a duh poh in an cawl i BD nak in nawl ngei deuh in rian an ttuan. Commitee chung hmanh ahcun lutlai pathum lawng nih a duh poh in an kal pi ti zong an chim hoi, a vamak ve. Sertu kha sermi nih a thui.
Khuaruah har ngai pakhat cu mah committee a rak thok lio ah president a rak ttuan mi Rev. Dr. TL nih, hi committee hi zalong te in an duh poh in ttuan ko hna seh kan ti hrimhrim ko a ti ti si. Mipi phaisa million in a tawngtham mi committee duhpoh kal ter cu. A ho dah hruainak ah a palh deuh hnga.
3. Ramkip ah CNF dirkamhtu le CDF dirkamhtu an um cio. Dir ka ahcun a hohmanh thleidang lo in kan ral pakhat doh nak caah an ti cio. A tu ahcun mah le phaisa hmuh nak ca lawng ah rian an ttuan cio cang. CDF ralkap nih kan i khat ko a ti lio ah CDF dirkamhtu ramleng pa nih cun kan i khat lo a rak ti diam.
Lungthin đang a keng mi pa nih ruahnak đang a pu mi a và dirpi mi bantuk ah ai chuah. Nihchuak ngai a si, zeicaah tiah mah bantuk cu vulei cung ah a um lo. Mah he ruahnak aikhat lo mi và dirpi cu a chungah a zer mi lungput ai tel zungzal. Kan i dirpi ning zong a mak ngai, crisis taktak a si. 4. Supporter pawl nih Sponsor bantuk in nawl an ngei. A bik in CDF supporter pawl an si. Ka peh than lai. Credit: Biak L Cung