Nihin December 14, 2020 Ah Electoral Vote In Biden Teitu A Sinak An Fehter Lai

Thinhunternak Caah Si Lo In. Nihin Dec 14 ah Electoral Vote in Biden teitu a sinak an fehter lai. ‘Faithless voters’ an um sual zong ah, a tam bik ah 10 in 20 a si lai lo. Election result a thleng lai lo (99.99% a fiang ti ko sih).

Ka phanmi cu, thlacampiak lengmangmi le rawlulhpiakmi Donald Trump a sungh lai caah kan Pathian maw lungkilte in mawhphorh sual lai cih. Aa thleng hlei lo, a khuakhan ning in zeizong a kal lai. Kanmah nih a khuakhan kan thleng kho lo. Biden a tlin hi PT khuakhan a si ka zumh cuh. ‘Satan’ phun kan zoh hna zong ah, kan zumhnak sawhsawh a si. A biapi deuhmi cu, vawlei ah dawtnak le zaangfahnak le thlachiat ruahnak, American rampi in a tlaulonak ding hmelchunh kha a si. Cucu vawlei a dawhtertu a si.

Dec. 14 i a sungh zong ah, January ah Congress a tang rih tiah bochannak chiah awk a ttha rih kan ti men lai. A tling hlei lai lo. Na thinhunternak caah si lo in, kan Pathian dawhceoh phun in kan ruah sual lai phan bia ah dah fawh hih. Chunttha. Zan caah mangtha. Nan thinlung kan nuamhter hna lo ahcun, ka hnawhthan te lai. Asiloah, ignore rak tuah ko. Credit: Salai B Chan Khar

Hi Thawngpang relchap lo cu a pam tuk hringhran. US PRESIDENT THAR DING CU EC NIH, THAIZING 14/12/2020 (Monday)AH AN THIM CANG LAI.(Supreme Court le US Politics kong). 12/12/20, Friday ah khan, President Trump lei i Texas State le States-17hruai tu GOP Chairman Allen West nih Supreme Court ah Votes dik lo a khin nak cu US Supreme Court Justice Samuel Alito le Justice Clarence Thomas nih an hnawl piak hna ca’ah Trump lei Court ah an sung. Cuca’ah, December 8 ah khan States 50 ah Election Certification an pek dih cang ca’ah, 14/12/20 ah US Congress nih 2021 President ding cu Electroral College pawl nih House Speaker Nancy Pelosi hruainak tangah Vote an thlak cang lai i, 270 EC Votes a hmuhmi nih tei nak an hmuh cang lai.

Cun, 5 January, 20 ah Georgia State ah Senator- 2 thimnak an nei lai.Democratic nih Seats-48 le Republican nih Seats-50 an si i, Majority hi 51 asi ca’ah Democratic nih Seats-2 an lak hmanh ah 50-50 an si lai i, Vice-president nih teinak (Deciding) Vote a pek khawh lai. Republican nih Vote-1 te an hmuhah cun US Cozahpi an kut tangah an Control kho lai.

Georgia State Senators asi lio mi Republican Perdue le Loeffler le Democratic lei in Jon Ossoff le Raphael Warnock hna hi i cuh ding an si. US Senate nih hin Vice- President thimnak an nei ca’ah, Republican nih teinak an hmuh khawhah cun, Vice-president hi Democratic mi Kamala Harris silo in Republican Mike Penn hi Vice-President ah an thim tha’n kho men.

January 6,2020 ah US Congress le Senate pawl Joint Session of Congress an nei lai i President – Vice President (Elected) le Senators-2 kong pinah Cabinets-Whitehouse Staffers backround ceih/ zoh tha’nnak an i ceihhmai hna lai.
A tulio hi President Trump Supporters 22000 leng nih Washington DC, New York pinah US khuapi hmunkipah duh lonak( Demonstrates) an tuah cuahmah lio asi i, US rampi cu buaibai nakin a khat ko.Hmaizarh in January,2020 tiang US rampi cu tihnung ngai ngai asi ko. Civil War zong a chuak lai loh ti’ah chimkhawh asi ti loh. Credit: Mc Biklian