SNA Sakhan 2 PDF Nih An Kah Caah SAC Ralhrang Nih Cunglei A Kahbawmh; Mipi 4 An Thi
=========
Sagaing ramṭhen, Homalin pengchung ah ummi SAC ralhrang kuttang Shanni (SNA) hriamtlai phu sakhan 2 cu PDF ṭangṭi phufonh nih luhhnawh in an kah hna i, an faak ngai caah SAC ralhrang nih raltuknak vanlawng in bomb a thlak hna, tiah Homalin Moe Kyaoe PDF nih an langhter, April 4, zing suimilam 6:00 tluk ah Homalin peng, Nan Taung Oo khua um, SAC ralhrang lei ṭang Shanni hriamtlai (SNA) sakhan cu PDF ṭangṭi phufonh nih luhhnawh in an kah i, suimilam pakhat tluk a rauh hnu ah an sakhan an laak khawh.
Cu pinah Ngoe Painn(ငိုးပင်း) khua um, SAC ralhrang le an kuttang SNA sakhan cu PDFṭangṭi phufonh nih luhhnawh in an kah caah ralhrang lei an faak ngai. Mah caah SAC ralhrang nih raltuknak vanlawng in bomb thei lung 4 le Missile lung 2 an thlak caah Ngoe Painn khua mipi 4 an nunnak a liam pin inn 4 zong a kaang, sianginn zong a rawh dih, tiah an cathanh ah an langhter chih. Cu kahdohnak cu Homalin PDF ṭangṭi phufonh hna simi Hkamti (ခန္တီး) pengkomh, Battalion 1, HPDF 124, HPDF le HPDF Moe Kyaoe hna kan si, Mipi hriamtlai phufonh in hliamhma tuarmi kan um hraw lo.
May 5, zanlei suimilam 4 tluk ah Homalin le Paungbyin (ဖောင်းပြင်) hriamtlai fonh sakhan pakhat cu Nat-sat (နတ်စက်) khua umhmun a khuarmi SAC ralhrang le Shanni hriamtlai (SNA), Meitei hriamtlai phufonh hna nih 60MM hriamngan in voi 10 tiang, an kah hna caah mipi inn hna zong an rawk, tiah an langhter.
SAC Ralhrang Sin Thawngpang Petu Nu Le SAC Kuttang Riantuan Khuabawi Pakhat Thah An Tong; SAC ralhrang sin thawngpang petu ah a minthang ngai mi nu Daw Nuai Nuai Soe cu a inn chung ah thah a tong tiah kan theih. Mandalay ramthen, Sot-chun-pauk khua ah a um mi Daw Nuai Nuai Soe cu May 4 zan ah mizei hriamtlai phu ti theih lo mi nih a mah inn chung ah an thah hi a si.
“A tak pum chungah meithal kuan hma he a inn chung ah a thi” tiah sangchung mi nih an chim.
Mah pin ah SAC kuttang riantuan mi Mandalay ramthen, Ngan-mia-kyi khua bawi Aung Than Zaw cu May 5 ah lakphak ti dawr in, inn a tin lei ah cycle cung in meizei ti theih lo hriamtlai minung 2 nih an kah caah a thi ve. “Aung Than Zaw hi SAC nih rianpek mi khuabawi a si i khuachung mi, zeidah an tuah, zei ti dat an cawlcangh timi hlat in ralhrang sin ah thawngpang a pek tawn hna, cu a thil tuah mi ruang ah thah hi a si lai” tiah min langhter duh lo khua mi pakhat nih a chim.
Myanmar Ram Caah Thla Kan Cam Piak Uh Tiah Tuluk Pa Teitu Aung La NSang Nih A Chim; One Championship Middle Weigh ah aa thong mi Aung La NSang le Tuluk pa Fan Rong an i thonghnak ah a round hnihnak ah Aung La NSang nih teinak a hmuh. May 6 Myanmar zing suimilam 6:40 tluk ah America ram Colorado state ah aa thongh hi a si. Tutan aa thonghnak chungah teinak a hmuh ka in bia a chim mi chung ah “Myanmar ram caah thlacam nak in rak kan bawm uh” tiah mipi sin ah a chim hi a si.
Matupi-Hakha Kar SAC Ralhrang Sakhan An Kah; Tactical Commander Telh In Ralhrang 3 An Thi; Chin ramkulh Matupi le Hakha kar SAC ralhrang sakhan pakhat cu CDF-Matupi nih May 5 zanlei suimilam 4 ah an kah hna caah ralhrang lei Tactical Commander Colonel Soe Lin Lat, Major pakhat le Commander a motor mawng pakhat an thi.
Hi kahdohnak cu CDF-Matupi Battalion 1 nih an kah hna caah caan karlak Matupi ah an vun chiah chung mi Tactical Commander Colonel Soe Lin Lat telh in ralhrang 3 an thih hi a si. Mah pin ah ralhrang sinin MA3 meithal zun khat zong an lak piak hna. CDF-Matupi cu him tein hnu an pil than tiah kan theih.
Matupi peng chung ah SAC cozah rianhma kal ding in a bawm mi riantuan tu hna, thimnak zung ah riantuan tu hna le zung dangdang riantuan mi zong fak pin kan doh cang hna lai caah mipi hna nih thawng kan thanh mi nan rak zulh cio nak lai kan in nawl hna tiah CDF-Matupi nih May 6 ah thanhca an chuah.Credite; Lungmili Post.