Nihin 22/11/2020 Kan Pu Andrew Thawngthanh

Nihin 22/11/2020 kan pu Andrew thawngthanh (Victoria ca) Cacawn nikhat ni, 23/11/2020 thawk in,

1. nikhat ah mileng 15 tiang cohlan khawh a si cang lai. Ngakchia kum 1 tang rel chih an si lo. Pakhat le pakhat a hlat in um khawh lo nak ah Facemask i hruk ding a si lai. Mileng cazin i chiah ding a si lai.

2. Khualeng ah park le beach ti bantuk ah kum 1 tang ngakchia rel chih loin minung 50 tiang ton khawh a si cang lai. Inndong rikhiah a um ti lai lo.

3. Nupi thit puai ah lehthahtu chim lo minung 150 tiang a ngah cang lai. Asinain pumpak inn ah tuahmi nupithit puai ti bantuk cu inn ah mileng cohlan khawh zat rikhiahmi he aa khat lai.

4. Ruak humh le biaknak lei innchung tonpumhnak zong minung 150 tiang a ngah ve cang lai. Group limit a um ti lai lo. Asinain pumpak inn ah tuahmi a si ahcun mileng cohlan khawh zat rikhiahmi he aa khat lai.

5. Cinema, galleries ti bantuk pawl zong minung 150 tiang cohlan khawh a si ve lai.

6. Upa le ngakchia zaangleknak: Mi takpum tongh a haumi he a hau lo mi he innchungah minung 150, phu khat ah minung 20 then in tuah khawh a si lai i, khualeng ah cun minung 500, phu khat ah minung 50 then in tuah khawh a si cang lai. Tlangtlatu nih puai tuah khawh nak permit sok hmasa ding a si lai.

7. Mask hruk kongah cun midang he hlat in um khawh lo nak hmun innchung le public transport (tlanglawng le bus chung le hngah lio telh in), Bunnings ti bantukah umkal tikah mask i hruk peng rih a si lai. Khualeng bel ahcun midang he aa hlat in um khawh lo nak hmun market ti bantuk um tikah mask hruk ding a si lai, nan inn pawngkam ah lamlen na kal tikah mask hruk a hau lai lo asinain na kal pah ah thil sining aa thlen sual ah tiah (mi tamnak hmun hna na phanh sual ah) tiah mask na ken peng lai.

8. 30/11/2020 ni thawkin private company in zung rian inn in a tuanmi pawl zung pakhat ah riantuantu 25% cu rian hmun ah tuan than khawh a si cang lai. 75% cu inn in tuan rih a si ko lai. Public sector pawl cu inn in tuan peng a si rih ko lai.

9. 14/12/2020 thawkin mileng 30 inn ah ngeih khawh a si te lai. Kum khat tang ngakchia rel chih an si lo.

10. Siizung mizawh umpi le veh kongah limit a um ti lo, siizung tuahmi zulhphung lawng a si cang lai.

Credit: Sui Len Zing, Mimi

Leave a Reply

Your email address will not be published. Required fields are marked *