Ngaihthiam menmen khawh a ngah lomi a si, ka purhdah hna, ka zum kho hna lo:

Ngaihthiam menmen khawh a ngah lomi a si, ka purhdah hna, ka zum kho hna lo:
================
1. An chawnh ning ah neeknak awki a um. Mizo holh a thiam tuk lo caah “pawih” na si tiin a thih hmanh poi ti loin an velh khawhmi si, an zia. 2. Bom a cheh bak, nga a tlaih bak timi a um lo. 2. A va tuah taktak a si hmanh ah phungningte in i hrem rai si. 3. An tluntaak hnuah a chungle va zoh an fial hna. Ka lunghring mah cu. Mi nih YLA an kal kha an theih cang lai. Lai kan nawng i, athli in kan tlun maw kan thuh maw a si cun an kan lunghrinh lai. Cucaah, kan tlung lai i, zoh kan fial hna ahcun lunghrinh awk kan ṭha lo an ti khawh. Lainawn ahcun thuh a si tawn caah mu.

4. Kum 50 a si nan tar bang a der, a ngandam lomi a si ti hmuh khawh si. Mah kha Mizo pawl nih an kan neeknak lungdiriam in an den cang ahcun a celh lai lo. Faak nawn in voi-li-nga tukvelh hmanh a celh lai lo. 5. A ruak sau um an siang lo. Lung a hring. Doctor nih an check lai i, a kengruh rawhnak an hmuh sual lai an phaan bia si kho. 7. A zawt ruangah a thimi a si lo. Zaw bu in ram kan kal ballo. Mi ngamdamlo a sinak hi kan puh men lai an ti khawh.
8. Atu tiangah ngaihthiam hal a um lo. Ngaihthiam kan hal cun a celh lo tiangin kan velh tak ko kha an theih lai ti an phaang kho. Lunghrinh le purhdahnak a tam kho ngai. A fiangmi cu an kut in a thimi a si. Credit: Robertson Bawi Nun Thar

Mah hi relchap law thil sining na fiang chinchin lai, Sangau-1 YLA Nih Thi Lakin An Vuakmi??? Kyaw Kyaw Thihnak Kongah Mipi Theih Dingah A Tha Tiah Ka Ruah Mi Hna. Kan unau Kyaw Kyaw thihnak kongah ‘YLA NIH AN THAH’ tite hna, “KAN THAH LO” an ti mi le Kyaw Kyaw ruak “POSRMORTEM” kong kan ceih lengmang mi hna sullam a ngei tuk lai ti mi zumhnak ka ngei lo, a dik mi biachahnak a chuahter lai timi zawng ka zum lo. Mizoram ah ‘Veto Power’ a ngei mi YMA le YLA hna hi Mizoram mipi le a Cozah zawng nih an tih taktak mi hna an si i, mi zawnruah le bawmh a herh mi bawmtu tiah an i ti ko nain an duh lomi thil a tuah mi hna “Hrem” le “Thah” zei a rel lomi, cozah zawng nih an lungtlinh a timh pengmi NGO an si. Mizoram a cozah zawng nih “An Cathanh” le “Thil An Halmi” paoh cu a dih lakin a pawm piak hna i a tuah piak peng mi hna an si i, an duh poah in khua a sa mi an si.

India ram ah a sang bik biaceihnak “’Supereme Court’ hmanhah tazcuai hna usihlaw, “An Zei Pawi” lai lo. Zeiruangah kan ti a si ahcun, India phaisa ningcang loin an hmuh mi le “Lih Bil” an tuah mi chungin an rumnak hi a tamtuk hringhran lai timi hi zumhnak ka ngei. Culawng a si rih lo! Mizoram Cozah sinah a herh zat phaisa an hal lai i, a pek hrimhrim fawn hna lai. Cu an phaisa cu, “Court” (Tazacuainak zung) kal nak, lakphakti dinnak le “ Sihni Hlannak”, a hlei mi cu an zalah an i sanh lai i cheukhat nih an i rumpi khawh, timi hi hotal nih kan chim kho lai maw?

Hihi vanchiat kan tawnmi kan ti lai maw, mit au buin hlennak kan ti lai dah, theihthiam le chimfian a harnak zawn tampi a um. Atu Kyaw Kyaw a thihnak kongah hin YLA Zung leiin Cathanh an chuah mi ah an dik nak kong an chim hlei ah Mithi chungkhar tuarpi nak le mipi ngaihthiam halnak a pelpawi te hmanh an chim lo. Hi thihlohnak hi an chunmang a si tiah ti hmanh usihlaw, kan palh lai lo dah! Cun, YMA daite in an um, Thawngzamhtu bu an i thup, Mizoram Palek le Cozah zawng an vuaknak hna, an vuak hrimhrim timi YLA President pa nih a chimmi hna, an hrem lio video hna le an vuak nak hmepe a um ko mi le an hmuh ko nain, “Cengkawl” bantukin daite in an um ko i, an i thup ko! Mizoram bantuk ah hin cun, sifak le mirum dirhmun le sining hi an i thlau tuk hringhran. (Mirum cu an thuat ngam hna lo)

Kan bia a sau tuk lo nak dingah, atang i tette chung hin a tu i thil sual a tuahtu YLA hna hi tlaih cawlh maw, zeitik can poah ah Thong thlak khawh peng, hrem le bia dik an chim nak dingah hrem khawh peng nak caah a za cikcek mi an si timi hi ka hmuh ning a silo hmanah “India Upadi Buarnak “ hrim hrim a si. Kawl ram nih atu bantuk khin Mizoram ah thil sual tuah ve usihlaw, ‘Voi Thongkhat Nak Tam’ hrem an silo ah, an thah diam cang lai. Zei a si hmanh ah atang i tette pawl hna hi zohti tuah hna usih:

1. YLA President Pu Ram Cung hrimhrim nih Khaw kyaw hi voi-3 cio kan vuak tiah a ti.(Pholeng). Hihi upadi buar a si caah tlaih khawh cawlh an si. 2. A zaw mi a si hleiah mi derthawm a si ti theih ko nain, Mizoram a kih lio bik le thlasik tii a kih saling 27 December 2020 Zarhpini tlai ah hramhram in tii chungah an luhter i nga a thi cia mi an lak ter fawn i, a therh ning le a bat ning zawng video an thlah mi ah fiangte in hmuh khawh a si.(YLA President pa hrimhrim nih a chim mi a si). Hi zawng hi tlaih le hrem khawhnak caah a tling mi tette a si. 3. Kyaw Kyaw a riahnak hmun i an um lio ah, tii zawng amah tein a cawi kho lo i, kan cawi piak tiah an ti. Cutluk in a ba mi nih cun zeitindah tii chung ahcun a lut lai i hitluk ti a kik mi chungah cun a luh lai? i Nga a thi cia mi cu a va lak khawh rih lai? Lih a silo hmanah Lih an chim ruangah hrem tlak hrimhrim an si.

4. An mah hrimhrim nih video an thlak, an hrem i a ba tuk ti a fiang. Hi Kyaw Kyaw video an lak mi lawng hmanh hin, tlaih maw hrem cu an tlak hrimhrim. Tette dang zawng a hau rih in ka thei lo. 5. Kyaw Kyaw an tuk nak le hrem nak hmape zawng hmanthlak cung hmanh in a fiang tuk i hi nak in a fiang deuh mi tette dang zeidah a herh rih lai. Mah kut cungah nawlngeihnak chiah in mi hrem le velh hi phung buar a si i tlaih khawh nak caah a tling mi tette a si.
6.A chungkhat hna he remnak kan tuah cang i kan vui tiah an ti. A ruak a um lio hrimhrim ah Kyaw Kyaw hringtu a nu nih rak phun hlah u tiah an Pastor pa he an nawl hna i, Kyaw Kyaw a Nu a chuahkeh nak Cawngthia khua mi hna nih a ruak kan pe u tiah an nawl len hna nain an pe duh hna lo. Hi zawng hi lih in mipi hlennak le Mithi chungkhat zei rel lo nak a si i tlaih le hrem an in ding hrimhrim a si.

7. A donghnak ah an bia chim mi hi an thlen lengmang i a chel ah voi-2 cio kan tuk an ti, a chel ah voi-3 cio kan tuk an ti, a chel ah voikhat hnih kan tuk an ti. YLA zungthen(Sub-Headquaters) pawl zawng hi hika thahnawnnak? ah hin thukpi in an i tel ve ti hi a fiang ngaingai. Kha tluk hma a pu ko mi kha ‘Postmortem’ tuah loin Kyaw Kyaw a thih nak a ruang an tial mi ah “Thawh Chuah Tilo, Thaw Dih” (Heart attack) tiin an tial. Siibawi zawng sawm lo le Postmortem zawng tuahter loin, lih le phuahchawm in “Heart Attack” tiah an ti sawhsawh. Hihi mipi zeirel lo le mithi chungkhar zawmhtaihnak a ngan bik a si. Tlaih an si loah hrem a phu hrimhrim. YLA Cathanh ah ‘Nan Duh Ahcun Postmortem Tuah Dingin Kan Redi Peng Ko’ tiah an ti than hawi. Hihi Mipi le mithi chungkhar zeirel lo nak le zei an kan rel lo nak an langhter mi a si caah ningzah tal hi thei hna sehlaw a tha ngai hnga. Tutan ahcun hika tiang hi kan langhter rih lai i a herh ningin kan peh than te lai. Kaa lawm. Salai PK