NgaihChiat nak lak ah Lunglomh nak

NgaihChiat nak lak ah Lunglomh nak
=========
29.9.2021 zan ah Thantlang khuaah Thih lo nak kan ton mi, Pu Ral Tu (Bawi Bik Thawng Pa) kum 77 le Pu Hram Cung (Khen Ling Pa) kum 59 an ruak cu Nihin 30.9.2021 nih Thantlang Khua ah ruak fim an si.

Thantlang Khua nih ngaihchiat nak kan ton lio ah A rak kan fimhlawm tu Hakha lei Kanpa le Kan Pastor te nan cungah lunglomh nak chimcawk lo kan ngei. Nihin Ruak fimtawl nak a kan telpi kho mi Hakha lei Kan Pastor te;

1. Rev. Dennis Ngun Thawng Mang, 2. Rev. Tluang Ceu, 3. Rev. Chan Peng Hmung GS, 4. Rev. Dr. Ceu Sang Kung AGS
5. Rev. Dr. Thawng Hlei Thang HBC, 6. Rev. Dr. Za Khar’ Agape B Senior, 7. Rev. Dr. Lal Pek Lian’ IBC, 8. Rev. Ni Cung Thang ‘Zion B Church, 9. Rev. Hrang Awi ‘ Nazaret B Church.

10. Rev. Ngun Mang ‘ZABC GS, 11. Rev. Sui Liam Kam(JMBC), 12. Pastor Doi Sung IBC, 13. Rev. Siang Lian(Calvary), 14. Pastor Thiang Uk Lian(Calvary), 15. Lecturer Thomas Than Kep(Calvary), 16. Pastor Thang Kung Hnin(ZABC), 17. Pu Thla Thawng , hna an si. Thantlang in Hakha ah a rak i dor mi Chung in ,Rev. Mel Vin, Rev. Sui Lian Kam, Pi Khual Dim, Pu Ram Khar nih kan zulh khawh hna.

Sa le ral, tih le phan nak lak ah zanghlei cawi mi kan Pastors hna le hruaitu upa nan dihlak sin ah a lang tlang in kan i lawmh nak le upat nak kan van alangh ter. Bawipa Pathian nih damnak he in umpi peng ko hna seh law! Hakha kan pastors ThanTlang kan ruak akan fim tu nan Cung ah lomh nak chim cawk lo kan ngei. Thantlang kan ngaihchiat lio ah a kan zuanhnawh i kan mitthli a kan hnawt tu Pathian riantuan tu hna nan dih lak cung ah ka rak I lawmhnak chim lo in ka um kho lo e.

Zei bia chim ding zong Ká hngal kho Lo.Lung a faak tuk, thin a hung tuk, ngaih a chia tuk ti leng hin cun. Kan pa le an thisen au thawng cu kan Biak Pathian sin phan seh law, Ralkap uk nak chiakha a rawk dih i Kawlram ah a dik taktak mi federal democracy kan hmuhnak ah si hram Ko seh.

Hakha kan pastor le hruaitu vialte hna upat nan um tuk. Hi tluk Ngaihchiatnak Lungdai le mitthli lio ah fimhlawm tu um cu kan tuar a zan ter hrimhrim ko. Kan ngaih a chia tuk tipin ah chim awk kan ngei ti lo, ruak a kan fimtawltu nan dih lak, Bawipa nih nan retheihnak in chinchiah piak ko hna seh.

An thih Ning ruah ahcun lung a kuai dih nain ruak fimtu hna nih lung an damter deuh. Ruak thlahnak ah an sunglawi i kan i lawm cio. An kan tuahto ning ruah ah, lung a fak, thin a lin, hmul thi ling. Mah le Khua le ram ah cia cungah. Cu caah hi kawl pawl he Hmun khat khuasak tthan ding nak in tthen lawlaw hmanh lung si deuh hnga lo maw?