Uganda Ram Ah ISIS He Pehtlaihnak Ngeimi Ralhrang Pawl Nih Siangngakchia 30 Leng An Thah Hna;
===========
Uganda ram nitlaklei um sianginn pakhat cu ISIS he aa pehtlaimi ralhrang pawl nih an doh hna caah siangngakchia 39 le mipi 2 an nunnak a liam pinah minung 6 an tlaihkhih hna, tiah cozah lei ṭuanvo ngeitu hna nih thawng an thanh.
Nunnak liammi hna chung ah a cheu cu naam hma in an thi i, a cheu cu an umnak hmun an khanghpiak hna caah an thih hi asi, tiah Uganda ram ralkap in chimphuannak nawlngeitu Flex Kulayigye nih CCN thawngzamhnak ah a chim.
ISIS cikawr hna simi le ISIS he pehtlaihnak a ngeimi Allied Democratic Forces (ADF) ralhrang pawl nih Lhubirira sianginn cu a luancia June 16 ah an doh hi asi, tiah Uganda ram thawngthanhnak nih a langhter. “Kahdoh a tongmi sianginn hi Congo ram he ramri pawng um Kasese khuapi ah ummi asi i, kum 13 in kum 18 karlak siangngakchia hna an kainak sianginn asi.
Meikanghnak tiang a chuah caah June 17 zinglei sang tiang mei kan thah. Kahdoh an ton lio ahcun siangngakchia 62 an um lio asi” tiah Uganda ram ralkap in chimphuannak nawlngeitu Flex Kulayigye nih a chim chih.
Manipur Buainak In Meitei 1000 Naak Tlawmlo An Thi Cang; Manipur buainak ah an CM Biren Singh le BJP hna an cawlcangh ning a chia ngai ti ah theih asi. Zumhnak leng (Mizo) miphun Kuki nih hin an mah a doh tu Meitei Arambai tenggol hi 1000 naak tlawmlo an thah cang hna ti ah an chim.
Saikul hmunhma ah hin minung 300 tluk an thi ti ah an chim i, asinain Manipur cozah nih minung 9 an thi ti ah an chim ve. June 19, ah khan hi hmunhmaah ruak 70 naak tlawmlo an hmuh ṭhan ruak hi din lo in hmun ṭhan peng a si ca ah mi ruak kawl zong hi an thazaang nih a phan ti lo ti ah an chim.
Nunnak liam mi, milu zat hi CM nih thup hmenhsehlaw mipi lei nih an theih khawh ṭhiam ca ah mipi lei an lungtling lo ngai ti ah theih asi. A hmasa ah cun an CM nih hin Arambai Tenggol hna hi venghim in thazaang a rak pek tawn hnaa sinain, a tu ahcun amah nunnam hmeh a fenghimkho lo ti ah an ruah cang. Thil khua ruah har a si mi cu an mah lei pakhat hmenh thi lo in khua veng tu 35 lak ah minung tampi an thah khawh mi hna a si.
Uganda Ram Ah ISIS He Pehtlaihnak Ngeimi Ralhrang Pawl Nih Siangngakchia 30 Leng An Thah Hna; Uganda ram nitlaklei um sianginn pakhat cu ISIS he aa pehtlaimi ralhrang pawl nih an doh hna caah siangngakchia 39 le mipi 2 an nunnak a liam pinah minung 6 an tlaihkhih hna, tiah cozah lei ṭuanvo ngeitu hna nih thawng an thanh.
Nunnak liammi hna chung ah a cheu cu naam hma in an thi i, a cheu cu an umnak hmun an khanghpiak hna caah an thih hi asi, tiah Uganda ram ralkap in chimphuannak nawlngeitu Flex Kulayigye nih CCN thawngzamhnak ah a chim.
ISIS cikawr hna simi le ISIS he pehtlaihnak a ngeimi Allied Democratic Forces (ADF) ralhrang pawl nih Lhubirira sianginn cu a luancia June 16 ah an doh hi asi, tiah Uganda ram thawngthanhnak nih a langhter. “Kahdoh a tongmi sianginn hi Congo ram he ramri pawng um Kasese khuapi ah ummi asi i, kum 13 in kum 18 karlak siangngakchia hna an kainak sianginn asi.
Meikanghnak tiang a chuah caah June 17 zinglei sang tiang mei kan thah. Kahdoh an ton lio ahcun siangngakchia 62 an um lio asi” tiah Uganda ram ralkap in chimphuannak nawlngeitu Flex Kulayigye nih a chim chih. Crd; Lungmili Post