Ngaihchia mi Mara Kan Unau Chungkhar caah MCC – USA hi ṭuanvo lak dawh asi cang.!

Peacemakers Are The Bleesed One And The Children Of GOD: PG66
=========
“Mi le mi karah remnak a sertu cu, Pathian nih, ka fa, tiah an ti hna.” “Thluachuah cu nan covo asi” Mtt 5:9. Chinmi vialte nih Remhnak asertu si i zuam usih. Tutan Boruak hi mi le mi karah asilo, mah chung khar karah asi. Kan biahla, kan caholh le kan lungput hi, kaphnih chungkhar karah remhnak lei ah a hruaitu si cang seh. Kan lungput cu KRIH nih, pek cio mi kha si hram seh.

Kaphnih chungkhar karah bia tuah ti hlah usih! Kan biahla le kan caholh nih mei kau chin ti hlah seh. Zei kan ti hnga, ka bawinu le ka bawipa te le, kan nawl ko hna. Hmarun le Hmape ah funghreu sawh in, cuaih btk biahla hi, Mara Ka Unau sihnaseh, Ttl ka minung sihnaseh, i sum cikcek cang usih, zei kan ti hnga, kan nawl ko hna. Lenglei mi nih, kan ziaza ṭhalo, kan thuatha, kan ceihngia zia le kan ṭial vialte hi, Ngawl cikcek ah aṭhabik.

A lenglei nih thiamco le fimcuh tukin, kan in thlak lawmmam tuk/ ngamsam caah, Kap hnih chungkhar ah, adih ding bia kha, MCC – USA level ah a kai cang. Kawlram le India um Tribes vialte nih Action lak ding tiang a phan cang. Hihi, boruak he aa pehtlai bak lomi, a lenglei biaduh le hmursau, thiamco duh ruangah asibik ko Unau!

Chin Acts in cun, a lenglei mi nih, aa pehtlaih lomi nih, kan thihloh nak ah, a rak i thlak ve i, a rak buaibai ahcun, Vawlei ah kirter bak asi. Direct le on the spot bakin asi. Aphu a tho lo i, a kong ceih asi ve lo. A tuh man a zun, Apuar thau tuk, a ninghngalh tuk, thih ko seh, an hei ti salam ko. Zurit buin biatam mi hmanh ceih cikcek in velh an si.

Chin Acts ning in cun, kaphnih chungkhar bia asi caah, MCC – USA kung tlung ding asilo i India + Kawlram um Mara tiang tai tai i thlak awk asilo. Lenglei minung nih umtu ziaza kan thiamlo tuk hrinhran i, thilnu kan phulh caah hi level tiang, a kainak hi, asiko. MCC – USA siseh, CDF – Ttl siseh, Chin Acts ning in an ti ve ve caah, hna a ngam ko, minung lei cun. Pathian nih thlawchuah in, Puitling ter sehlaw, PEACE le Dindaihnak chuahpi hram seh.

Ngaihchia mi Mara Kan Unau Chungkhar caah MCC – USA hi ṭuanvo lak dawh asi cang. Sui Thantlang derhmun hi theih thiam hram uh. Khualipi a rawp i a king, CDF – Ttl lawng nih ngakṭah kingro bang khuapi an hngak, Kan Tuukhal le kan mifim hna, Khuanupa hna cu, zalam tlang bak ah, an kan thah piak, kan vakvai dih caah, tbk in vawlei tuanbia ah a um ballo mi, aum bal tilo ding mi, tuksapur harsat nak azip ah khuasa lio asi caah, duhning in Thilkal a ran khawh lonak hi asi.

CNF/A lamthluan le Chin ah pumkhat sinak a hnursuan sual lai tiah Sui Ttl bu derh ve ti hlah. Bia lamkaltu har khun can zong asi. Kapa Bawi Bik Thawng Pa (Pu Ral Tu) hna kan hlam ruang mang ko, a ciam zerhkhat tlinhlan ah mu! Afak khun ko ee. Greek mifim btkin Sui Ttl nih kan i ngeihchun mifim asi. Kokek Lawyer le Kokek Sihni (Advocate) asi.

Sui Ttl le Mara cu a dang vialte nakin aa nainiam deuh mi kan sinak tehte cu: Vuichip Tlang le Mara Tlang (Marau Tlang) hi asi. “Chungkat Unau Rualrem lo ṭio nak” timi tuanphung nih fim kan chimh hram seh. Adang tehte: Mara hi (India + Kawl) Cinzah, Zathang, Hlawnching, Thianhlun hna nih ram an khumzual i an humhim mi ram asi.

Bawi le Bawilo thleidan nak asilo. Phunkhat cio cio ah Mara le Sui Ttl hi, mi nakin a nainiam deuh mi kan asiko timi fianternak tu asi. Mifim Cathiam, Khua nupa, Hruaitu, Bawltlang, Tlangbawi, Pastorte te telin, Luban kip nih PEACE TALK lei tu in ka ṭhithruai hram uh tiah kan Nawl hna.

PEACE TALK caah abikin Request duhmi hna cu: Paw Tovao (Pu Za Cung), Dr. LHSakhong, Dr. Sa Sa, Dr. Andrew NCL, Pu Zo Peng, Salai Htet Ni, Paul Smith (C.Tha). Keimah thei tawk. Nanih cu Mara caah siloin Chinram caah thimh hlei mi nan si i, Sui Ttl in a par mi nan si caah asiko. CDF Ttl cu NUG le CNA minung ansi caah asi fawn. Kawlram le vawleipi level in Ramkhel ah cungcuang mi Chinmi kanpa le nan si ruang zong ah asi fawn.

Kan Ralpa MAH le SAC kan tei hlan ah, kanmah i za lo ding abiapit tuk hrinhran. Raldoh cuahmah mi Kan fale tete zong lungzawr in an thatho loin, an ziam nak hnga lo, abiapi fawn. Lungthin a ṭhawn lo i aa pumkhat lomi nih ral an tei ballo.

Social media ah cabia a thlah mi vialte zong nih remhdainak lei capar lawng hi i hmaithlak usih. Ahlan i capar thurhnawm vialte cu delete ṭhan ding in kan sawm fawn hna. Kap ṭanh in siloin kaphnih PEACE caah biahla thlak cang usih. Rul Sivai le Thilnu btk caholh thlah hi ngawl cang hram usih tiah sawm buin..Movie: Fb & Social Media nih mipi karlak ah hmuh thiam lo nak le i huat nak, i remh lo nak a chuahpi ning. Abikin Kawlram le Ethiopia ah, By- Saya Rung Kaw