NCA cu Ralkap nih Aana an ting Feb 1 in a rawk colh cang

NCA cu Ralkap nih Aana an ting Feb 1 in a rawk colh cang tiah politics umtuning in tuak khawh a si. Phunglam loin uknak an lak. Phunglam loin, Cozah thar, SAC an dirh. An ttihmi le an ralmi paoh an tlaih hna i thong an thlak hna. Misual le lainawng tu an thlah hna.

Anmah a dotu paoh an thah hna. Nu le ngakchia tiang an zuah hna lo. An caah zeibantuk phunglam hmanh a um ti lo. 2008 phunghrampi zong ah zul hlei lo. An hmang hlei lo. Anmah kha uktu he phunglam he an si. Cucaah, NCA minthu, hriamtlai vialte caah. NCA a um ti lo. Fed 1 ah Ralkap nih an buar cang. An hrawh cang. Ralkap nih an dirhmi SAC zong hi legal Cozah an si lo. Terrorist an si. NCA minthu, hriamtlai dihlak nih NCA a nung ko tiah an pawm ahcun, indirect tein Ralkap Cozah, SAC kha legal ah an cohlang bantuk a si lai.

Cucaah, Ralkap nih Phunglam loin aana an ting caah, NCA zong an buar chih a si caah, NCA cu anmah Ralkap nih an hrawh cang tiah NCA minthu hriamtlai hna nih Statements hmanh an chuah cio ding a si cang tiah ka ruah. Lungawttawm awk a um ti lo. Hnabeisei awk zong a um ti lo. Lungsau zong a hau ti lo, ka ti.

Relchap, Tulio kan ram a buai tuk lio ah, ka phone screen ah a rak chuak lengmang vemi, celebrity pakhat, ka uar lo takmi cu, “meghan markle” hi a si. Mirang chungkhar fapa, Prince Harry cu a molh/fool ter i a siangpahrang inn in aa chuahpi lawng siloin, siangpahrang chungkhar cu biatak tein a seh hna. Racism a puh hna. Oprah sinah a chimmi a ngaitu tampi nihcun, a Pasal a nu, Princess Diana aa copy tiah an ti.

Prince Harry vat in, vawlei cung Mipi nih uarmi, second Diana si itimh in, Hollywood ah a poh takmi Celebrity pakhat si kha rak itimh sehlaw a dawh ngai, nain aa timh ning bantuk in thil kal dawh a si. An income a zawr sup. Princess Diana nih a fapa a roh tami, $ millions 13? nih a tthathnemnak kong an phuan. Prince Harry caahcun, Fapa tlau dirhmun hna a lo thulh!

Nikum an chuah ka ahcun news ka relmi based in a mawhlo ka ti nain, Oprah sinah biatak tein a von chim tthanmi zoh tikah, amah lei chambau deuh in ka hmuh cang. A von ifiang ngai in a lang. Note: tuletu in a kong an ceih i, ka von thai ta ve. Credit: Zasang Cinzah