Naypyidaw um mi cu thinphang in an um cang

Naypyidaw um mi cu thinphang in an um cang
====================
Mi cheukhat nih an umnak an chuah taak. A ruang cu Naypyidaw hi ralkap bawipawl an umnak le ralkap an thazaang chahnak bik a si caah zeimaw i tuk kahnak a chuah si cun hmundang nak in Naypyidaw khi nam hmasabik ding a si.
Cucaah khuami pawl thinphang in an um. Ralring tein an um cang hna. Dohnak le kahnak a um tikah bomb le meithal in kan himnak hnga tiah mi cheukhat nih dawrnak khur an i cawh cang.

KIA zungchoh Laiza pawng ummi nih Dawrnak khur an khuar ve cang. KIA le ralkap i kahnak a zuallei a panh caah KIA/O zungchoh umnak Laiza pawng ummi Woicyai ralzam Kachin pawl nih dawrnak caah tiah khur an i khuar ve cang. Atu Kachin Woichyai ralzam pawl umnak hmun khi KIA zungpi umnak Laiza in a hla lo. 2017 lio zongah kawl ralkap nih KIA an rak kah hna i hriamnam ngan pipi an rak hman. Atu Woichyai ralzam umnak hmun zongah kawl ralkap nih hriam ngan an rak thlak caah mipi lei hma a pumi an rak um len.

Cucaah a hlan bantuk in Ralkap le KIA i kahnak hi a si khawh caah mipi lei ralrin in an umnak a si. Mipi lei hrimhrim nih KIA cu ralkap pawl doh ding in an fial hna caah cat loin KIA nih ralkap an kah hna. Mipi lei zong ralring in um uh tiah KIA lei nih thawng an thanh ve hna. Credit: Tluang Ceu Thang