Naupawi Lio Nu Cu Ralkap Le Police Nih An Vuak Hlei Ah An Inn Thil An Hrawk Dih Pin Ah Phaisa Ting 4 An Lak Piak

Tanintharyi peng Myeik khua um mi naupawi lio nu cu an inn cia ah ralkap le police nih an vuak (an cel ah an tuk), an inn thil an hrawk dih pin ah an inn remh nak ah an ikhon mi phaisa ting 4 an lak piak. A cubantuk sual cu van volhpamh thluahmah khi ai duh tawn ko.

Bank phaisa a dih deng cang rua. Myanmar Central Bank nih ATM le bank account in phaisa chuah khawh zet an tthumh ttthan. Feb 28 tiang ah ATM in nikhat ah ting 10 tiang chuah khawh asi mi kha nikhat ah ting 5 tiang lawng chuah khawh asi cang i zarh khat ah ting 20 lawng a ngah cang.

Private banks’ services zong an cawl kho lo. Ai ong loh, nain ATM le online banking tu in an cawl. Nain, cu zong cu an rianttuan pawl CDM ah an itel dih ngawt caah limited asi cang. Private banks pawl hi bank an on ahcun mipi nih an phaisa an chuah dih lai i an bank a piat lai ti an phang (mirang in “bank run” ti mi khi), van on lo le asi duh hoi loh tiin awlokchong in an um cang (ATM in phaisa chuah khawh asi ve nain nikhat ah ting 10 lawng an onh ve).

Ralkap le police cawlcangh ning cung ah UN, EU, Canada, Japan nih fak piin mawhchiatnak/sualphawtnak an tuah (strongly condemn). UN nih tulio SAC cu kawlram cozah ah a cohlang lo i ralkap nih an phuah mi Kyaw Moe Tun zong a rian ning tein an pom peng ve. UN nih international community cu kawlram mipi he dirtti ding in a au pi. EU nih kawlram mipi lei ah kan dir an ti ve. Kawlram innpa pawl lak bel ah Japan lawnglawng fianghlang te le zapi theih in ralkap cawlcangh ning mawhchiatnak a chim mi le mipi lei ah kan dir ko a ti mi asi. Ralkap an sung hrim2 lai. A caan bel chim awk a har ko. Ref: The Irrawaddy, Sangukceu Zinhlawng