National Unity Government (NUG) Nih Remdaihnak An Duh Ve Cang!

COVID-19 DIPLOMACY IN MYANMAR. (NUG nih remdaihnak an duh ve cang)
===========
ASEAN Meeting ah Myanmar Ralkap Cozah aiawh telh an si lo hnu’in Ralkap SAC nih cun Vawleicung hmun kip um Minthang an timi le an hawikom deuh poh poh hna cu Myanmar ram tlawng dingin heh ti’ah an sawm hna.

Kan hnu lei zarhah khan, US Ambassador to UN hlun America Jewish Bill Richardson cu Kawl ram ah a tlawng i, Covid-19 Siivai le thil dang 2.5 millions bawmhnak pek dingin hnatlaknak an tuah pinah ramdaihnak kongkua le ICRC (Red cross)nih Myanmar Ramchung Thonginn ah hlethlai(Checking) nak tuah dingin hnatlak nak an nei kho fawn.

Mr Richardson hi 1998 ah Daw Suukyi Inn -thong an chiah lio ah khan General KhinNyut nih tonternak a rak neihter cang hna.Cun 2019 ah Rakhiang International Inquiry Commission ah member ah Suukyi nih a rak chiah na’in Reuter Correspondent Ko Wah Lung (ကို ဝလုံး) chuahnak kong le Rohingya kong ah fak ngaiin an i sik ca’ah Richardson cu aa phuak i USA ah a tlung diam.

Tu November 13, 2021 ah khan Japan Peace Envoy le Nippon Foundation Centre Chairman Mr.SaSa Kawa cu Kawlram ah ra’in General MinAungHliang he tonnak an nei i remnak le daihnak tuah ding kong an i ceih ti’ah theih asi. Cun, November 15,16 ah PPST, Party hruaitu cheukhat pinah Ni-17 ah Dr.Aye Muang hruai mi AFP le Taingyinta Parties-4 hruaitu pawl he tonnak an nei fawn lai.

Dr. SaSa Kawa nih hin Covid-19 Siivai thilri pinah Miharsa pawl ca’ah facang, Chiti le ei le din pawl NGO’s sinin ¥-200 millions man hmun le hmunah a phawtzamh cawlh hna.tlawmpal ah Rakhiang le Paletwah lei zongah phawtzamh a timh hna ti’ah theih asi.

Dr. SaSa Kawa hi 2020 Election lio ah khan AA le Ralkap karlakah remnak a rak siam bel cang i, January 1,2021 ah AA nih an tlaihmi Maung -daw NLD MP-3 an chuahmi kha amah thawngin asi. Amah belte Yakhiang le Paletwah, Northern Shan, Kachin State cheu -khat ah Election tuah ding kongah Ex- CEC Chairman U.HlahThein le Daw Suukyi he an bia an rak i hmu lo ca’ah lung -rawk ngaiin Japan ah a kir tthan.

November 14,2021 ah a thlithup in Thailand Dy. PM le Foreign Minister Don Pramuduinai cu Nyphidaw Airport ah Zinglei 8:15 Am ah a rak phan i Nyphidaw Hilton 5 Star Hotel ah Ralkap Cozah Foreign Minister U Wanna MaungLwin he tonnak an nei hnu’ah Zaanlei 2:30 Pm ah S. General MinAungHliang he biaruahnak an nei tha’n. Cun, Zaanlei Suimilam 3:45 Pm ah khan Nyphidaw International Airport ah Thailand le ASEAN nih an pekmi Covid-19 Siivai le a benh- bawm thilri pawl cu Thailand Dy-PM nih pek chanhnak an nei hnu’ah Bangkok lei’ah lophir a kir tha’n cawlh.

November 13-14, 2021 China Special Envoy to Myanmar Mr Sun Guoxiang zong ruah lo pi’in Kawlram ah arak phan ve. Anih hi cu Visa sawk zong hau huaha lo’in Myanmar ramah free in luhnaknawl Ralkap Cozah nih an pek ciami asi. General Min Aung Hliang he Nyphidaw ah a thli -thup in an i tong i, Aungsan Suukyi le NUG he zong Cabuai cungah remnak le daihnak siam dingin a fawrhfial ti’ah theih asi.

Hi hi NUG Dy- Foreign Minister U Moe Zaw Oo nih remdaih nak ceihhmai nakah NUG tel ve dingin Envoy Sun Guoxiang sinah nawlnak kan rak nei cang ti’ah a rak chim cia. (VOA) November thla dawngh lei’ah China-ASEAN Meeting cu ASEAN Chair Cambodia PM Mr. Hunsan hruainak in neih asi lai i, Ralkap Cozah aiawhmi zong telve dawh an si i, Cuca’ah NUG zongnih tel khawh ve dingin China Cozah sinah halnak an rak tuah ve.

Cun, Tu nai te’ah UNO’s Envoy to Myanmar thar Singapore mi le UN Asst. Secretary General arak tuan cangmi Dr. Noeleem Heyzer cu Tukum December thla asi lo’ah 2022 January ah Myanmar ram rat nak Visa a hal liopi asi ti’ah AP News nih a chim.