Mah te khuasak tintuk lairel a duh lomi kan lo!
===========
Huiha, Kan hei i thawh hna le CNF/CNA ee, CDFs ee CNDF ee ti lawng tein kan buai tung le Pa Hlaing a hei i lawmh tuk lai ning hi a hngar hmanh ka hngar lei si. Mah te Cozah dirh hi kan i ziak rih lo maw a si maw? Kan duh lo maw a si maw? Kanmah Peng hi bawi tuan usih, kanmah hriamtlai phu hi bawi le lal tuan usih ti deuh dek kan si.
Atu ning te kan kal peng i, hriamtlai phu ciocio i theihthiam loin mah phu sang ah cawi, midang phu tang ah kan i lamh ko a si cun ral zong kan tu ngam cio ti te lai lo. Na ralkap pawl nih heh tiah tihphan bu tein ral an tuk lio ah, nang nih khuabawi thimnak hna na buai len, rawl chumhpiak mi hna ei lo ruang ah na buai len, thawngthanh loin lutchuah ruang ah na buai len rih ko a si cun kan i that dih te hna lai. Hitizin in kan si hin cun…
Kan lungput hi peng tlang tiang lawng kan chiah kan hman ko a si cun dothlennak hi tuah lo lawlaw in um usih law hna a thiang deuh ving hnga i kan lung zong ai ruak siomau deuh ko hnga nain mu. A buai mi pawl kha caan phak tik ah CNA nih an bu ning in kan tleih te hna lai i Tio that se pho lak ah kan car te hna lai i si ko cuh.
Mipi Ralkap nan si lo maw? Um hihi hal phu zong a si ko nain hal phu zong a si than loh. Nai hrawng lawng si loin hriamtlaih ka in hihi mipi cheukhat sin in a chuak mi bia a si. Cheukhat ve nih cun, mah nawl in cu hmun kha hmun ah ral nan tu, nan bualcaam, hmun nan khuar ti a rak si ve ziar hoi…
Ummm… a sau sual lai : Tlangtaar ahkhin, “Mipi ralkap nan si lo maw,”? ti a si. Kan si tuk rilmal hme teh tiah kan hei leh cio hna. Asineah, “Yiah mipi harnak ton ding tiang ral nan tuk. Nan hawi KIA khi zoh hna uh an khuapi Myitkyina an kap bal maw. Mipi zawn an ruah ca ah a si lo maw,”? ti a si than hoi.
Ok, hihi thil pakhat kan ruah a hau ve, hmasa bik ah kan doh i kan ral an si bak ahcun nunh hna lo ding. Thah khawh chung thah dih hna ding. Pahnihnak ah, mipi veeng duh hlah usih law, mipi zawnruat hlah usih law, Kan techinfapar chan ca tiang khin ruat hlah usih law, DOTHLENNAK kan tuah hna hnga maw? Rem le nuam taktak in um khawh komi ramtang ah ei thaw ei lo, ihkhun cung ihphah tha ah it loin hriamtlaih kan i thim hnga maw? (Ma hi kan hal ve hna rak i let uh nanmah tein).
Kan ral a si mi va thah ding ahkhin mipi va hal le va nawl a herh ah ka ruat bak lo. Cu lawng hlah mipi zong nih cu e kha e, cu deuh kha deuh in ti pawl zong khi na ralkap sin ah na zai awk, na chim awk zong a si lo. Nangmah veen ruang ah ral a tu, a nunnak a pek ti zong hi i fian cikcek le i fian meisei khi a hau ee. Chinchiah ding; Hi ca ka tial mi hi peng dang le hmun dang le tlang dang tihramnak ah ka tial mi a si loh. Salai Tluangte