Na muidawh te le cawlcangh ning nih zoh cimlo

Kawlram sandahpiahnak cu nikhat hnu nikhat a linsa chin lengmang ko. Nihin Mandalay ah mithalo kut in a thimi nungak no takpum chungah aa tialmi ca an hmuhmi cu atanglei langhter mi hi a si. A thih lai a thei mi a lo ko e tuni a thi mi nu nih a tial mi cu ngeihchia ngai si ko. “Kei cu minung tha, si than khawhnak ding a fian tung lo ahcun zaangfahnak tein ka khamh hlah uh. ka tak pum cungah san a tlaimi vialte ka hlut. Ka thi B+ a si.” Tutan Kawlram buainak ah nunnak a pemi hi mino deuh lawngte an si. Cu lakah upa cozah riantuanmi hna nih CDM caah nan i tel lo mi ka ruah ah ngaihchia ngaingia a si ko cang.

Na muidawh te le cawlcangh ning nih zoh cimlo, Sazuk la te bang midang caah na chawiper diatmat, Ruahchannak he nitin nun cu na hmang ko lai nain, Khirh awk tha ti lomi na nunnak cu na pek ai mu. Zeihme kan ruah ka far, zeihme kan ton ka nau, Kan tuar kho lo, kan celh lo e ka nau, ka thin hi, Sunghno nupa domh manh lotein na cat tuan mu.
Vawlei dihhmansehlaw na tuanbia bal philhawkthalo, Lungsia herh hlah mu liamsia herh hlah mu, Na tantakmi na lo hma hi na hnuzulh asi. Kan tei dih cikcek tiang kan ma lai lo nusal, Na duh bangin zaukphung cu hmun zungzal seh.