Myanmar ramchung Facebook Khar Ruangah VPN Hmangin Mi Tampi Nih Facebook An Lut

Myanmar ramchung Facebook Khar Ruangah VPN Hmangin Mi Tampi Nih Facebook An Lut
===================
Min Aung Hlaing hruaimi cozah nih February 4 – 7, 2021 tiang Facebook hmang kho lo dingin an tuahmi ruangah ramchung um mipi le ramleng ummi mipi bamwhin lam dang in an hmang khawh than tiah theih a si. Facebook Messenger, Whatsapp le Intasgram pawl cu khar chung dingah nawl an chuah. Nihin thawk in Facebook hman khawh a si ti lai lo, tiah an thanh. Mi cheukhat nih cun Facebook an phih zongah VPN atang in Facebook an luh kho/ a hmang kho ko tiah an theih caah an hmang cio than nak hi a si.

Myanmar ramchung ah hin Facebook hi social media ah tampi hmanmi le a lar bikmi pakhat a si. Kawlram chungah Facebook a hmangtu hi 22 million an um i, Myanmar ramchung mipi dihlak hi 54 million kan um i, Facebook hi cheuhnih cheukhat tluk nih an hmang ti khawh a si. Myanmar ramchung ah February ni 4 – 7 tiang philh a si lai caah aho paoh nih VPN hi rak hmang chun ko uh tiah theihter kan in duh hna.

Relchap, Suu Kyi Bang Hodah Dir Te Lai? Union of Burma (UB) nih “full democracy” hmu seh tiah kum 15 leng “inn thongthlak” a rak si i, tu kum 2021 zong ah “inn thongthlak” tthan si. Kawl ralkap nihhin “uknak thlen taktak cu an duh lo, chawleh tthanchonak (economic development)” an duhmi si. Tulio thil cangmi nih Suu Kyi nun chungah UB nih tlingmi democracy hmuh lo ding khi a lawhter ngai. Rohinya pehtlai ah Suu Kyi an rak mawhchiatning, an pek cangmi laksawng zong an chuh tthan. Nain, 2021 ahcun Kawl ralkap le Myanmar sining fiang pup in a van lang. An lungthin zeitindek a hei um tthan hnga?

Suu Kyi chan ah democracy kan hmuh lo ahcun, UB chung thil pathum a um hrimhrim hau. 1) Thlennak lamzawh um hau – duh lonak langhter sawhsawh lamzawh lawng si lo khin, thlennak taktak umternak hmuitinh he lamzawhnak tuah a hau. Cathanh, minthut le biachim lawng nihcun, Kawl ralkap bawinak a lauter in rawhter kho lai lo. 2011 Arab Spring “lamzawh” phun kha a um hau. 2) Ramchung raldohnak um hau – lamzawhnak nih thlennak a chuahpi locun, ramchung raldoh (civil war) lawng khi a taang hnga. Tlangcung ralkap le Kawl ralkap uknak dohmi ralkap vialte ttanttinak in thisen luanter hau hnga. Nain, zapi rammi (a bik in tlangcungmi) le zaran nih harsatnak nganpi ton khawh khi si hnga.

3) Suu Kyi thar um hau – Kawl ralkap nih thah ngam lomi, Kawlmi vialte nih uar le upatmi, tlangcungmi zong nih upatmi le vawlei nih upatmi “minung thar” a um hau. Ramkhel kong aukhuan i, Ralkap nih tlaih i, an thah colh ngammi kha cu, a si kho lai lo. UB kong vawlei hninhtertu cu Suu Kyi hi si. UB rammi vialte nih uarmi le upatmi Suu Kyi zakarolhtu ding hi, an umte hnga maw? Hodah si te hnga? UB hmailei kong ruah ah, lungthin zaangdam lo ngai – Suu Kyi chan lioah, tlingmi democracy UB nih hmuh locun. Credit: Van Nun Lian