Myanmar Ram Nih Covid-19 Sii A Serchuah Ve Cang Tiah An Phuan

Myanmar Ram Nih Covid-19 Sii A Serchuah Ve Cang Tiah An Phuan
=============================
Kawlram nih a hmasa bik covid-19 zawtnak sii tluang tein kan tuah chuah cang tiin AA Mediacal Products nih nihin December 31 ah mipi theih in thawngthanhnak an tuah hi a si. Covid-19 pawl caah Pacific Medical Industries Ltd (PMI) nih sii an serchuahnak sehzung (Company) lei nih biahalnak an tuah. An chuahmi sii min cu Favipac (Favipiravir 200mg) Tablet a si i, Kawlram sii-ai lei tuanvo ngeitu zohfeltu zung (FDA) lei nih sii hman khawhnak dan zong an ngeih cang tiah thawngpang theih a si.

Cun hi sii-ai an serchuahmi riantuan dan zong langhter dih a si i, hi mi covid-19 zawtnak ngeimi an pek hna tikah a ei asi ahcun an faknak a tuaringnak a daih colh. Hi sii-ai damnak a ngah theih thawng zong AA Medical Products lei nih an langhter chih. Covid-19 sii-ai an chuah mi pawl hi Favipac 60000 cu dam lo pawl caah hman a si lai i, cu hlei ah sizung ah 25 ah phawtzamh zong a si chih lai.

Cun, Myanmar cozah ralkap pawl caah sii (15000) an pek hna lai timi thawngpang an tarlang. AA Medical Company nih an chuah mi Favipac Covid-19 sii cu mipi lei theih dingah sii dawr pawl ah phawtzamh khawh le a man pawl cu an langhter rih lo.