Myanmar Military Coup Hi Kan Doh Lai Maw

Myanmar Military Coup Hi Kan Doh Lai Maw
================
Min Aung Hlaing nih aa-naa alak mi hi mipi nih dai tein hei um ko uhsihlaw, achim mi hna; 1. Ka ttuan chungah rampi daihnak peace process (NCA) tha tein ka kalpi lai, 2. Kum 1 hnu ah election tuah in ateimi party sinah aa-naa a pek than lai, 3. Democracy lampi in kan pial hrim hrim lai lo…… timi pawl tuah a timh tak men ko lai. Asina’n doh aherh ko tiah ka ruah nak aruang pathum te ka ttial ve lai.

1. Daihnak tak tak duh ruang si loin mipi thimmi (civilian) cozah nih an tuah khawhlo mi ralkap nih kan tuah khawh ti le tlangcungmi hna sin in credit lak duh ruang tu ah a si. 2. Election hlanah NLD le party kip ah politician mi za deuh paoh a hloh (crushed) ta hna lai. Cun amah duhmi party nih tei nak an hmuh lai ti aa fian hnu lawngah election atuah lai. Democracy tak siloin a deu tu a ser lai. 3. Mah hi a biapi chin chin, Ralkap nih uknak aa-naa hi kan duh tik poah ah kan lak khawh timi hriamnam bochan dictatorship ideology a nung lan lai. Hi bantuk ideology cu Kawl ralkap chung lawng hlah, vawleicung hrim ah a nun awk asi ti lo.

Relchap, Kan chuahkehnak Kawlram komh caah hmunkip in rally kan tuah nakah effective a si deuh nak hnga tuah ding ka duhmi hna: 1. Rally lawng siloin statement tha tein chuahin kan umnak district US House of Representatives hna le State senator vialte kuat ding. Cun Congress le Senate i Foreign Relation committee ranking member vialte. 2. US Senate le House nih Kawl ralkap coup hi an condemn nak resolution an chuah ding kan target a tha. 4. President Biden, Foreign Secretary, Defense Secretary, le adang powerful department lutlai pawl ca kuat khawh an si ahcun kuat ding.

5. US bantuk ram ahcun citizen pakhat nih kan Representatives le senators pawl ca kuat khawh hi a biapi ngai, anmah hrim nih biapi ngai in an ruah. Na’n zapi cu mirang ca le catial kan thiamlo. Cu caah organization pakhat khat nih tha tein ca kan tial piak uhlaw zip code or address tbk hmeh in automatic in kuat khawh ding phun kan ser piak uhlaw ka duh (kan hman tawn mi a si). 6. China le Russia Embassy or Consulate a umnak khua ahcun an office hmaiah va kal khawh a biapi ngai. 7. Cun mah thil hi caan saupi a kal te ding a si caah rally tuah kha voikhat lawng siloin aherh ningin a tu le tu tuah itim uhsihlaw a tha. A um len rih ko lai, ka bia sau ai. Kaa lawm. Credit: Salai TK Lyan