Myanmar issue hi Bidden nih biapi ah a chiah hrim lai tiah ka zumh

US Foreign Policy zoh tikah Bill Clinton chan tiang ahkhan China hi biapi ah an rak chiah lo. Chinese Communism hi, Capitalism lei in aa mermi ram an si khawhnak hnga an rak bawmh hna. Tulio China hi tluk in an thawn hi, 1990-2021, Kum 20 karlak ahhin a si bik. Clinton chan lio an campaign ah China kong an chimmi, Bush campaign, Obama campaign le Trump campaign tiang zoh tikah aa dang sup.

Clinton chan ahcun China hi, an ti ttha ngai i, capitalism State a si khawhnak hnga bawmh rih ko usih tbk lei in a chim nain, 2020 US election tu ahcun China stop. hi an centre message si cang. 2020 Election, Trump vs Joe Campaign kha kan zoh cio bang in, “Who is stronger on China “ ahodah China cungah a Thawng deuh lai ti bak kha an izuam ko. Foreign policy ahhin China hi top issue ah an chiah cang in a lang.

US nihhin Myanmar ram hi biapi ah an rak chiah tuk lo nain 2021 ahcun a von ithleng ve cang ti khawh a si. Zeicatiah, US nih a rak ngan bik ah a ruahmi China a tei khawhnak ding ahcun Myanmar ram, Ralkap coup hi Joe Bidden foreign policy nih a save khawh a hau lai. Myanmar ram Democracy hi Military Coup kut in a save khawh lo ahcun, a foreign policy pi a fail/ sungh tinak a si lai.

Cucaah, Myanmar issue hi Bidden nih biapi ah a chiah hrim lai tiah ka zumh. Zeicatiah, China stop, cu a foreign policy ah top a si bantuk in, Myanmar ram in rian hna a von dawmh tikah, sungh cu a duh hrim lai lo. Note: Bidden administration cungah a hnabei a sei lomi tete kan tam pah i, view kau deuh in cuanh ahcun, thachiat tuk ding a si rih lo.

Relchap, US nih aa timh i a tuah cangmi cu Vawleipi an holh ngam lo. Trump nih Jerusalem cu Israel khualipi a si tiah fehternak ah US am embassy cu Jerusalem ah aa tthial ko i, aho nih an holh ngam lo. Bush nih UN resolution loin Iraq 🇮🇶 a phawmh i ahodah nih an holh ngam lo. Obama nih Pakistan ram ah Osama Bin Laden cu a va thah mei ko. Aho nih an kham kho lo.

Trump nih Iran general Top, Saleimani cu Iraq ram ah a thah ko. Aho nih an cu-kha ngam lo. Cucaah, US nih Myanmar Military Coup ah hmalak an duh tak ahcun, UN le N lo a biapi tuk lo. An duh ahcun Min Aung Hlaing hi a inn ah an va tlaih ko lai i, IJC ah taza an cuai ko lai. Cucaah. US congress nih Myanmar Coup hrawhnak Bill, congress ah an chuahpi lai tiah thawngpang a chuak tikah, an chuahpi tak ahcun, US khuasa Laimi le Kawlram mi dihlak nan biapi taktak. Nan umnak State ah Congressmen paoh kha email kua cio hram u! An mail boxes ah Kawlram kong lawngte lut seh.

US nih Kawlram kong hi biapi ah a chiah ahcun, Europe le Canada tbk vialte nih an dirhkamh ko lai. US nih biapi ah a chiah lo ahcun, Russia le China nih teinak an hmuh lai tinak a si i, Ralkap pawl nun Khua saunak a si lai. Cucaah, US hi biapi taktak an si ko. Mahle ti khawh ning cio in colcanh a herh lio caan te a si. Credit: Zasang Cinzah