Tha-Gyi-Taung Yenanme Palik Sakhan Ah Myaing PDF Chungtel 1 Nih Palik Thilthuam (Uniform) Hruk In Meithal 3 A Va Laak. Magway ramṭhen, Pakkuko peng, Tha-Gyi-Taung Yenanme palik sakhan ah Myaing PDF chungtel pakhat cu palik thilthuam
(Uniform) hruk in a lut i meithal zuun 3 le hriamnam dang a va laak tiah Myaing Pah-Kah-Phah chungin ṭuanvo ngeitu pakhat nih Khit Thit Media ah a chim.
March 13, 2024 zanlei suimilam 5:30 tluk ah Myaing Pah-Kah-Phah in ralkap training tlamtling tein a dih mi PDF chungtel pakhat nih Tha-Gyi-Taung Yenanme SAC ralhrang kuttang palik sakhan ah G-3 meithal 3 le Uzi meithal 1 a va fir i a zaam tiah theih a si.
Palik sakhan chung meithal fir in a zaam hnu ah SAC ralhrang kuttang palik hna nih hnuzulh in an kah caah Uzi meithal 1 cu a tantaak tiah an langhter. Palik sakhan in meithal G-3 meithal 3, kuanbawm 5 le 7.62 kuan 80 a fir kho tu PDF chungtel pa cu Myaing Pah-Kah-Phah nih laksawng tangka sing 100 an peek tiah theih a si. Lungmili Post