Muihnak phen ah sualnak phuntling tuahtu an si

Kawlralkap zia le za hi..ruat tuah! Muihnak phen ah sualnak phuntling tuahtu an si. Mipi anhlen, antlaih, anthah hna cucu ruattuah uhsih. 1. Ramchung thil sining zapi theih a si ko mi kha chimduh hrim2 lo in phuahchom hlennak bia tu ngolhngal lo in anchim. Cun duhpoh in kanforh khawh lai tiah an ruah mi hna cu aphunphun in an lemsoi hna. Anlem khawh lo a si le antthih pheih hna. Anhrocer hna. Cu tiin ankutke ah an tuah ton mi hna cu a si. Hlennak bia in hnuzultu vasawm khawh cu anrian hrampi bik a si. Cu caah hlen mi sin ah biatak chimkho tu mipi media pawl hi anhuat bik mi hna cu an si. Anhlen hna nakbia vialte le muihnak phen ah mipi thil anfir mi vialte, antukvelh mi vialte, sualnak ngeilo thisen anchuah mi vialte, nu antlaihhrem mi vialte, thonginn chung hrem mi vialte, le mi anrawiphiar mi vialte cu mipi nih theihtthan ding kha an ttih bik mi cu a si. Cucaah MRTV le Myawati TV longhi mipi caah anrak tuah nak cu a si. Hi TV hna nih mipi hmai ah ralkap fak le ansual va maimilh piak khi a si. Cu caah mipi media pawl longhi ralkap sualtuah nak phuntling ral in him nak pekho tu meiceu cu an si.

2. Zeibantuk zong in lemsoi, tthihpheih, hrocer khawh a si ti lo mi pawl kha cu tleih leh khih in thonginn ah khumh hi an rianpi (2)nak cu a si. Atu zong cu rian kalpi awk ah an coup hnu ni(12)in an thawk tthan cang. Cucaah misual kumsau ca thong tla mi vialte cuchuah in thonginn an lonter tthan. Cun atulio mipi hruaitu vialte tleih dih in thong inn khumh a timh mi cu a si. Cu longhlah mipi leirawi nak an tuah chap. Khuapi sang le vengkip ah thongchuah misual pawl cu thlah in ttihnung sual phuntling antuah ter hna. Hitluk in mipi ca ruahnak chia a ngeikho mi kawlralbawi hna hi cu anrak mak taktak ko ti hlei in cun.. chimding um ti lo. Hithil nih..Kawlralbawi pawl hi ram hruainak hmun ah telve tlak hrimhrim an rak si lonak a langh ter. Mifir le damiah sawh sawh an rak si hi mipi kan fiang ngai. Hi hna nih..Ralbawi thuam he mipi hmaidir in biatak ngaibang bia an hei chim ton ve mi hi cu. vawleicung khuaruah har thil pathat cu a tling ve tiah ka ruah.

3. Cun ruah nakttha he biatak kong ah anmah nak in achim kho deuh poh cu anral lian ah an chiah hawi hna. Mipi sin ah zeihmanh tuah kho lo ding in anral hna. Micheu hruaitu ttha cu an thah colh hna. 1976 Newin chan ah Salai Tin Mawng Oo siseh, 1998 Thanshwe chan ah Pu That Ci le Pu Uk LianThang si hna seh, 2019 Mingaunghliang chan ah U Ko Ni, mipi bochan upadi mi thiam zong siseh, an rak thah hna. Mipi nih kan philh bal hna lai lo.

4. A tutan Daw Suu le U Win Myint kanhloh khawh hna ah cun mipi au mi Democracy le Federal cu duhpoh in kan mer khawh ko lai tiah an ngiar len hna. Na in an ni chuahsual cikcek nak tu a si lai. Gen..Z pawl nih hin mipi duh hi fawi te in an hruai ve te lai ti hi an hngal rua lo. A let 100 in hrem an tuar nak tu a si lai. A tulio M.A.H bantuk zia le za, tuahser nak menmen nih hin cun khawika vawlei hmanh a phan lai lo ti cu a fiang ko. Cu caah kan zapi lungrual te in CDM cawlcangh nak ah i pumpe cio ko hna uh sih! Tei nak laksawng nih neih te in a kan hngah ko.
Bawipa nih kan umpi cio ko seh! Kalawm e. Credit: Khua Uk Lian