Muidawh Sarah Le Amos Hmanthlak Pawl Cu Aa Dawh Kho Taktak A Si.

Nihin Muidawh Sarah hmanthlak vun hmuh cu thinlung a dam domh ti khawh a si. Atu lio Hakha khualipi ahcun a lar bikmi pakhat cu Muidawh Sarah hi a si men lai. Sarah hi Hakha khualipi a lum tertu zong a si ti khawh a si i, amah thawngin social media ah Hakha khualipi chung a chawvaknak tete hmanthlak pawl cu phawtzamh cio a si tikah a khunnak a si rua. Nihin ni ah Tlangval Amos he hman an vun thlakmi cu aa dawh kho taktak asi. Mah hmanthlak pawl hi Dreamart page nih a vun langhtermi chungin lakchih mi a si.

Chin nu, Lainu ahcun nusal a za bakmi le a mui zong aa dawh i, a pumrua zong Lainu ahcun a tha pawl a si lai. Sarah lar hram ai thawknak hi Salai Lungthli Tum nih Hakha khualipi ah Lai nunphung paih a rak tuah lio ah Sarah hi biatak tein cawngiatu nungak ah a rak hman hi a si.

Sarah hi Hakha khuapi ah GYM zong biatak tein a la i, Leten a celh peng mi nungak muidawh a si. Tlangval Amos he an hmanthlak pawl cu zoh cim lo bak an si ko. Lainu le Laipa mah tluk in dawh khawh hna cu ti awktlak bak an si. Aho paoh nih hi bantuk Kan Lainu le Laipa muidawh le pumrua tha pawl hi colhlawmh ding an si.

Nihin Chinmi kan umnak cio ah kan nungak le kan tlangval pawl hi chantiluan kan dawi bantuk in kan pumrua le kan muisam zong hi ramdang van hai lo bantuk kan cawlcangh khawhmi vun hmuh tikah Pathian thluachuah bak a si ko,

Aho paoh nih Tlangval Amos le Nungak Muidawh Sarah hi thazaang rak pe cio hna usih. An hmanthlak pawl zong hi like le share in bawmh cio hn asi. An i dawh tuk hringhran, a mak ti le chim ding dangh a um ti lo. Mah tluk in Lainu aa dawh kho hi.

Nungak muidawh Sarah le Tlangval Amos cawi sannak caah kan vun langhtermi a si. Chin mi nih pakhat le pakhat i cawi san i usihlaw, thazaang i pe cio hna usih. Nikhat hnu ni khat in chantiluan kan dawi khawh lengmang cang ti khawh a si.

Thawngpang dang relchap lo cu a pam tuk hi. US Ralkap Zungpi Pentagon Nih Biden Team Pawl Background Check An Tuah Duh Hna Loh.(Trump le Biden buaibainak). US Election cu tuchunni tiang buaibainak in a khat i, Democratic Joe Biden lei nih teinak kan hmuh cang an ti na’in, President Trump nih cun Vote dik lo ruangah asi ti’ah kianh a timh loh. Tu December 5, 6 ah hin States kip nih Election Certification cu GSA ah report an pek dih a hau i, Ni 14 December,2020 ah Electoral College nih President ding Votes pekin an thim cang lai. Trump nih cun,EC Votes ka sunghah cun Biden hi President ah ka kianh lai ti’ah a chim cang.

US President sinak dingah zulhding phunglam (Procedure)an nei mi ah cun, General Services Administration(GSA) nih 23 November,2020 ah Presidential transition a onh hnu in, President nih a thimmi Ministers, Security Staffers le Whitehouse Staffs ding Mi- 2000 pawl cu backround Security Checkup tuah ta dih an hau i, a ong mi lawng lawngnih Whitehouse chungah lutkhawhin rian an tuan khoh lai.

President elected an timi Biden nih Ministers-6 le Security Staffers-18 Transition Team pawl cu Trump tangi US Defense Intelligence, National Intelligence Agencies Pawlnih backround zoh/ checknak an tuah duh rih loh ca’ah an buai tuk cang.Trump nih Biden zong Whitehouse chung ah luhter a sianh fawn loh. Tuhlanah cun, First Lady’s”Tea Party” zong 1 December poh ah an hmang tawn na’in, tu Kum cu atu tiangin an hmang rih loh.

Ni.9 November, 2020 ah khan President Trump nih Defense Secretary Mark Esper le bawizik-3 a phuah hnu ah khan, amah mizumh America Indian Kash Patel le American Jewish Mr.Ezra- Cohen Watnick cu Acting Secretary le Under Secretary of Defense for Intelligence & Security ah a chiah hna. Hi hna pahnih nih hin John Ratcliffe, Director of National Intelligence le Sue Gough, Director of Defense Intelligence tangi backround Security Check Boards cu an thlaih dih. Biden Teams pawl cu zarhhnih leng Checking an tuah duh hna loh.

Joe Biden Transition Team hna hi, spokesman Ned Price le Ex-Director of Defense Intelligence Agency, Vince Stewart nih an hruai hna na’in, Trump Teams lei pawl nih an tuah duh rih hna loh ti’ah Biden Spokesman Ned Price nih a chim/ a au khuang len cang. Biden nih cun Trump chiahmi John Ratcliffe, Director of NIA hi thlak i, amah thimmi Avril Haines chiah dingin General Services Adm. ah heh ti’ah a hal len hna.

Pentagon i DIA le NIA nih Biden Transition Team pawl backround checkup an tuah dih hnu i, an ong hnu lawng lawngah Officials in Cozah rian an thlaih kho fang te hna lai. Cuca’ah, Trump nih Biden hi President ah a pawm hnu in, Order a pek hnu lawngah Biden lei nih Cozah an siam khawh te lai. Election kongah biatak te’in buaibai dawh ding an si rih. Van hngak rih hna usih. Credit: MC Biklian