Muidawh Hlasakthiam Van Hlei Sung Nih Thawngthanhnak A Vun Tuah Taktak Cang!

USA TOUR DATES ANNOUNCEMENT!
========
Atawi fiannak in – tutan USA ka ratnak cu CBCUSA hruainak in asi. An i timhtuah mi cu kan Chin Raalkap caah mipi tthanghnak, hliphlaunak le phaisa kawl in cawlcangh an i tim.

Zeitin dah hi mission hi an ttuan lai ti ah cun, 1. Thla3 chung ah, states 7-8 hrawngah kal in, meeting tuah-adih in bia le hla in thazaang i pek asi lai. Zarh pini ah Khrihfabu ah caan hman asi te lai.

2. Mah leeng ah Concert pa2 tuah an tim. 1st Concert: DALLAS – March 12, 2nd Concert: INDY – April 2 An si lai.
States kalnak hmun: 1. SAN ANTONIO – 12/13 of April; 2. Washington DC – 19/20 of February; 3. Grand Rapids – 26/27 of February; 4. Springfield – 5th of March; 5. DALLAS (Concert) – 12/13 of March; 6. Louisiana – 19th of March; 7. Midland – 26/27 of March; 8. Indianapolis (Concert) – 2/3 of April.

Hibantuk rianttuannak hi phundang asi. Tuah bal lo mi asi i mipi zong nan i ngaih ngai la timi zumhnak ka ngei. Kan ram nih kan kaa, kan mitthli le kan FB share lawng aa zaa ti loh. Kan PHAISA aherh ko. Saduhthahnak nganpi he tlaang kan rak au lai.

READY tein mipi nih rak kan bawh ko u tiah kan in sawm hna! Thlacam zongin i bawm rih hna usih si! Ttang hna usih! Kan tei hrimhrim la!

Kan taang cio hna lai thla cam lawng za bak loh Sui ngun chaaw va hrim2 in teen le Pek can a si cang Na ka lawng chim can thla cam can a si ti lo A tak in chim le thla cam kan herh cang thut sawh can a si ti lo ee Hawi dawt vial te hna aw. Kum 30 a tang lei, Mino hna nih, Kan ram donthlennak ah, biatak tein, thazaang a chuah deuh nak hnga, kan forhfial piak chih te hna mu.

Michigan DAM TEIN KA PHAN! Covid he rianttuan tti le khual tlawn tti cu vawlei cung buaih la baih NAIN ttha chin pakhat hnu pakhat ka reltik ah ka Bawipa adawtnak ka hngalh chin thluahmah i zeitluk piin va har hmanhseh a ka philh bal lonak le kaa timhtuah ning in thil akal lo hmanh ah Amah program chung ka um mi te hna a ka fianh ning. Mikip ka ton mi ka caah thluachuah an si ning le fim chimtu an si ning zong tampi ka hmuh.

EXPERIENCE angan taktak bak khi asi. Adonghnak bik ah, ka lam tluannak hnga ding caah thlacam in a ka bawm zungzal tu dawtmi vialte nan cungah ka lawmtuk. Bawipa nih thluachuah in pe ko hna seh law. Mah vial kha si chung seh law,
mangtha tuk u. Credit: Van Hlei Sung

SAC Sawmmi Remdaih Biaruahnak ah CNF Kai Tim Lo. SAC sawmmi Myanmar ram remdaihnak kong ton biaruahnak ah kan kai lai lo, tiah CNF chimnak nawlngei Salai Htet Ni nih Khit Thit Media biahalnak ah a chim. “Atulio kan ram sining zoh tik ah dohthlennak tuah cuahmah lio a si bantuk in mipi lei ah kan ttan ko a si ahcun SAC nih a tuahmi ramkhel biaruahnak le cawlcanghnak pawl ah kan i teltum awk a si lo.

Sawm zong ah kal awk a si lo. 2008 Phunghrampi a cohlangmi cu a kai zong an kai ko lai. Asinain, kannih cu 2008 Phunghrampi a cohlangmi kan si lo. Uknak an chuh hnu in SAC he biaruahnak ngeih kan i tim lo. Kan kai lai lo,” tiah Salai Htet Ni nih a chim. Chinland Joint Defense Committee (CJDC) chungtel ralkap bu hna he lungkhat-thinkhat tein pehzul in ral kan do lai, tiah a chim chap.

“A pikpak in raldoh loin hmun khatte ah kan ral kan doh tti khawh nakhnga CJDC kan dirh cang. CJDC tlangtlaknak in hmun kip ah ralkap thazaang kan chap lai i, pehzul in ral kan do lai. Nihin ni caan hi raldohnak lei ah lungkhat tein kan um tti caan a si. Thih ah thih tti, nun ah nun tti timi lungput he pehzul in kan ral kan do lai,” tiah a chim.

Nizaan nai February 6 ah SAC nih Tlangcungmi hriamtlai pawl he biaruahnak ngeih ding in sawmnak ca a rak chuah.
KNU, AA, TNLA le MNDAA hruaitu hna zong nih SAC sawmmi remdaih biaruahnak ah kan kai lai lo, tiah a chim cio. Credit: The Chin Journal

NUG Ah I Fonh Dih Lawngah MAH Tei khawh asilai Timi Tulawngah Asiahcun Dohthlennak Caan Asau Lai Tinak Asi. Dr. Sa Sa Chimhmi kha rak ngai uhlaw, a hnu nanrak zulh ahcun, NUG ah pumkhat kansi diam cang I Tuhrawng ahcun Ralhrang Rallokap cu Tei cikcek ansi cang lai I Mipi sinah uknak a phan cang hnga.

Tlangcungmi le an Ralkapbu nih kan zumh hna seh, NUG ah pumkhat si uhsih timi saduhthah he Dr. Sa Sa hi an thimh hlei mi asi ti usihlaw kan palh lailo. Dr. Sa Sa bia kha rak zumh uhlaw, Federal Army zong aum diam cang hnga. CJDC nih, CDFs chung in, Minung 10 cio thimh in kawlrawm lei kuat hnu ah Federal Army dirh zong aum lailo. Federal Army hna Tindan an kai lai, an I lim lai, hriamnam pekin Rallokap hung namh ding zong khi, hmakhat te ah, atu bak ah asi khawh mi asilo caah, Dohthlennak can asau deuh nak cu asi cu mu.

Tlangcung hriamtlai ah a thawngbikmi KIO cu an lung pem cang. Chinmi a lung pem lomi kan um rih lai dah. ZRA ko hi khuaruahar. NUG he siloin MAH tu a kawmh. Tuak cio ko uh. Chinram le Chin Miphun ah, ZRA bantukin si aduhmi hriamtlaiphu kan um rih ahcun, na nu paw chungin a ti in Rak zut law law uhlaw atha deuh phun nansi ko. Lungfak tuk ah bia atha pahlo. Ka ngaithiam hram uh.

KIO/KIA nih NUG ah aa fonh ahcun AA, TNLA, MNDAA zong aafonh lai tinak asi. UWSA hmanh aa fonh ko. Thawngtha ngai asiko. Shan Ralkap tu cu Rallokap minung silan dawh asi ve. CNF/CNA, CDF lawng hi NUG he aa fonh ti zong Chinmi nih hngalh a herh ngai ngai I CNF thangchiat cu chimlo, vawlei ah voi 70 kunin biak ding tu khi ansi deuh.

Tlangcungmi cu NUG he I fonh lo zong ah, tam deuh nih MAH kan doh hna, tampi nunnak a liam ve. Kawl miphun cu NUG he an I fonh ko nain, biatak tein MAH an doh ve lo. Kaya, Chin, Karen, Kachin lawng an kan rinh. Chinram he ramri asimi Sakai le Makui ramthem lawng nih MAH biatak tein an doh ve. Hi nih hin Dohthlennak asau ter khun.

Dohthlennak can cu asau rih lai, mipi kan ba tuk rih lai Nunnak zeimawzat a liam rih lai, Urkangh mi khua le khuarawp an um len rih lai, tirawl eidin harsat can asau rih lai, Lungrawn khua khirh can a nai rihlo, ramdang um chinmi tampi thawh aherh rih lai, Teitu sican hi Zubui Mei can asi hrim lo, can sau rih lai caah, zeilei poah ah timhcia tein um zungzal a herh ve hnga. Credit: Joseph R. Thang