Mizoram Vawk hi a poi ngai

Mizoram Champhai District Court nih biachahnak a tuah bantuk in nizan ah khan Myanmar ram in dan lo in Vawk an rak phurhmi pathum hna cu AH&Vety Complex ah an thahhna i, an phum colh hna. Hi Vawk hna hi Langmanga (48) s/o Liankhawtina, Sesih, Champhai district nih dan loin Myanmar ram in a rak luhpi mi vawk 11 chungah aitel mi an si i, Classical Swine Fever (CSF) le Porcine Reproductive and Respiratory Syndrome (PRRS) zawtnak a nei mi an si hmuhchuah asi ruangah a tu bantuk in an thahnak hi asi. Vawk dang pariat hna cu zarhhnih hnu ah chek than dingin an chiah rih hna tiah theih asi.

Champhai district ah vawk, vawksa le vawksa in sermi thil dang hrimhrim cu lakluh le district in a dangah phurh chuah khap asi tiah theih asi fawn.

Thawngpang dang: Indian Navy hna nih American Boeing hna sinin Sub Marine killer P8-I pakhat cu nizan 18 November 2020 ah khan an cawk chap than. Indian Navy hna nihhin P8-I hi pariat an neih cang i, hi vanlawng hi can saupi rili ah dinlo in  hmankhawh as ii, rili lei ah ngiatthlainak le rili a thuh taktak nak hmun ah a ummi ral hna cu a kap kho dingin thuamh mi asi ruangah Indian Navy caah hi ngiatthlainak vanlawng hi a biapi taktak mi le an herh taktak mi asi. Indian Navy hnanih hin a hlan tein P8-I hi pariat US sinin an rak cawk cang i, naite ah a tumhnihnak Boeing nih India sinah an pek hmasa mi hi nizan ah khan Indian Navy hna kutah phanh ter as ii, Seattle US in a van i thaw hi, Hawaii Guam le Brunei ti bantuk hna ah a van i dinh hnu ah India hi a rak phan. Indian Navy hna nihhin hi ngiatthlainak vanlawng hi 22 tiang neih dingin an i zuam cuahmah lio asi. Indian Navy hna sinah a tumhnihnak an pek hna ahhin Indian navy sinah pali pek dingin timh as ii, a dang pathum hna cu hmaikum lei ah Navy hna nihhin  an donthan te dingin zumh asi. Hi ngaitthlainak vanlawng hi US, Australia le India hna nih an hman lio mi as ii, India hi P8 a caw tambik tu an si fawn.

P8-I Poseidon hna hi Boeing 737 new generation aircraft ngaitthlainak caah hman dingin a hleice in serchuah mi an si i, an taksa lenglei ah hin hriamnam kennak paruk vuah asi i, an taksa chung lei ah hin hriamnam kennak panga an nei fawn. P8-I hna hi sang taktak in rili chung titang bik tiang a hei kap kho dingin ser mi an s ii, AGM-84H K SLAM ER AGM-84 Harpoon missile hna cu Poseidon hriamnam hna an si. Cun hi ngiatthlainak vanlawng nih hin ralhna lawng rianrang in a kawl khawh hna nak dingah APY-10 an timi titang le ticung ah raltuk nak lawng hlei ah missile a zuangmi tiangin a kawl kho mi Radar an hman chih i, AN/APS Advance Airborn Sensor vanlawng lamhruaitu ah hman asi fawn.